Zuma klou soos 'n neet

Ook uit die Namibiese publiek was daar Dinsdag duisende wanhoopskrete oor hoe Suid-Afrika se president Jacob Zuma opnuut ‘n mosie van wantroue kon oorleef.Dat ‘n staatshoof wat vir baie die simbolisering van die “korrupte vetkat” geword het letterlik ‘n negende lewe gegun is ondanks groeiende openbare verwerping van sy mandaat, is vir baie ondenkbaar.Die ysere, dog aanvegbare politiek van ‘n ontspoorde en intern uiters verdeelde bevrydingsbeweging het ‘n naelskraap oorwinning in die staatshoof se guns verseker.Feitelik was dit Zuma se nouste ontkoming nog en as ‘n mens die vakante setels, afwesiges en parlementslede wat buite stemming gebly het in ag neem, was die stryd bitter gelykop.Hoe lank Zuma se negende lewe gaan duur, is ‘n ope vraag.In Suid-Afrika se plaaslike owerheidsverkiesings van verlede jaar het die ANC se steun dramaties getuimel. Die behoud van Zuma kan die eens magtige party in die volgende nasionale verkiesings verder benadeel.Stoere partylede het hul agter Zuma geskaar om skade vir die ANC te verminder. Kon die party statuur herwin het deur die mosie te laat slaag? Natuurlik sou sy vervanging en die aanstelling van ‘n nuwe kabinet ‘n minstens tydelike, ontwrigting veroorsaak het.Dit was in wese ‘n stem vir Suid-Afrika se beste belang en ook die ANC se beste belang.‘n Onstabiele Suid-Afrika is nie polities of ekonomies goed vir Namibië nie. Namibië sal nie inmeng nie, maar gewis hou ook baie in Swapo koorsagtig dop wat volgende in die ANC en Suid-Afrika gebeur.So sê ander9 Augustus 2017Beginselvaste leiers is nodig om dié geweld te stuitDie reg moet so spoedig moontlik sy beloop neem teen Mduduzi Manana, adjunkminister van hoër onderwys en opleiding, wat ’n vrou in ’n restaurant geklap het. Hy behoort ook summier afgedank te word.Die fel openbare reaksie wat gevolg het op dié voorval is die een ligpuntjie te midde van somber syfers wat dui op ’n opdraande stryd teen geweld teen vroue.Dalk verklaar die houdings en optrede teenoor vroue van mense wat veronderstel is om leiers te wees – mense soos Manana – dié syfers ten dele.’n Geldige vraag is of Vrouemaand en die 16 dae (van aktivisme teen geweld teen vroue en kinders) nie net onbedoelde dekmantels vir 11 maande of 349 dae van apatie is nie.Dat dit dieselfde president (Zuma) en dieselfde vroueliga (van die ANC) is wat Manana se optrede nou veroordeel, laat dié bydrae hol klink in ’n saak wat meer beginselvaste leiers nodig het en minder mense wat bloot lippediens aan vroueregte betoon.• NETWERK24

Zuma klou soos 'n neet

Kommentaar

Republikein 2026-07-29

Meld asseblief aan om kommentaar te lewer

Zuma klou soos 'n neet

Kommentaar

Republikein 2026-07-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.