Chinese maatskappy beskuldig van oes van hout

’n Dispuut het in die informele nedersetting Tumweneni in die Kavango-Oosstreek losgebars, met inwoners wat die nedersettingskomitee daarvan beskuldig dat hulle eensydig ’n Chinese maatskappy toegelaat het om vyf mopaniebome af te kap. Dit sonder dat die breër gemeenskap in die saak geken is.Max Solar Power Trading cc, die Chinese maatskappy in die middel van die twis, het egter enige oortreding ontken. Die toesighouer Peter Sandanda het aan Network Media Hub (NMH) gesê die maatskappy het bloot gehelp om die bome te verwyder wat as skadelik of ’n struikelblok gesien is.“Die komitee het ons genader om te help met bome wat ’n bedreiging vir huise en paaie inhou. Daar was geen finansiële uitruiling nie, dit was bloot ’n poging om die gemeenskap te help,” het hy gesê.Volgens Sandanda is die maatskappy nie by ontbossing betrokke nie, maar het ingestem om te help in spesifieke gevalle waar die verwydering van bome nodig was. NEDERSETTINGSKOMITEEDie ondervoorsitter van die nedersettingskomitee, Muyambango Alexandra, het op sy beurt beklemtoon die bome is ter wille van ontwikkeling verwyder. “Hierdie bome was in die middel van die straat, ons moes dit verwyder om plek vir paaie te maak. “Wetstoepassings- en bosboubeamptes was hier en het die proses goedgekeur,” sê hy. Alexandra het bewerings ontken dat die komitee finansieel voordeel uit die hout getrek het.“Die Chinese maatskappy het ons gratis gehelp. Ons het nie die bome aan hulle verkoop nie.”REAKSIE VAN MINISTERIEJonas Mwiikinghi, die hoofbosbouer vir Kavango-Oos en -Wes, het aan NMH gesê die ministerie van die omgewing, bosbou en toerisme het by die dispuut ingegryp. Volgens Mwiikinghi het hy die terrein besoek na aanleiding van ’n klag wat van plaaslike owerhede ontvang het.“Ek het ’n oproep van die polisie ontvang oor bome wat in Tumweneni afgekap word. Met my aankoms het ek die komiteelede en Peter Sandanda gekry wat gesê het die bome is op hul versoek verwyder,” het Mwiikinghi gesê. Hy het beklemtoon die komitee het sonder goedkeuring van die dorpsraad of die ministerie opgetree.“Hoewel ’n waarskuwing aan die komitee uitgereik is, is geen bome gekonfiskeer nie, want ons verstaan die konteks en die situasie waarin hulle is. “Hulle is egter opdrag gegee om deur die regte kanale te gaan voordat hulle hout in die gebied oes,” het Mwiikinghi gesê.SPANNINGVerskeie inwoners beweer die komitee tree sonder deursigtigheid op en maak beswaarmakers af as “vyande van vooruitgang”. Die spanning in die gebied dateer terug na 2019, met sommige inwoners wat beweer besluite word dikwels agter geslote deure geneem met net ’n paar wat daarby baat. Volgens die beswaardes is die besluit uitsluitlik deur die komitee geneem en sonder voldoende verteenwoordiging of insette van diegene wat direk geraak word. “Ons het van die boom af geëet en die volgende sien ek hulle kap dit af,” het ’n inwoner gesê, wat dit as ’n voedselbron vir inwoners beskryf het. – republikein@republikein.com.na

Chinese maatskappy beskuldig van oes van hout

Kommentaar

Republikein 2026-05-05

Meld asseblief aan om kommentaar te lewer

Chinese maatskappy beskuldig van oes van hout

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.