Die storie van Alpha, Bravo en Charly

In November 2015 word drie woestynleeuwelpies gebore. Tien maande later word Alpha, Bravo en Charly wees gelaat toe hul ma sterf. Die drie musketiers se toekoms het donker gelyk, maar tien jaar later is hulle die sterre in ‘n rolprent wat wêreldwyd opslae gemaak en verskeie gesogte toekennings ingepalm het. Die eerste gedeelte van die drie wees woestynleeuwelpies se merkwaardige oorleweingsreis is in die bekroonde film Vanishing Kings II - Desert Lion Legacy vertel en nou maak Alpha, Bravo en Charly vir oulaas weer ‘n hul buiging op die silwerskerm. Dit is weer die gevierde wildlewe filmmakers Will en Lianne Steenkamp wat agter die kameras is in hul finale film met die drie woestynleeus as die hoofkarakters in Lions of the Skeleton Coast. Die film het verskeie toekennings by wildlewe filmfeeste oraloor die wêreld ingepalm. By die gesogte Jackson Wild-fees in Amerika is dit bekroon vir Animal Behaviour and Writing, terwyl dit in Frankryk by die Cannes Korporatiewe Media & TV-toekennings vier toekennings gekry het - Best Nature & Wildlife, Best Environment, Ecology & Sustainability, Best Cinematography, en die gesogte Grand Prix vir die beste film op die fees. Will en Lianne het soos met hul vorige films waar die fokus op die woestynleeus geval het in Vanishing Kings, nou saam met dr. Philip (Flip) Stander gewerk. Stander is wyd bekend as Namibië se Leeukoning wat reeds dekades met sy Desert Lion Project hom beywer vir die bewaring van die woestynaangepaste leeus in die noordelike Namib en by die Skedelkus. Stander versamel al vir byna 40 jaar ekologiese data in oor die woestynleeu en bestee soms maande alleen in die woestyn om sy geliefde leeus te monitor. Hy het vir 23 jaar vir die ministerie van die omgewing en toerisme gewerk en in 1994 sy doktorsgraad aan die Cambridge Universiteit behaal. In 1998 stig hy die Desert Lion Trust wat buiten vir die insameling van data oor die woestynleeus ook die die voorkoms van mens-leeu-konflik monitor en bestuursplanne saam met gemeenskappe implementeer om sterftes te voorkom. Stander, Will en Lianne het agt jaar nou saam gewerk in die verfilming die woestynleeus.Hul toewyding tot die woestynleeus word weerspieël in die manier waarop dié spesiale en unieke diere uitgebeeld word, met die langtermyn, toegewyde wetenskap deel van woestynleeustorie wat verweef word met ‘n merkwaardige grootwordverhaal in &#039;n boeiende en outentieke verhaal..Will en Lianne Steenkamp is bekroonde wildlewe-filmmakers wat bekend is vir hul karaktergedrewe, gedragsgerigte dokumentêre films wat die natuurlike wêreld na globale gehore bring. Met meer as 20 jaar ondervinding is hul werk al vir drie Emmy-benoemings genomineer. Buiten filmmakers, is Will en Lianne ook toegewyde bewaringsbewustes. Hulle is die stigters van The Vanishing Kings Foundation, &#039;n niewinsgewende organisasie wat verbind is tot die bewaring en bewusmaking van die woestynleeus en het ook saam met Stander die eerste omvattende boek oor die ekologie van die woestynleeus geskryf.Will het &#039;n meestersgraad in omgewingsbestuur van die Universiteit van die Vrystaat, en Lianne het &#039;n BA in Oudiovisuele Media van die Universiteit Utrecht verwerf. Hul gekombineerde kundigheid in omgewingswetenskap en visuele storievertelling stel hulle in staat om impakvolle films te skep wat nie net gehore boei nie, maar ook bewaringspogings wêreldwyd bevorder. - henriette@republikein.com.naBLOKKIE:VERTONINGS:*Windhoek: Lions of the Skeleton Coast word op 28 November in die hoofstad vrygestel en sal vir &#039;n week by Ster-Kinekor in die Grove Mall te sien wees. Kaartjies is op Ster-Kinekor se webwerf en mobiele toepassing beskikbaar.*Swakopmund: Op Swakopmund word &#039;n spesiale vertoning op 29 November by The Dome aangebied wat deur Ultimate Safaris en The Dome geborg is. Na afloop van dié vertoning is daar &#039;n vraag-en-antwoord-sessie met dr. Philip (Flip) Stander, asook die filmmakers Will en Lianne Steenkamp. Kaartjies is by Webtickets beskikbaar. Opbrengste word geskenk aan die Pako-kindertydskrif wat die volgende generasie Namibiese lesers en bewaarders inspireer en opvoed.‘n Spesiale vertoning van Lions of the Skeleton Coast vind 21 November by Ster Kinekor in Grove Mall plaas. Dr. Flip Stander asook Will en Lianne sal die vertoning bywoon en aan ‘n vraag-en-antwoord-sessie deelneem. - henriette@republikein.com.na

Die storie van Alpha, Bravo en Charly

Kommentaar

Republikein 2026-02-24

Meld asseblief aan om kommentaar te lewer

Die storie van Alpha, Bravo en Charly

Kommentaar

Republikein 2026-02-24

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.