Zuma se bank 'kan dalk nie gered word'
Dit lyk of die doppie van die VBS Mutual Bank van Suid-Afrika waarskynlik geklink is, meen die Suid-Afrikaanse Reserwebank se Omsigtigheidsowerheid.
Dit begin al hoe onwaarskynliker lyk dat VBS Mutual Bank gered sal kan word.
Die vertroue dat dié bouvereniging van ondergang gered sal kan word, is minder as toe die kuratele begin het, het Kuben Naidoo, hoof van die Reserwebank se Omsigtigheidsowerheid, Woensdag gewaarsku.
Die Reserwebank het al in 2016 vir VBS Bank gewaarsku om sy afhanklikheid van munisipale deposito's te verklein.
Die Namibiese kommissie van ondersoek na die SME Bank is deur die hoërhof opdrag gegee om onder meer inligting te bekom oor die werksaamhede en transaksies tussen die SME Bank en VBS Mutual Bank.
Toe die Reserwebank VBS op 11 Maart onder kuratele geplaas het, was dit aanvanklik net oor sy likiditeitsprobleme, het Naidoo aan die parlement se staande komitee oor finansies gesê.
Maar die bank het aan die Reserwebank “gelieg” oor die ware toedrag van sake, want op die eerste dag van die kuratele is gevind die bank het geen kapitaalreserwes nie. Adv. Terry Motau is in April aangestel om 'n forensiese ondersoek te doen.
Munisipaliteite sal waarskynlik hul geld verloor.
Vir gewone mense word minstens R50 000 per deposant gewaarborg.
Dit kan sewe tot tien jaar vat om die deposante terug te betaal, het Naidoo gewaarsku, hoewel hy reken dis onwaarskynlik dat dit so lank kan duur.
Daar is byna R390 miljoen se deposito's van gewone mense, maar VBS het geen kapitaalbuffer soos wat bankwetgewing vereis om deposito's te dek nie.
Die ondersoek is in 'n baie sensitiewe stadium, maar Naidoo het belowe die verslag daaroor sal aan vervolgingsowerhede oorhandig word en sal bekend gemaak word wanneer dit geskik is.
'n Kommissie van ondersoek word beplan om vas te stel presies wat by VBS verkeerd geloop het.
Anoosh Rooplal van die ouditfirma SizweNtsalubaGobodo (SNG) is aan die stuur van die span van SNG wat as kurator aangestel is. Rooplal sê verskeie wanvoorstellings is in VBS se finansiële state ontdek.
Rooplal wou nie vrae van David Maynier, DA-lid van die komitee, antwoord oor wat van oudpres. Jacob Zuma se lening by VBS geword het nie. Hy het geskuil agter die vertroulikheidsverhouding tussen 'n bank en sy kliënt.
Zuma het in 2016 'n lening van R7,8 miljoen van VBS gekry om die skuld af te betaal vir die opknappings aan sy huis in Nkandla.
Caroline da Silva van die Gedragsowerheid vir die Finansiële Sektor sê 'n pensioenfonds se geld word ook geraak deur die VBS-skandaal. Dit het gespruit uit berigte verlede jaar dat R255 miljoen van die Bophelo Beneficiary Fund (BBF) weggeraak het.
Dié fonds, asook Bophelo Benefit Services (BBS), is teen Junie onder kuratele geplaas.
Vele Investments het in Augustus die beheergroep van BBS vir R370 miljoen gekoop en 'n deel van die geld sou gebruik word om BBF te herkapitaliseer. Dié geld is egter by VBS gedeponeer.
Floyd Shivambu, EFF-lid van die staande komitee oor finansies, meen die rede vir VBS se ineenstorting is “halfhartige toesig” deur regulerende owerhede soos die nasionale tesourie.
Naidoo sê die Reserwebank het op 5 September verlede jaar die direksie van VBS ingeroep en gewaarsku hulle moet hul afhanklikheid van munisipale deposito's verklein anders gaan hulle likiditeitsprobleme kry. VBS het toe selfs gedreig om die nasionale tesourie hof toe te sleep nadat die tesourie munisipaliteite gewaarsku het dis teen die wet vir hulle om met onderlinge banke sake te doen, het Naidoo gesê.
Waar die Reserwebank voorheen R5 miljard in African Bank belê het om hom te red, het hy nog nie enige geld in VBS gesit nie, want hy weet nog nie wat die gehalte van die bates is nie, het hy verduidelik.
