Klimaatsverandering bedreig Zambezi
Karibadamvlak kommerwekkend laag
Die rivierkom is die reddingsboei van ongeveer 51 miljoen mense in agt lande.
’n Vyfjaar-beleggingsplan van meer as US$700 miljoen vir Afrika se Zambezi-rivierkomstreek, wat aansienlike en toenemende bedreigings weens klimaatsverandering in die gesig staar, is aan die Klimaatbeleggingsfonds (CIF) vir goedkeuring voorgelê.
Calle Schlettwein, die minister van landbou, water en grondhervorming en voorsitter van die Zambezi-waterwegkommissie (Zamcom), het die aanbieding van die beleggingsplan van die streek se Natuur-, Mense- en Klimaatprogram (NPC) by die CIF se Strategiese Klimaatsfonds (SCF) se trustfondskomiteevergadering in Washington DC in Amerika gedoen.
“Hierdie transformerende plan is ontwerp om natuurgebaseerde oplossings te bevorder om die ingewikkelde wisselwerking van menslike aktiwiteite, klimaatsverandering en ekosisteem-agteruitgang in die Zambezi-waterweg te takel.”
Hy het gesê die ontwikkeling daarvan is moontlik gemaak deur die CIF se ruim finansiële ondersteuning.
Zamcom is ’n interregeringsorganisasie van die agt lande wat die Zambezi-rivierkom deel, naamlik Namibië, Angola, Botswana, Malawi, Mosambiek, Tanzanië, Zambië en Zimbabwe. Die Zambezirivier met sy sytakke is die vierde grootste rivierstelsel op die Afrika-vasteland.
Schlettwein het gesê die kommissie se hoofdoelwit is om die billike en redelike benutting van die Zambezi se waterbronne te bevorder en om doeltreffende bestuur en volhoubare ontwikkeling te verseker.
Schlettwein het egter gemaan dat die Zambezi, soos baie rivierbekkens wêreldwyd, aansienlike bedreigings in die gesig staar soos onder meer toenemende klimaatsverandering, onvolhoubare grondgebruikpraktyke en omgewingsagteruitgang, wat die volhoubaarheid daarvan op die lang termyn in gevaar stel.
KARIBADAM
Volgens Schlettwein ervaar die Karibadam – die grootste kunsmatige meer in die stelsel – tans sy laagste vlakke sedert konstruksie in 1959 voltooi is.
Hy het gesê dit was slegs 6% vol voordat die huidige afloopseisoen in November 2024 begin het. Schlettwein het gesê dat dit op sigself ’n vroeë waarskuwing moet wees van wat klimaatsverandering en ’n gevolglike varswatersiklus-onstabiliteit kan en sal meebring.
“Hierdie rampe sal natuurlik nie net tot verlore kragopwekking lei nie, maar eweneens tot verlore voedselproduksie, vernietigde lewensbestaan en dalende biodiversiteit.
“Die Zambezi is die reddingsboei van ongeveer 51 miljoen mense in agt lande wat noodsaaklike hulpbronne soos drinkwater, grondhulpbronne, bosprodukte, wild, visvoorrade, hidrokrag en ontspanningsaktiwiteite verskaf.”
Shlettwein het gesê dat dit eweneens ’n geïntegreerde, produktiewe en ingewikkelde bioom is wat bestaan uit oopwaterstelsels, vleilande, vloedvlaktes en woude waarin ’n buitengewoon diverse biodiversiteit van organismes leef.
Hy het gesê dat die Zambezistreek se NPC-beleggingsplan ’n gedeelde visie van volhoubare ontwikkeling beliggaam, met die erkenning dat die welstand van die mense onlosmaaklik gekoppel is aan die gesondheid van hul omgewing.
Volgens Schlettwein sal ’n totaal van US$703,39 miljoen oor ’n tydperk van vyf jaar benodig word om die ses voorgestelde natuurgebaseerde oplossingskomponente onder die Zambezistreek se NPC-beleggingsplan te implementeer.
Die CIF-verbintenis van US$58 miljoen dien as deurslaggewende finansiering vir die implementering van die beleggingsplan en dien as ’n katalisator om bykomende finansiering van internasionale vennote, multilaterale ontwikkelingsbanke en beleggers in die privaat sektor te lok.
