Byebewaring op 20 Mei gevier

Namibië se bekende byeboer en byebewaarder Roland zu Bentheim het onlangs ’n groot swerm bye by die Universiteit van Namibië (Unam) verwyder. Die swerm het uit ongeveer 20 000 bye bestaan en was al meer as vyf jaar oud. “Dis selde dat ’n mens sulke groot en gesonde heuningkoeke kry,” het Zu Bentheim gesê. Volgens hom is die bewaring van bye van kritieke beland om voedselsekuriteit wêreldwyd te verseker. Wêreldbyedag word op 20 Mei gevier met die doel om die rol van bye en ander bestuiwers in die ekosisteem te erken en te vier. As iemand ’n swerm bye gewaar, kan hulle vir Zu Bentheim by 081 635 7323 kontak om die swerm veilig te verwyder.