Kavangorivier styg tot 7 meter
Noorde se vloedwaters sak
Gemeenskappe langs die rivieroewer staal hulle vir moontlike vloede nadat waarskuwings van nóg reën in gebiede stroomop voorspel word.
Die Kavangorivier se watervlakke het die afgelope paar weke geleidelik gestyg, met toenemende kommer van regeringsowerhede wat ’n beroep op gemeenskappe langs die oewer gedoen het om op ’n hoë gereedheidsgrondslag te wees.
Volgens die ministerie van landbou, visserye, water en grondhervorming het die rivier by Rundu aansienlik gestyg – vanaf 6,32 meter op 1 April tot 7,21 meter teen 9 April.
Met sy jongste lesing het die riviervlak 7,68 meter bereik voordat dit effens tot 7,64 meter gedaal het. Kenners sê watervlakke is steeds uiters hoog ten spyte van hierdie effense daling.
Die adjunkdirekteur van hidrologie by die direktoraat van waterhulpbronbestuur, Pauline Mufeti, het gesê bykomende water vloei steeds stroomaf van Angola, waar die rivier se bolope aansienlike reënval ervaar het.
“Die reënseisoen is nog nie verby nie, so die situasie vereis noukeurige monitering en waaksaamheid, veral vir gemeenskappe wat langs die rivieroewer woon,” het Mufeti gesê.
Hoewel die Kavangorivier se hoogste aangetekende vlak van meer as agt meter in 2011 was, het Mufeti daarop gewys dat die huidige watervlakke naby aan vergelykbare perke is.
“Ons hou die situasie noukeurig dop. Sodra die situasie kritiek raak, word daar van owerhede wat vir rampreaksie verantwoordelik is, verwag om vloedgebeurlikheidsplanne in werking te stel,” het sy verduidelik.
Om dit te ondersteun, het die ministerie ’n netwerk van hidrologiese moniteringstasies ontplooi en reik daaglikse vloedbulletins uit om gemeenskappe in gevaar te waarsku.
Mufeti het ook die belangrikheid van langtermynstrategieë beklemtoon, soos om gemeenskappe oor vloedrisiko’s te onderrig en vloedlyne te karteer om nuwe nedersettings in kwesbare sones te voorkom.
Wat internasionale koördinering betref, werk Namibië deur die Okavangorivierkom-kommissie (Okacom) saam met met Angola en Botswana om hidrologiese data te deel en die rivier se hulpbronne volhoubaar te bestuur.
Mufeti het beklemtoon dat die gesamentlike insameling van data tussen Namibië en Angola aan die gang is om stygende watervlakke te monitor.
Intussen het Benjamin Makayi, die woordvoerder van Rundu se dorpsraad, erken dat die raad nog nie ’n amptelike opdatering van die ministerie ontvang het nie, maar het bevestig dat assesserings aan die gang is.
“Ons mense is besig om ’n verslag saam te stel om te sien watter gebiede geraak word. Sodra ons die volledige verslag ontvang het, sal ons dienooreenkomstig optree,” het Makayi gesê.
NOORDE
Die vloede in die noordelike streke, wat verwoesting veroorsaak het deur paaie en huise te vernietig en tot die verskuiwing van sommige inwoners na hoër grond gelei het, het ook veroorsaak dat 87 skole gesluit moes word, wat meer as 30 000 leerlinge raak.
Die streke van Ohangwena, Omusati en Oshana word die ergste geraak met sommige klaskamers wat deur die vloedwater vernietig is.
Intussen het ’n senior hidroloog in die landbouministerie, Leonard Hango, aan Network Media Hub (NMH) se Tuyeimo Haidula gesê die vloedwaters wat vroeër vandeesmaand vanaf Angola oor die grens gestroom het, het nou Oshakati en die sentrale gebiede van die Cuvelai-opvangsgebied bereik, wat tot ’n merkbare toename in watervlakke gelei het.
Hango het gesê op die grensgebied stabiliseer die vloed geleidelik suidwaarts in die rigting van die Etosha Nasionale Park, wat volgens hom ’n goeie aanduiding is.
