'Zuma het my geboelie oor Guptas'
Themba Maseko sê hy is deur die Suid-Afrikaanse president geïntimideer.
Ügen Vos
'n Voormalige regeringswoordvoerder sê die hofuitspraak oor staatskaping Woensdag is 'n regverdiging vir die druk waaronder pres. Jacob Zuma hom geplaas het.
Themba Maseko sê Zuma het hom “geboelie en geïntimideer” om die regering se hele jaarlikse advertensiebegroting aan die Guptas te gee.
Maseko, voormalige hoof van die regering se kommunikasiediens, beweer Zuma het hom in 2010 op pad na 'n ontmoeting by die Gupta-kompleks in Johannesburg persoonlik geskakel om te sê hy moet die familie help.
“Ek het ná verskeie versoeke ingestem tot die ontmoeting met Ajay Gupta, waartydens hy my beveel het om R600 miljoen, oftewel die advertensiebegroting vir alle regeringsdepartemente, aan hom oor te betaal,” sê Maseko.Die Guptas was in daardie stadium besig om hul mediagroep, wat uiteindelik die 24 uur-nuuskanaal ANN7 en die koerant The New Age geword het, te vestig.
“Ek was geskok. Ek was verskriklik omgekrap en geïrriteerd daaroor. Hy (Ajay) het dit baie duidelik gestel dat dit 'n bevel en nie 'n versoek is nie.”
Maseko sê hy het uit die vergadering gestap en die “vreemde voorval” aangemeld, ten spyte van die feit dat Ajay gesê het hy het die mag om die minister van enige departement wat teen die versoek skop na sy huis te ontbied.
“Ek was baie verontwaardig oor die voorval, maar was vasbeslote om nie enige opdragte van die Guptas te neem of enigeen toe te laat om die reëls te oortree of uit te lê soos dit hom pas nie,” sê Maseko.
“Dit was natuurlik baie moeilik om die druk deur die president te weerstaan, maar die waarheid sal altyd seëvier.
“Ek is net bly en dankbaar dat die inligting en bewyse teen die Guptas en Zuma nou besig is om uit te kom.”
Maseko verwelkom twee verdoemende hofuitsprake teen Zuma binne dae en sê dit is baie duidelik dat die president nog heeltyd met uitsteltaktiek besig is.
“Ek voel geregverdig deur die onlangse hofuitsprake teen die president, wat duidelik nie sy plig nagekom het nie en sien uit na 'n deeglike ondersoek na staatskaping in die nabye toekoms,” sê Maseko.Maseko het ook die gebeure van destyds aan adv. Thuli Madonsela, voormalige openbare beskermer (OB), oorgedra in haar ondersoek na bewerings van staatskaping.
Die hooggeregshof in Pretoria het Woensdag Zuma se aansoek dat dié verslag hersien moet word met koste van die hand gewys.
Dié terugslag volg nadat dieselfde hof Vrydag Zuma nóg 'n loesing gegee het.
Die hof het toe beveel dat adv. Shaun Abrahams, nasionale direkteur van openbare vervolging, sy pos moet verlaat en dat adj.pres. Cyril Ramaphosa nou Abrahams se opvolger moet aanstel.
Zuma wil teen dié besluit appelleer. Zuma het nou 30 dae om die langverwagte regterlike kommissie van ondersoek na staatskaping wat deur Madonsela aanbeveel is, in te stel.
Hoofregter Mogoeng Mogoeng moet ingevolge Madonsela se aanbevelings die regter aanstel wat die kommissie sal lei omdat Zuma self by bewerings van staatskaping betrek word.
“Die beslissing is veral welkome nuus, aangesien dit van die begin af duidelik was dat hy (Zuma) nie die geskikte persoon is om 'n regter aan te stel nie,” sê Maseko.
“Dit is 'n skandelike verleentheid dat ons wetstoepassingsagentskappe nog nie werklik die bewerings van staatskaping ondersoek het nie. Dit is hoogtyd dat dinge verander,” sê Maseko.
Maseko is twee maande ná sy rampspoedige vergadering met die Guptas gepos. Jimmy Manyi, wat vroeër vanjaar die eienaar van die Guptas se mediaryk geword het, is toe in Maseko se plek aangestel. Maseko is tans direkteur: kommunikasie vir Business Leadership South Africa.