“Terwyl die beraming van US$703 miljoen gebaseer is op hulpbronne wat tans beskikbaar is, sal bykomende finansiering nodig wees, gegewe die groot omvang van brandpunte regoor die Zambezi-rivierkom,” het Schlettwein gesê.
– [email protected]
Calle Schlettwein, die minister van landbou, water en grondhervorming en voorsitter van die Zambezi-waterwegkommissie (Zamcom), het die aanbieding van die beleggingsplan van die streek se Natuur-, Mense- en Klimaatprogram (NPC) by die CIF se Strategiese Klimaatsfonds (SCF) se trustfondskomiteevergadering in Washington DC in Amerika gedoen.
“Hierdie transformerende plan is ontwerp om natuurgebaseerde oplossings te bevorder om die ingewikkelde wisselwerking van menslike aktiwiteite, klimaatsverandering en ekosisteem-agteruitgang in die Zambezi-waterweg te takel.”
Hy het gesê die ontwikkeling daarvan is moontlik gemaak deur die CIF se ruim finansiële ondersteuning.
Zamcom is ’n interregeringsorganisasie van die agt lande wat die Zambezi-rivierkom deel, naamlik Namibië, Angola, Botswana, Malawi, Mosambiek, Tanzanië, Zambië en Zimbabwe. Die Zambezirivier met sy sytakke is die vierde grootste rivierstelsel op die Afrika-vasteland.
Schlettwein het gesê die kommissie se hoofdoelwit is om die billike en redelike benutting van die Zambezi se waterbronne te bevorder en om doeltreffende bestuur en volhoubare ontwikkeling te verseker.
Schlettwein het egter gemaan dat die Zambezi, soos baie rivierbekkens wêreldwyd, aansienlike bedreigings in die gesig staar soos onder meer toenemende klimaatsverandering, onvolhoubare grondgebruikpraktyke en omgewingsagteruitgang, wat die volhoubaarheid daarvan op die lang termyn in gevaar stel.
KARIBADAM
Volgens Schlettwein ervaar die Karibadam – die grootste kunsmatige meer in die stelsel – tans sy laagste vlakke sedert konstruksie in 1959 voltooi is.
Hy het gesê dit was slegs 6% vol voordat die huidige afloopseisoen in November 2024 begin het. Schlettwein het gesê dat dit op sigself ’n vroeë waarskuwing moet wees van wat klimaatsverandering en ’n gevolglike varswatersiklus-onstabiliteit kan en sal meebring.
“Hierdie rampe sal natuurlik nie net tot verlore kragopwekking lei nie, maar eweneens tot verlore voedselproduksie, vernietigde lewensbestaan en dalende biodiversiteit.
“Die Zambezi is die reddingsboei van ongeveer 51 miljoen mense in agt lande wat noodsaaklike hulpbronne soos drinkwater, grondhulpbronne, bosprodukte, wild, visvoorrade, hidrokrag en ontspanningsaktiwiteite verskaf.”
Shlettwein het gesê dat dit eweneens ’n geïntegreerde, produktiewe en ingewikkelde bioom is wat bestaan uit oopwaterstelsels, vleilande, vloedvlaktes en woude waarin ’n buitengewoon diverse biodiversiteit van organismes leef.
Hy het gesê dat die Zambezistreek se NPC-beleggingsplan ’n gedeelde visie van volhoubare ontwikkeling beliggaam, met die erkenning dat die welstand van die mense onlosmaaklik gekoppel is aan die gesondheid van hul omgewing.
Volgens Schlettwein sal ’n totaal van US$703,39 miljoen oor ’n tydperk van vyf jaar benodig word om die ses voorgestelde natuurgebaseerde oplossingskomponente onder die Zambezistreek se NPC-beleggingsplan te implementeer.
Die CIF-verbintenis van US$58 miljoen dien as deurslaggewende finansiering vir die implementering van die beleggingsplan en dien as ’n katalisator om bykomende finansiering van internasionale vennote, multilaterale ontwikkelingsbanke en beleggers in die privaat sektor te lok.
“Terwyl die beraming van US$703 miljoen gebaseer is op hulpbronne wat tans beskikbaar is, sal bykomende finansiering nodig wees, gegewe die groot omvang van brandpunte regoor die Zambezi-rivierkom,” het Schlettwein gesê.
– [email protected]
Kommentaar
Republikein
Geen kommentaar is op hierdie artikel gelaat nie