Zwane het Nedbank gevra om Guptas te help
Nedbank sê Mosebenzi Zwane, minister van minerale hulpbronne, het die bank vroeër vanjaar versoek om sy besluit om nie langer sake met die Gupta-familie te doen nie, te heroorweeg.
Nedbank het op 7 April in ''n brief aan Oakbay Investments gesê as die verhouding met die maatskappy voortgaan, dit “daadwerklike sakerisiko''s skep wat beduidende reputasierisiko''s kan inhou”.
Dit is volgens ''n beëdigde verklaring wat Mike Brown, uitvoerende hoof van die bank, Maandag by die hooggeregshof in Pretoria ingedien het.
Die bank het die maatskappy 30 dae gegee om ander bankiers te vind.
Die Guptas het Pravin Gordhan, minister van finansies, gevra om in te gryp nadat al vier die groot banke in Suid-Afrika vroeër vanjaar besluit het om hul bande met die maatskappy te verbreek.
Gordhan het die hof in Oktober gevra om ''n bevel uit te reik wat bepaal dat hy nie banke kan keer om van kliënte ontslae te raak nie.
Die banke, wat Standard Bank, Barclays Africa en FirstRand insluit, sê hulle stem saam met Gordhan.
Volgens dokumente wat Brown by die hof ingedien het, moet Nedbank internasionale bankreëls om geldwassery, omkopery en korrupsie te verhoed, in ag neem wanneer hulle met kliënte sake doen.
Vergadering
Brown het ingestem om in Mei vanjaar met Zwane te vergader. Zwane is aangestel as die hoof van ''n interministeriële komitee, wat Gordhan en Mildred Oliphant, minister van arbeid, insluit, om ondersoek in te stel oor hoekom die banke besluit het om nie sake met die Guptas te doen nie.
Zwane het aan Brown gesê die ministers van finansies en arbeid is bewus van die vergadering en het hom gevra om in hul afwesigheid daarmee voort te gaan.
''n E-pos van die komitee se sekretaresse wat aan die verklaring vasgeheg is, wys Faith Muthambi, minister van kommunikasie, en Mzwanele Manyi, een van Muthambi se raadgewers, was ook by die vergadering.
Die e-pos maak ook glo aanspraak daarop dat Oliphant die vergadering bygewoon het, maar Brown sê dit was nie die geval nie.
“Die algehele indruk wat ek oor die doel van die vergadering gekry het, was dat die groot Suid-Afrikaanse banke saam besluit het om rekeninge wat aan die Gupta-familie verwant was, te beëindig en of Nedbank dit sou oorweeg om saam met hulle te werk as hul primêre bankier,” sê Brown.
Zwane se woordvoerder wou nie kommentaar lewer nie.
Zuma het Zwane “berispe” nadat die minister ''n verklaring in September uitgereik het wat lui dat die kabinet besluit het om ''n geregtelike ondersoek te begin oor hoekom die banke besluit het om die Guptas se rekeninge te sluit.
Die presidensie het op 2 September gesê die verklaring is in Zwane se persoonlike hoedanigheid uitgereik en het nie die siening van die kabinet verteenwoordig nie. – Netwerk24/Bloomberg
Nedbank het op 7 April in ''n brief aan Oakbay Investments gesê as die verhouding met die maatskappy voortgaan, dit “daadwerklike sakerisiko''s skep wat beduidende reputasierisiko''s kan inhou”.
Dit is volgens ''n beëdigde verklaring wat Mike Brown, uitvoerende hoof van die bank, Maandag by die hooggeregshof in Pretoria ingedien het.
Die bank het die maatskappy 30 dae gegee om ander bankiers te vind.
Die Guptas het Pravin Gordhan, minister van finansies, gevra om in te gryp nadat al vier die groot banke in Suid-Afrika vroeër vanjaar besluit het om hul bande met die maatskappy te verbreek.
Gordhan het die hof in Oktober gevra om ''n bevel uit te reik wat bepaal dat hy nie banke kan keer om van kliënte ontslae te raak nie.
Die banke, wat Standard Bank, Barclays Africa en FirstRand insluit, sê hulle stem saam met Gordhan.
Volgens dokumente wat Brown by die hof ingedien het, moet Nedbank internasionale bankreëls om geldwassery, omkopery en korrupsie te verhoed, in ag neem wanneer hulle met kliënte sake doen.
Vergadering
Brown het ingestem om in Mei vanjaar met Zwane te vergader. Zwane is aangestel as die hoof van ''n interministeriële komitee, wat Gordhan en Mildred Oliphant, minister van arbeid, insluit, om ondersoek in te stel oor hoekom die banke besluit het om nie sake met die Guptas te doen nie.
Zwane het aan Brown gesê die ministers van finansies en arbeid is bewus van die vergadering en het hom gevra om in hul afwesigheid daarmee voort te gaan.
''n E-pos van die komitee se sekretaresse wat aan die verklaring vasgeheg is, wys Faith Muthambi, minister van kommunikasie, en Mzwanele Manyi, een van Muthambi se raadgewers, was ook by die vergadering.
Die e-pos maak ook glo aanspraak daarop dat Oliphant die vergadering bygewoon het, maar Brown sê dit was nie die geval nie.
“Die algehele indruk wat ek oor die doel van die vergadering gekry het, was dat die groot Suid-Afrikaanse banke saam besluit het om rekeninge wat aan die Gupta-familie verwant was, te beëindig en of Nedbank dit sou oorweeg om saam met hulle te werk as hul primêre bankier,” sê Brown.
Zwane se woordvoerder wou nie kommentaar lewer nie.
Zuma het Zwane “berispe” nadat die minister ''n verklaring in September uitgereik het wat lui dat die kabinet besluit het om ''n geregtelike ondersoek te begin oor hoekom die banke besluit het om die Guptas se rekeninge te sluit.
Die presidensie het op 2 September gesê die verklaring is in Zwane se persoonlike hoedanigheid uitgereik en het nie die siening van die kabinet verteenwoordig nie. – Netwerk24/Bloomberg
Kommentaar
Republikein
Geen kommentaar is op hierdie artikel gelaat nie