Dringende klimaatoptrede nodig

Namibië is een van die wêreld se mees klimaatkwesbare nasies, maar wys dat klimaatoptrede industriële en ekonomiese transformasie kan dryf. President Netumbo Nandi-Ndaitwah het tydens die Verenigde Nasies se klimaatberaad (COP30) in Belém, Brasilië, ‘n duidelike boodskap uitgestuur dat dringende klimaatoptrede met konkrekte oplossings, innovering en billike finansies opgevolg moet word. Sy het verwys na Namibië se tweeledige rol as beide ‘n land wat hoogs kwesbaar vir klimaatimpak en ook ‘n leier in volhoubare oplossings is. “Ons verbintenis is duidelik: om geen kweekhuisgasvrystellings te bereik terwyl ons werksgeleenthede skep, groen tegnologie bevorder en veerkragtigheid versterk,” het die president gesê. Sy het verwys na Namibië se innoverende groen waterstofstrategie wat die land as &#039;n spilpunt vir skoon energie en industrialisering posisioneer. Sentraal hieraan is die Oshivela Groen Ysterprojek wat onlangs bekend gestel is, die eerste aanleg in Afrika op industriële skaal wat geheel en al deur groen waterstof aangedryf word.“Dit is Afrika se eerste groen ysteraanleg, en dit sal verhoed dat 27 000 ton CO₂ jaarliks die atmosfeer binnedring,” het sy gesê. “Namibië is nou &#039;n leier in groen industrialisering, wat die wêreld wys dat volhoubare groei moontlik is.”Namibië se sterk rekord in klimaatdeursigtigheid is ook beklemtoon.“Ons eerste Tweejaarlikse Deursigtigheidsverslag bevestig dat Namibië &#039;n netto koolstofput bly, en koolstofverwydering in die grondsektor het met 45% sedert 1990 gestyg,” het Nandi-Ndaitwah gesê.“Dit toon dat verantwoordelike grondbestuur en bewaringsbeleid meetbare klimaatresultate lewer.”Terwyl Namibië die voortou neem in innovasie, het Nandi-Ndaitwah gewaarsku dat aanpassing en versagting dringende internasionale ondersteuning vereis.“Die implementering van aanpassing in kritieke sektore soos landbou, water, biodiversiteit, gesondheid, infrastruktuur en kusbestuur vereis US$6 miljard, met 90% wat van internasionale hulp afhanklik is,” het sy gesê.“Versagting oor sektore heen word op US$9 miljard geraam, waarvan slegs 10% uit binnelandse hulpbronne kan kom.”Nandi-Ndaitwah het ook hervorming in die globale finansiële landskap versoek en aangevoer dat ontwikkelende lande ongelyke hoë kapitaalkoste in die gesig staar.“Handelspraktyke moet billik wees, en finansiering moet werklike risiko&#039;s op die grond weerspieël,” het sy gesê. “Ons doen &#039;n beroep op lidstate, ontwikkelingsbanke en private beleggers om voorspelbare, volhoubare en toeganklike finansiering te verskaf om lande soos Namibië in staat te stel om hul klimaatsteikens te bereik.”Nandi-Ndaitwah het gemaan dat “die toekoms ons nie sal oordeel op grond van die aantal COP-konferensies wat ons aanbied nie, maar op grond van die konkrete stappe wat ons geneem het om Moeder Aarde te red, sodat sy nou en in die toekoms vir ons kan sorg.”Namibië se toespraak by COP30 het die land nie net as een van die mees klimaatkwesbare nasies ter wêreld uitgesonder nie, maar ook as &#039;n proaktiewe leier wat baanbrekerswerk doen met groen oplossings en &#039;n beroep op dringende, uitvoerbare ondersteuning om &#039;n volhoubare toekoms vir almal te verseker. - ellanie@nmh-hub.com.na

Dringende klimaatoptrede nodig

Kommentaar

Republikein 2025-11-10

Meld asseblief aan om kommentaar te lewer

Dringende klimaatoptrede nodig

Kommentaar

Republikein 2025-11-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.