Maatskappy wil biohoutskool teen betaling op plase vervaardig

Tegnologie vir die proses bekend as pirogene koolstofvaslegging en -berging (PyCCS) waardeur die uitwerking van klimaatsverandering versag word deur grondvrugbaarheid te verbeter, is besig om internasionaal groot veld te wen. &#039;n Nuutgestigte Namibiese maatskappy, PyroNam, beplan om in vennootskap met Namibiese boere PyCCS-aanlegte op plase op te rig waar jong indringerbos gebruik sal word om biohoutskool (biochar) te vervaardig wat plaaseienaars kan gebruik om hul grond mee te verbeter.Die besturende direkteur van PyroNam, me. Henrike Geldmacher, het verlede Vrydag tydens die Houtskoolvereniging van Namibië (CaoN) se jaarvergadering en ekspo by Otjiwa Lodge aan produsente verduidelik die belegging en aanlegte sal gefinansier word deur die koolstofsink-sertifikate (C-sink-sertifikate) wat hulle met dié klimaatvriendelike projek gaan bekom, in die buiteland te verkoop.’n Koolstofsink is enigiets wat meer koolstof uit die atmosfeer absorbeer as wat dit vrystel – in hierdie geval biohoutskool wat deur middel van die PyCCS-proses vervaardig word.Sy sê PyroNam sal plaaseienaars per kilogram vir die biomassa betaal wat gebruik word. “Die aanleg en arbeidershuise word deur PyroNam opgerig en die projek word deur ons bestuur. Die biohoutskool wat vervaardig word, is die plaaseienaar se eiendom.”Sy sê die standaarde wat toegepas word, is dié van die Bosbourentmeesterskapsraad (FSC) en die Europese Sertifikaat vir Biohoutskool (EBC). Die proses sal geoudit word om seker te maak daar word aan al die standaarde en vereistes voldoen. Eers dan sal virtuele C-sink-sertifikate uitgereik word.Geldmacher sê die internasionale vraag na hierdie sertifikate is baie groot en oorskry die aanbod by verre.Vir meer inligting hieroor kan belangstellendes PyroNam se webblad by www.pyronam.com besoek. – ronelle@republikein.com.na

Maatskappy wil biohoutskool teen betaling op plase vervaardig

Kommentaar

Republikein 2026-02-03

Meld asseblief aan om kommentaar te lewer

Maatskappy wil biohoutskool teen betaling op plase vervaardig

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.