Konsessiehouer vra vir strenger afdwinging

Die nuut aangestelde konsessiehouer vir Sandwich Harbour het kommer uitgespreek oor beweerde onwettige toerismebedrywighede, onreëlmatighede met voertuiglisensies en veiligheidsrisiko’s, en vra vir duideliker afdwingingsbevoegdhede en nouer koördinering tussen regulerende owerhede.Kenneth Kapitako, eienaar van Sandwich Dune Tours and Safaris en sedert 1 April konsessiehouer vir die Sandwich Harbour-gebied, het gesê dat inkonsekwente toegangsbeheer operateurs toegelaat het om die terrein sonder permitte te betree, wat tot inkomsteverliese en afdwingingsuitdagings lei.Hy het dié opmerkings oor die naweek by Sandwich Harbour gemaak tydens ’n besoek deur ’n afvaardiging van die Namibië Toerismeraad (NTB), die ministerie van die omgewing, bosbou en toerisme onder leiding van gelei deur adjunkminister Anselm Marungu en ministerie binnelandse sake, immigrasie, veiligheid en sekuriteit, Kapitako het gesê toegangsbeheer in die gebied was beperk voordat die huidige bedryfsreëlings ingestel is.Hy het bygevoeg die nuwe maatreëls vir toegangsbeheer het uitgelig “wat die regering oor die jare in terme van inkomste verloor het”.Hoewel die konsessie stappe gedoen het om toegang deur nie-nakomende operateurs te beperk, is duideliker regsbevoegdheid nodig om afdwinging te versterk, het Kapitako opgemerk.Hy het verskeie bekommernisse met die afvaardiging gedeel.“Sedert 1 April het ons opgemerk dat twee maatskappye lisensieskyfies, NTB-skyfies en permitte van die Paaieowerheid op vyf verskillende voertuie dupliseer,” het Kapitako gesê.“Dit beteken die NTB verloor inkomste omdat daardie operateurs nie lisensiegelde vir al hul voertuie betaal nie. Die Paaieowerheid verloor ook inkomste omdat daardie skyfies jaarliks hernu moet word.”Kapitako het gesê die toerismeministerie het reeds ’n brief uitgereik wat die konsessiehouer magtig om onwettige voertuie te identifiseer wat die park binnegaan.“Ons het egter nie NTB-inspekteurs hier op ’n daaglikse basis nie,” het hy gesê.Kapitako het bygevoeg dat, indien “ons skriftelike magtiging van NTB ontvang, dit ons in staat sal stel om beide die ministeries te help om te verseker dat elke voertuig wat die gebied binnekom, aan die vereistes voldoen.”NUWE REëLSKapitako het verwys na ’n onlangse klagte oor ’n toeroperateur wat na bewering agt passasiers in ’n voertuig vervoer het wat ontwerp is om ses mense te vervoer.“As iets gebeur waar ’n oorlaaide voertuig betrokke is, beskadig dit die beeld van ons land,” het hy gesê.Toe personeel die operateur egter ondervra het, is daar na bewering aan hulle gesê: “Wie is julle? Julle is nie ’n verkeersbeampte nie. Julle is nie NTB nie.”Hy het gesê gesprekke het met NTB-amptenare en verteenwoordigers van die toerismeministerie plaasgevind rakende ’n amptelike brief wat konsessiepersoneel magtig om permitte, voertuignakoming en passasiersperke te verifieer.Sulke magtiging sou gekoördineerde afdwinging tussen konsessie-operateurs en regeringsagentskappe ondersteun in die afwesigheid van daaglikse NTB-inspeksies op die terrein, het Kapitako gesê.Die Namibiese polisie se bevelvoerder in die Erongostreek, kommissaris Nikolaus Kupembona, wat ook teenwoordig was, het gesê beter samewerking is nodig tussen alle belanghebbendes.“As boetes ter sprake is, moet die betrokke owerhede in kennis gestel word sodat afdwinging kan plaasvind. “Operateurs moet verstaan dat dit nie meer besigheid soos gewoonlik is nie en dat die nakoming van die wet vereis word. “Ons moet saamwerk en die beste manier vind om hierdie onwettige bedrywighede te takel en te beheer.”– leandrea@erongo.com.na

Konsessiehouer vra vir strenger afdwinging

Kommentaar

Republikein 2026-06-11

Meld asseblief aan om kommentaar te lewer

Konsessiehouer vra vir strenger afdwinging

Kommentaar

Republikein 2026-06-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.