Ismail Momoniat, adjunkdirekteur-generaal van die tesourie, sê dit was asof VBS se bestuur geglo het hulle is “onaantasbaar”. Hulle was baie arrogant in hul skakeling met die tesourie, asof hulle geweet het hulle word polities beskerm.– Netwerk24
Die vertroue dat dié bouvereniging van ondergang gered sal kan word, is minder as toe die kuratele begin het, het Kuben Naidoo, hoof van die Reserwebank se Omsigtigheidsowerheid, Woensdag gewaarsku.
Die Reserwebank het al in 2016 vir VBS Bank gewaarsku om sy afhanklikheid van munisipale deposito's te verklein.
Die Namibiese kommissie van ondersoek na die SME Bank is deur die hoërhof opdrag gegee om onder meer inligting te bekom oor die werksaamhede en transaksies tussen die SME Bank en VBS Mutual Bank.
Toe die Reserwebank VBS op 11 Maart onder kuratele geplaas het, was dit aanvanklik net oor sy likiditeitsprobleme, het Naidoo aan die parlement se staande komitee oor finansies gesê.
Maar die bank het aan die Reserwebank “gelieg” oor die ware toedrag van sake, want op die eerste dag van die kuratele is gevind die bank het geen kapitaalreserwes nie. Adv. Terry Motau is in April aangestel om 'n forensiese ondersoek te doen.
Munisipaliteite sal waarskynlik hul geld verloor.
Vir gewone mense word minstens R50 000 per deposant gewaarborg.
Dit kan sewe tot tien jaar vat om die deposante terug te betaal, het Naidoo gewaarsku, hoewel hy reken dis onwaarskynlik dat dit so lank kan duur.
Daar is byna R390 miljoen se deposito's van gewone mense, maar VBS het geen kapitaalbuffer soos wat bankwetgewing vereis om deposito's te dek nie.
Die ondersoek is in 'n baie sensitiewe stadium, maar Naidoo het belowe die verslag daaroor sal aan vervolgingsowerhede oorhandig word en sal bekend gemaak word wanneer dit geskik is.
'n Kommissie van ondersoek word beplan om vas te stel presies wat by VBS verkeerd geloop het.
Anoosh Rooplal van die ouditfirma SizweNtsalubaGobodo (SNG) is aan die stuur van die span van SNG wat as kurator aangestel is. Rooplal sê verskeie wanvoorstellings is in VBS se finansiële state ontdek.
Rooplal wou nie vrae van David Maynier, DA-lid van die komitee, antwoord oor wat van oudpres. Jacob Zuma se lening by VBS geword het nie. Hy het geskuil agter die vertroulikheidsverhouding tussen 'n bank en sy kliënt.
Zuma het in 2016 'n lening van R7,8 miljoen van VBS gekry om die skuld af te betaal vir die opknappings aan sy huis in Nkandla.
Caroline da Silva van die Gedragsowerheid vir die Finansiële Sektor sê 'n pensioenfonds se geld word ook geraak deur die VBS-skandaal. Dit het gespruit uit berigte verlede jaar dat R255 miljoen van die Bophelo Beneficiary Fund (BBF) weggeraak het.
Dié fonds, asook Bophelo Benefit Services (BBS), is teen Junie onder kuratele geplaas.
Vele Investments het in Augustus die beheergroep van BBS vir R370 miljoen gekoop en 'n deel van die geld sou gebruik word om BBF te herkapitaliseer. Dié geld is egter by VBS gedeponeer.
Floyd Shivambu, EFF-lid van die staande komitee oor finansies, meen die rede vir VBS se ineenstorting is “halfhartige toesig” deur regulerende owerhede soos die nasionale tesourie.
Naidoo sê die Reserwebank het op 5 September verlede jaar die direksie van VBS ingeroep en gewaarsku hulle moet hul afhanklikheid van munisipale deposito's verklein anders gaan hulle likiditeitsprobleme kry. VBS het toe selfs gedreig om die nasionale tesourie hof toe te sleep nadat die tesourie munisipaliteite gewaarsku het dis teen die wet vir hulle om met onderlinge banke sake te doen, het Naidoo gesê.
Waar die Reserwebank voorheen R5 miljard in African Bank belê het om hom te red, het hy nog nie enige geld in VBS gesit nie, want hy weet nog nie wat die gehalte van die bates is nie, het hy verduidelik.
Ismail Momoniat, adjunkdirekteur-generaal van die tesourie, sê dit was asof VBS se bestuur geglo het hulle is “onaantasbaar”. Hulle was baie arrogant in hul skakeling met die tesourie, asof hulle geweet het hulle word polities beskerm.– Netwerk24
Kommentaar
Republikein
Geen kommentaar is op hierdie artikel gelaat nie