Jagbedryf veroordeel 'afgryslike' plasing

Die Namibiese Professionele Jagtersvereniging (Napha) het sy oordeel uitgespreek oor ’n plasing op sosiale media waarin ’n Amerikaanse trofeejagter spog oor sy jag van drie jagluiperds in Namibië.Cameron Hopkins het skaamteloos foto’s van die dooie jagluiperds gedeel met die byskrif: “My naam is Cameron Hopkins en ek het met trots drie jagluiperdwelpies doodgemaak. Ek sal dit weer onder dieselfde omstandighede doen. “Jagters wat hul gesigte verberg, is morele lafaards. Om my trots op my Afrika-jag te bewys, deel ek die trofeë wat ek as ongediertes in Namibië geskiet het. Al drie welpies is ongeveer een jaar oud.”Napha het bevestig dat hulle bewus is van die plasing op Instagram“Die taalgebruik en toon van sy plasing is beide oneerbiedig en opruiend en ons voel dit is nodig om konteks en duidelikheid aan hierdie kwessie te gee,” het Napha se president, Axel Cramer, gesê. Hy het gesê volgens James Traut – wat voorheen verantwoordelik was vir wildbestuur by Eden Farm – het die betrokke geleentheid meer as 15 jaar gelede plaasgevind.“Gedurende sy termyn het Eden nie deelgeneem aan die jag van roofdiere vir trofeë nie, aangesien roofdiere as ’n noodsaaklike deel van groter ekosisteme beskou is.”Cramer het gesê dat hulle op seldsame geleenthede hulp aan boere in die gemeenskap verleen het wat met roofdierprobleme te doen gehad het. Hy het egter gesê dié voorvalle is met die uiterste sorg en respek vir die betrokke diere hanteer. Hopkins het verder daarop gewys dat hy ’n trotse jagter is wat ’n “waardevolle diens” vir Traut by Eden gelewer het.“’n Ma met vyf welpies het onder die heining deur gekruip en het vier of vyf springbokke begin doodmaak om haar welpies te leer jag. “Ek het twee van hulle sekondes uitmekaar geskiet. Ons het nog een by ’n watergat gevang en ek het dit vanaf die agterkant van ons trok geskiet. “Nog ’n jagter het een geskiet, so ons het vier uit vyf welpies doodgemaak.“My enigste berou is dat ek nie enige van die velle kon uitvoer nie, so Jamie het matte daarvan vir die lodge gemaak. Ek hoop PETA [Mense ter ondersteuning van die etiese behandeling van diere] probeer my besigheid boikot.”MISLEIDENDNapha het gesê dit is belangrik om te beklemtoon dat Hopkins se beskrywing van die gebeurtenis in sy onlangse plasing misleidend is, aangesien dit impliseer dat dit onlangs plaasgevind het.“Hierdie wanvoorstelling is veral kommerwekkend, gegewe die wetlike raamwerk in Namibië met betrekking tot die jag van probleemdiere, wat vereis dat sulke optrede verantwoordelik en eties uitgevoer word.”Traut het in ’n verklaring deur sy prokureurs gesê hy kan nie hierdie spesifieke jagtog of die jagter onthou nie en was geskok en heeltemal onkant gevang om te sien dat die gebeurtenis op so ’n ontstellende en oneerbiedige manier beskryf word. Dit is volgens hom iets waarmee geen ware etiese jagter geassosieer wil word nie. “Op sulke skaars geleentheid sou naburige boere wat verliese gely het weens roofdiere, my gekontak het om te help om daardie roofdiere te verwyder, hetsy deur sommige te vang en vry te laat, óf deur sulke roofdiere van kant te maak as geen ander opsie beskikbaar is nie. “Ek kan net aanneem dat die jagluiperd waarna mnr. Hopkins verwys, van kant gemaak is om ’n naburige boer te help. Ek herhaal dat die voorval waarna Hopkins verwys, amper 20 jaar gelede gebeur het.”Cramer het gesê Napha veroordeel Hopkins se plasing ten sterkste en voeg by dat die taalgebruik nie net die diere wat hy gejag het nie, maar ook die professionele jagters en spoorsnyers wat onverpoos werk om die integriteit van die jagbedryf te handhaaf, minag. Hy het ook gesê etiese jag is ’n hoeksteen van bewaring in Namibië en enige afwyking hiervan is onaanvaarbaar.“Ons wil graag alle jagters en besoekers aan Namibië daaraan herinner dat die voorreg om in ons land te jag, gepaard gaan met die verantwoordelikheid om met respek, waardigheid en die streng nakoming van ons wette en etiese standaarde op te tree.”– republikein@republikein.com.n

Jagbedryf veroordeel 'afgryslike' plasing

Kommentaar

Republikein 2025-12-19

Meld asseblief aan om kommentaar te lewer

Jagbedryf veroordeel 'afgryslike' plasing

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.