Zuckerberg teleurgesteld oor satelliet wat ontplof
Mark Zuckerberg, uitvoerende hoof van Facebook, het Donderdagaand gesê hy is “diep teleurgesteld” oor die ontploffing van ’n satelliet wat internettoegang na die platteland van Afrika sou uitbrei.
Zuckerberg het dié plan net ’n dag vantevore in Lagos, Nigerië, bekend gemaak.
’n Vuurpyl van SpaceX het Donderdagoggend (Amerikaanse tyd) in Florida ontplof terwyl die vuurpyl se brandstoftenks hervul is vir ’n toets. Sowel die Falcon 9-vuurpyl wat die satelliet sou lanseer as die satelliet self is vernietig.
Elon Musk se ruimtefirma sou die Amos-6, ’n kommunikasiesatelliet, Saterdag van die Cape Canaveral-lugmagbasis af lanseer.
Musk, wat in Pretoria grootgeword het en ook die brein agter Tesla en SolarCity is, het getwiet dat die oorsaak van die ontploffing onbekend is en ondersoek word.
Die Israelse firma wat die satelliet vervaardig het, Space Communication, se aandeelprys in Tel Aviv het met byna 9% geval.
Die suksesvolle lansering van die Amos 6 was ’n voorwaarde vir die maatskappy se verkryging deur Xinwei van China in ’n transaksie van $285 miljoen.
Die satelliet sou internet aan Afrika beskikbaar stel as deel van ’n ooreenkoms tussen Facebook en die selfoonmaatskappy Eutelsat. Dit sou groot dele van Wes-, Oos- en Suider-Afrika dek.
Zuckerberg was op sy eerste besoek aan Afrika om entrepreneurs en sagteware-ontwikkelaars te ontmoet.
Hy het gesê hy bly ondanks die teleurstelling verbind tot “ons missie om almal te verbind”. - Netwerk24/Bloomberg
Zuckerberg het dié plan net ’n dag vantevore in Lagos, Nigerië, bekend gemaak.
’n Vuurpyl van SpaceX het Donderdagoggend (Amerikaanse tyd) in Florida ontplof terwyl die vuurpyl se brandstoftenks hervul is vir ’n toets. Sowel die Falcon 9-vuurpyl wat die satelliet sou lanseer as die satelliet self is vernietig.
Elon Musk se ruimtefirma sou die Amos-6, ’n kommunikasiesatelliet, Saterdag van die Cape Canaveral-lugmagbasis af lanseer.
Musk, wat in Pretoria grootgeword het en ook die brein agter Tesla en SolarCity is, het getwiet dat die oorsaak van die ontploffing onbekend is en ondersoek word.
Die Israelse firma wat die satelliet vervaardig het, Space Communication, se aandeelprys in Tel Aviv het met byna 9% geval.
Die suksesvolle lansering van die Amos 6 was ’n voorwaarde vir die maatskappy se verkryging deur Xinwei van China in ’n transaksie van $285 miljoen.
Die satelliet sou internet aan Afrika beskikbaar stel as deel van ’n ooreenkoms tussen Facebook en die selfoonmaatskappy Eutelsat. Dit sou groot dele van Wes-, Oos- en Suider-Afrika dek.
Zuckerberg was op sy eerste besoek aan Afrika om entrepreneurs en sagteware-ontwikkelaars te ontmoet.
Hy het gesê hy bly ondanks die teleurstelling verbind tot “ons missie om almal te verbind”. - Netwerk24/Bloomberg
Kommentaar
Republikein
Geen kommentaar is op hierdie artikel gelaat nie