Etosha se paaie weer spiekeries ná feestyd

Die ministerie van die omgewing, bosbou en toerisme beoog om teen die einde van die vakansieseisoen al die paaie in die Etosha Nasionale Park te herstel. Volgens die ministerie se woordvoerder, Romeo Muyunda, het die padinfrastruktuur in die park agteruitgegaan weens die feit dat die masjinerie wat gebruik word om paaie te skraap, herstel moes word. “Ons weet dele van die park was in ’n swak toestand, maar ons wil die publiek verseker hierdie is nie meer die geval nie,” het hy gesê. Muyunda het gesê daar is tans drie masjiene in ’n werkende toestand en dat die meerderheid van die paaie reeds geskraap is. Hy sê die paaie in die suidooste van die park – tussen Okaukuejo, Halali en Namutoni – sal teen die einde van die Kersseisoen herstel wees. Hy het egter aangevoer die omgewingsministerie maak nie ’n gewoonte daarvan om die paaie in sy nasionale park af te skeep nie. “Hierdie is nie vir ons die norm nie, die ministerie is trots op die instandhouding van die paaie in ons parke.”Luidens ’n onlangse verklaring het dié ministerie reeds N$35 miljoen belê vir die verbetering van die paaienetwerk in die Etosha Nasionale Park. Dit is glo vir die opknapping van die pad van 69 km tussen Sonderkop en Olifantsrus asook die 126 km-pad tussen Olifantsrus en die Galton-hek, insluitend die Dolomite-roete, aangewend. ’n Bykomende N$71,3 miljoen sal glo in die 86 km-pad tussen Ozonjuitji en M’bari na Okaukuejo belê word. Die ministerie het ook in sy verklaring ‘n versoek aan besoekers aan die park, veral diegene met swaarvoertuie, gerig om by die spoedgrens te hou. Die ministerie voer aan dat onverskillige bestuur die toestand van die paaie verswak. – republikein@republikein.com.na

Etosha se paaie weer spiekeries ná feestyd

Kommentaar

Republikein 2025-11-05

Meld asseblief aan om kommentaar te lewer

Etosha se paaie weer spiekeries ná feestyd

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.