Huurpagboere wil hout in Kavango oes

Die proses vir die omgewingsimpakstudie (EIA) vir ’n voorgestelde projek vir die selektiewe oes van hout in die streke van Kavango-Oos en -Wes het afgeskop.Zarephath Eco-Services nooi belanghebbendes en geraakte partye uit om insette te lewer. ’n Openbare konsultasievergadering is vir môre vanaf 09:30 by die Shafa-gastehuis op Rundu geskeduleer.Die projek stel uitgesoekte bedrywighede vir die oes van hout op ses plase voor, naamlik Plaas Shavambambi No. 1532, Plaas Makanga No. 1602, Plaas No. 1919, Plaas Let Love No. 1965, Plaas Mukuya No. 1598 en Plaas Nzodi No. 1954.“In die woudgebiede van die noordelike streke is daar sekere houtboomspesies wat die huurpagboere hoop om te oes,” volgens Michael ||Otsub, omgewingskonsultant van Zarephath.Hy het gesê ses hervestigingsboere is betrokke by ’n voortgesette proses om toestemming te bekom om die hout te oes. Die boere sluit in Andreas Haingura wie se plaas in die Shambyu Tradisionele Owerheid-gebied is, Angelika Makanga en Aloys Mukuya, asook Paulus Kapampanza, Joseph Siwombe en Basilius Hairwa op hul plase in die Gciriku Tradisionele Owerheid by Ndonga Linena. ||Otsub sê die boere is versoek om die prosedures te volg soos bepaal deur die Omgewingsbestuurswet 7 van 2007 met houtoeste wat intussen gestaak is.Ná indiening van agtergronddokumentasie kan die direktoraat van bosbou in die ministerie van die omgewing, bosbou en toerisme ’n gedeeltelike of volledige EIA vereis, afhangend van die evaluering van die ingediende afbakeningsverslag.||Otsub, wat twee maande gelede uit sy pos as adjunkdirekteur van bosbou in die ministerie afgetree het, is goed vertroud met toepaslike wetlike vereistes. “Vir enige gelyste projek (volgens die wet) moet daar ’n EIA wees. Sodra ons die impakstudie doen en bepaal hoe dit bestuur moet word, hang dit af van die ministerie om dit te beoordeel,” het hy gesê.“Ons is nie in konflik nie en ons is ook nie bevooroordeeld nie. Daar is niks verborge hier nie, daarom nooi ons belangstellende partye uit om deel te neem,” het hy gesê.Die sperdatum om insette te lewer is 16 November om 17:00 en ||Otsub moedig belangstellendes aan om die openbare konsultasie op Rundu by te woon waar die boere teenwoordig sal wees en “hulle die boere self kan vra” oor enige bekommernisse.“Soveel mense het my vir die dokumente gevra, selfs omgewingsbewustes, sodat hulle kan kommentaar lewer en hulle kan adviseer,” het hy gesê.Alhoewel die omvang van Zarephath se betrokkenheid nie die pryse of bemarking van die hout dek nie, sal ||Otsub bepaal watter prosesse die boere gaan gebruik en waarna hulle mik, maar nie aan wie hulle gaan verkoop nie, of wie die werklike afkap van die bome gaan doen nie.Na 25 jaar in bosbou sê ||Otsub sy passie vir Namibiese plantlewe duur voort en het bygevoeg: “Ek het baie bestuursplanne gedoen.”Belangstellende en geraakte partye kan registreer, agtergrondinligtingsdokumente aanvra en kommentaar of besware lewer deur ||Otsub te kontak by by 081 144 4878 of per e-pos by otsubm@yahoo.co.uk.– augetto@nmh-hub.com.na

Huurpagboere wil hout in Kavango oes

Kommentaar

Republikein 2026-11-09

Meld asseblief aan om kommentaar te lewer

Huurpagboere wil hout in Kavango oes

Kommentaar

Republikein 2026-11-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.