Hartroerende olifantfoto internasionaal bekroon

NuusredaksieDie Natuurmuseum van Londen het die Italianer Federico Veronesi as hul Natuurlewe-fotograaf van die Jaar 2026 aangewys, met Namibië se woestynaangepaste olifante se harde, ongenaakbare lewens wat in dié aangrypende foto vasgevang is. Federico, oorspronklik van Milaan en tans in Nairobi in Kenia woon, is het met die louere weggestap met sy hartroerende swart-en-wit-foto van ’n olifantkoei wat ’n dooie kalf in die Huabriviervallei in die noordweste van Namibië dra. Die foto getiteld ‘The Aftermath’, is konfronterend en tog roerend; dit laat ons nadink oor die ingewikkelde gedrag van diere rakende die dood.Federico was besig om ’n trop olifante te volg toe hy op ’n ongewone patroon van sleepmerke op die grond afgekom het. Toe hy die familietrop inhaal, het ’n koei met die kalf te voorskyn gekom; die kalf se been was tussen haar tand en slurp vasgeknyp.Gedrag wat met die dood verband hou is al by Afrika- en Asiatiese olifante waargeneem. Sommige navorsers meen hierdie gedrag kan daarop dui hoe olifante die dood verstaan, terwyl ander dit as moontlike tekens van rou interpreteer.Kathy Moran, die voorsitter van die beoordelaarspaneel van die kompetisie, sê: “Hierdie foto werk op soveel vlakke. Emosioneel tref dit ’n mens diep; dit is hartverskeurend en roerend. Intellektueel is dit bewys dat diere oor kognitiewe vermoëns beskik. Hierdie foto sê alles.”Die kompetisie het vanjaar 65 403 inskrywings uit 121 lande en gebiede ontvang.– republikein@republikein.com.na

Hartroerende olifantfoto internasionaal bekroon

Kommentaar

Republikein 2026-10-15

Meld asseblief aan om kommentaar te lewer

Hartroerende olifantfoto internasionaal bekroon

Kommentaar

Republikein 2026-10-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.