Aangesien die vloedwater sak, sal die skole wat tans gesluit is, klasse kan hervat. Staatskole is landswyd tans met Paasvakansie tot 21 April.
– [email protected]
Volgens die ministerie van landbou, visserye, water en grondhervorming het die rivier by Rundu aansienlik gestyg – vanaf 6,32 meter op 1 April tot 7,21 meter teen 9 April.
Met sy jongste lesing het die riviervlak 7,68 meter bereik voordat dit effens tot 7,64 meter gedaal het. Kenners sê watervlakke is steeds uiters hoog ten spyte van hierdie effense daling.
Die adjunkdirekteur van hidrologie by die direktoraat van waterhulpbronbestuur, Pauline Mufeti, het gesê bykomende water vloei steeds stroomaf van Angola, waar die rivier se bolope aansienlike reënval ervaar het.
“Die reënseisoen is nog nie verby nie, so die situasie vereis noukeurige monitering en waaksaamheid, veral vir gemeenskappe wat langs die rivieroewer woon,” het Mufeti gesê.
Hoewel die Kavangorivier se hoogste aangetekende vlak van meer as agt meter in 2011 was, het Mufeti daarop gewys dat die huidige watervlakke naby aan vergelykbare perke is.
“Ons hou die situasie noukeurig dop. Sodra die situasie kritiek raak, word daar van owerhede wat vir rampreaksie verantwoordelik is, verwag om vloedgebeurlikheidsplanne in werking te stel,” het sy verduidelik.
Om dit te ondersteun, het die ministerie ’n netwerk van hidrologiese moniteringstasies ontplooi en reik daaglikse vloedbulletins uit om gemeenskappe in gevaar te waarsku.
Mufeti het ook die belangrikheid van langtermynstrategieë beklemtoon, soos om gemeenskappe oor vloedrisiko’s te onderrig en vloedlyne te karteer om nuwe nedersettings in kwesbare sones te voorkom.
Wat internasionale koördinering betref, werk Namibië deur die Okavangorivierkom-kommissie (Okacom) saam met met Angola en Botswana om hidrologiese data te deel en die rivier se hulpbronne volhoubaar te bestuur.
Mufeti het beklemtoon dat die gesamentlike insameling van data tussen Namibië en Angola aan die gang is om stygende watervlakke te monitor.
Intussen het Benjamin Makayi, die woordvoerder van Rundu se dorpsraad, erken dat die raad nog nie ’n amptelike opdatering van die ministerie ontvang het nie, maar het bevestig dat assesserings aan die gang is.
“Ons mense is besig om ’n verslag saam te stel om te sien watter gebiede geraak word. Sodra ons die volledige verslag ontvang het, sal ons dienooreenkomstig optree,” het Makayi gesê.
NOORDE
Die vloede in die noordelike streke, wat verwoesting veroorsaak het deur paaie en huise te vernietig en tot die verskuiwing van sommige inwoners na hoër grond gelei het, het ook veroorsaak dat 87 skole gesluit moes word, wat meer as 30 000 leerlinge raak.
Die streke van Ohangwena, Omusati en Oshana word die ergste geraak met sommige klaskamers wat deur die vloedwater vernietig is.
Intussen het ’n senior hidroloog in die landbouministerie, Leonard Hango, aan Network Media Hub (NMH) se Tuyeimo Haidula gesê die vloedwaters wat vroeër vandeesmaand vanaf Angola oor die grens gestroom het, het nou Oshakati en die sentrale gebiede van die Cuvelai-opvangsgebied bereik, wat tot ’n merkbare toename in watervlakke gelei het.
Hango het gesê op die grensgebied stabiliseer die vloed geleidelik suidwaarts in die rigting van die Etosha Nasionale Park, wat volgens hom ’n goeie aanduiding is.
Aangesien die vloedwater sak, sal die skole wat tans gesluit is, klasse kan hervat. Staatskole is landswyd tans met Paasvakansie tot 21 April.
– [email protected]
Kommentaar
Republikein
Geen kommentaar is op hierdie artikel gelaat nie