Zoom in op skeidsregters

Tielman van Lill – Die geleentheid is geskep om krieketskeidsregters vir die post Covid-19-era en hul professionele loopbane voor te berei.Andrew Louw, een van Krieket Namibië se mees ervare skeidsregters, sal Sondag as gasspreker tydens ’n eendag webinaar (“Umpiring for better cricket”) optree.Die fokus val op die wese en belang van aanlyntellinghouers in moderne krieket; Loopbaangeleenthede vir skeidsregters; Ontleding van oortredings deur spelers (vlak 1 tot 4) en aksies wat deur skeidsregters geneem kan word. Dié webinaar sal Sondag vanaf 15:00 (Namibiese tyd) via Zoom deur die Nigeriese Krieketvereniging (NCF) aangebied word. ’n Internasionale paneel bestaande uit Yahaya Ukwenya (president van die NCF), Uyi Akpata (visepresident van die NCF), Stephen Harris (Krieket Suid-Afrika skeidsregter), Meet Shah (medestigter van CricHeroes) en ACUSN-voorsitter, Musa Ehizoje (Vereniging van Krieketskeidsregters en Tellinghouers van Nigerië), sal saam met Louw die webinaar hanteer.Skeidsregters van die NCF sal ook bydraes lewer.Louw staan reeds sedert 2013 sy man in die middel en spog met bykans 100 internasionale wedstryde. Hy sou vanjaar sy amptelike internasionale eendagdebuut gemaak het, maar met internasionale toere na Namibië afgestel, sal Louw ’n rukkie moet wag voor hy daardie regmerkie kan maak.“In Namibië kan ons nie ’n voltydse bestaan uit ‘umpiring’ maak nie. Selfs nie eers nadat die Eagles internasionale eendagstatus (ODI-status) verwerf het nie. Ons doen dit vir die liefde en passie van die spel. Ek sal ook nie gou in ’n toets kan staan nie, want Namibië sal eers toetsstatus moet verdien.“Ons pad na sukses hang geweldig af hoe ons as ’n krieketland internasionaal vaar. Vir my gaan dit daaroor om soveel mense moontlik by krieket betrokke te kry. Wanneer daar meer krieketskeidsregters in Namibië is, sal ons standaard ook verhoog.“Ek sal graag in ’n o.19- of T20 Wêreldbekertoernooi as skeidsregter wil optree. Vir skeidsregters in assosiaatlande soos Namibië is dit finansieel nie maklik nie, want ons moet werk vir ’n lewe of ’n besigheid bedryf.“Suid-Afrika (wat toetsstatus geniet) se topskeidsregters het kontrakte met Krieket Suid-Afrika en kry wedstrydfooie. In Namibië kry ons ’n fooi vir klubwedstryde en as dit ’n internasionale wedstryd is, betaal die Internasionale Krieketraad ons ook ’n paar rand,” het Louw gesêSkakel op Zoom in by https://us02web.zoom.us/j/87559321265. Meeting ID: 875 5932 1265. Password: 906040.CricHeroes is ’n toep waarop entoesiaste hul eie aanlyntellings kan hou en publiseer. CricHeroes is nie net daar vir tellings nie, maar behels ’n volledige internasionale krieketnetwerk. Die toep wat by Google Play afgelaai kan word, spog reeds met meer as vier miljoen lede. Lees meer op Facebook (CricHeroesApp).

Zoom in op skeidsregters

Kommentaar

Republikein 2026-07-31

Meld asseblief aan om kommentaar te lewer

Zoom in op skeidsregters

Kommentaar

Republikein 2026-07-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.