• Zuma se kantoor het nie onmiddellik op navrae gereageer nie. - Netwerk24
'n Voormalige regeringswoordvoerder sê die hofuitspraak oor staatskaping Woensdag is 'n regverdiging vir die druk waaronder pres. Jacob Zuma hom geplaas het.
Themba Maseko sê Zuma het hom “geboelie en geïntimideer” om die regering se hele jaarlikse advertensiebegroting aan die Guptas te gee.
Maseko, voormalige hoof van die regering se kommunikasiediens, beweer Zuma het hom in 2010 op pad na 'n ontmoeting by die Gupta-kompleks in Johannesburg persoonlik geskakel om te sê hy moet die familie help.
“Ek het ná verskeie versoeke ingestem tot die ontmoeting met Ajay Gupta, waartydens hy my beveel het om R600 miljoen, oftewel die advertensiebegroting vir alle regeringsdepartemente, aan hom oor te betaal,” sê Maseko.Die Guptas was in daardie stadium besig om hul mediagroep, wat uiteindelik die 24 uur-nuuskanaal ANN7 en die koerant The New Age geword het, te vestig.
“Ek was geskok. Ek was verskriklik omgekrap en geïrriteerd daaroor. Hy (Ajay) het dit baie duidelik gestel dat dit 'n bevel en nie 'n versoek is nie.”
Maseko sê hy het uit die vergadering gestap en die “vreemde voorval” aangemeld, ten spyte van die feit dat Ajay gesê het hy het die mag om die minister van enige departement wat teen die versoek skop na sy huis te ontbied.
“Ek was baie verontwaardig oor die voorval, maar was vasbeslote om nie enige opdragte van die Guptas te neem of enigeen toe te laat om die reëls te oortree of uit te lê soos dit hom pas nie,” sê Maseko.
“Dit was natuurlik baie moeilik om die druk deur die president te weerstaan, maar die waarheid sal altyd seëvier.
“Ek is net bly en dankbaar dat die inligting en bewyse teen die Guptas en Zuma nou besig is om uit te kom.”
Maseko verwelkom twee verdoemende hofuitsprake teen Zuma binne dae en sê dit is baie duidelik dat die president nog heeltyd met uitsteltaktiek besig is.
“Ek voel geregverdig deur die onlangse hofuitsprake teen die president, wat duidelik nie sy plig nagekom het nie en sien uit na 'n deeglike ondersoek na staatskaping in die nabye toekoms,” sê Maseko.Maseko het ook die gebeure van destyds aan adv. Thuli Madonsela, voormalige openbare beskermer (OB), oorgedra in haar ondersoek na bewerings van staatskaping.
Die hooggeregshof in Pretoria het Woensdag Zuma se aansoek dat dié verslag hersien moet word met koste van die hand gewys.
Dié terugslag volg nadat dieselfde hof Vrydag Zuma nóg 'n loesing gegee het.
Die hof het toe beveel dat adv. Shaun Abrahams, nasionale direkteur van openbare vervolging, sy pos moet verlaat en dat adj.pres. Cyril Ramaphosa nou Abrahams se opvolger moet aanstel.
Zuma wil teen dié besluit appelleer. Zuma het nou 30 dae om die langverwagte regterlike kommissie van ondersoek na staatskaping wat deur Madonsela aanbeveel is, in te stel.
Hoofregter Mogoeng Mogoeng moet ingevolge Madonsela se aanbevelings die regter aanstel wat die kommissie sal lei omdat Zuma self by bewerings van staatskaping betrek word.
“Die beslissing is veral welkome nuus, aangesien dit van die begin af duidelik was dat hy (Zuma) nie die geskikte persoon is om 'n regter aan te stel nie,” sê Maseko.
“Dit is 'n skandelike verleentheid dat ons wetstoepassingsagentskappe nog nie werklik die bewerings van staatskaping ondersoek het nie. Dit is hoogtyd dat dinge verander,” sê Maseko.
Maseko is twee maande ná sy rampspoedige vergadering met die Guptas gepos. Jimmy Manyi, wat vroeër vanjaar die eienaar van die Guptas se mediaryk geword het, is toe in Maseko se plek aangestel. Maseko is tans direkteur: kommunikasie vir Business Leadership South Africa.
• Zuma se kantoor het nie onmiddellik op navrae gereageer nie. - Netwerk24
Kommentaar
Republikein
Geen kommentaar is op hierdie artikel gelaat nie