Hawe by Kaap Fria (weer) ’n moontlikheid
Omgewingsimpakstudie aangevra
'n Grootskaalse projek wat uit die 1980's dateer, kan moontlik 'n werklikheid word met 'n nuwe diepseehawe met 'n dorp wat in die Kunenestreek by Cape Fria beplan word en wat 'n aanleg vir groen waterstof en sonkrag insluit.
Brigitte Weidlich - Die maatskappy Kaoko Fria Investment wil die regering se lang gekoesterde plan by die baai van Kaap Fria/Angra Fria verwesenlik deur dit in ’n groot hawe te ontwikkel.
Die Atlantic City-ontwikkeling gaan ook deel van die projek vorm. Die ontwikkelaar Michael Petrus wil ook ’n aparte groenwaterstofprojek naby Purros ontwikkel.
Petrus, die stigter van Kaoko Investment, het amptelik ’n omgewingsimpakstudie in dié verband aangevra. Kaap Fria is in die Skedelkuspark in die voormalige Kaokoland geleë op dieselfde breedtegraad as die Etosha-panne en is deel van die Kunenestreek. Die omliggende gebied met sy unieke landskap word as een van die laaste wildernisgebiede in Namibië en ook Afrika in die algemeen bestempel.
EnviroLeap Consulting het intussen aangekondig dat die omgewingsimpakstudie van stapel gestuur is. Die toekomstige langtermynfases van die voorgestelde ontwikkeling sluit ’n hawe in Angra Fria in as ’n deurgangshawe vir in- en uitvoere. Dit sal ook as ’n bergingsfasiliteit vir vraghouers dien asook ’n spoorlyn vir Katima Mulilo insluit.
’n ‘Slimstad’ met kommersiële sones sal geskep word vir die vervaardiging van energie sowel as die ontsouting van seewater, terwyl dit ook ’n produksiesentrum sal insluit.
Kommersiële gebiede sal beskikbaar wees vir die ontginning, verwerking en ontwikkeling van minerale, toerisme, behuising, onderrigsentrums, voedselproduksie asook omgewingsbestuur. Paaie word beplan met ’n spoorverbinding en lughawe om die hawe met die res van Namibië en die wêreld te verbind.
Planne om ’n normale of diepseehawe daar te bou, dateer uit die vroeë 1980’s. In 2008 is ’n voorlopige omgewingsimpakstudie vir ’n toekomstige hawe naby Kaap Fria uitgevoer en voltooi.
Die haweowerheid Namport was egter nie destyds ten gunste van ’n derde hawe in Namibië nie, omdat Walvisbaai nie voldoende gebruik is nie. Angola het ook toe begin om sy suidelike hawe by Lobito uit te brei. Geraakte partye en belangstellendes kan hul kommentaar en insette oor plaaslike kennis en ervaring van Kaap Fria en die omliggende gebiede aan EnviroLeap voor 15 Desember aan [email protected] stuur.
– [email protected]
Die Atlantic City-ontwikkeling gaan ook deel van die projek vorm. Die ontwikkelaar Michael Petrus wil ook ’n aparte groenwaterstofprojek naby Purros ontwikkel.
Petrus, die stigter van Kaoko Investment, het amptelik ’n omgewingsimpakstudie in dié verband aangevra. Kaap Fria is in die Skedelkuspark in die voormalige Kaokoland geleë op dieselfde breedtegraad as die Etosha-panne en is deel van die Kunenestreek. Die omliggende gebied met sy unieke landskap word as een van die laaste wildernisgebiede in Namibië en ook Afrika in die algemeen bestempel.
EnviroLeap Consulting het intussen aangekondig dat die omgewingsimpakstudie van stapel gestuur is. Die toekomstige langtermynfases van die voorgestelde ontwikkeling sluit ’n hawe in Angra Fria in as ’n deurgangshawe vir in- en uitvoere. Dit sal ook as ’n bergingsfasiliteit vir vraghouers dien asook ’n spoorlyn vir Katima Mulilo insluit.
’n ‘Slimstad’ met kommersiële sones sal geskep word vir die vervaardiging van energie sowel as die ontsouting van seewater, terwyl dit ook ’n produksiesentrum sal insluit.
Kommersiële gebiede sal beskikbaar wees vir die ontginning, verwerking en ontwikkeling van minerale, toerisme, behuising, onderrigsentrums, voedselproduksie asook omgewingsbestuur. Paaie word beplan met ’n spoorverbinding en lughawe om die hawe met die res van Namibië en die wêreld te verbind.
Planne om ’n normale of diepseehawe daar te bou, dateer uit die vroeë 1980’s. In 2008 is ’n voorlopige omgewingsimpakstudie vir ’n toekomstige hawe naby Kaap Fria uitgevoer en voltooi.
Die haweowerheid Namport was egter nie destyds ten gunste van ’n derde hawe in Namibië nie, omdat Walvisbaai nie voldoende gebruik is nie. Angola het ook toe begin om sy suidelike hawe by Lobito uit te brei. Geraakte partye en belangstellendes kan hul kommentaar en insette oor plaaslike kennis en ervaring van Kaap Fria en die omliggende gebiede aan EnviroLeap voor 15 Desember aan [email protected] stuur.
– [email protected]
Kommentaar
Republikein
Geen kommentaar is op hierdie artikel gelaat nie