Zim reik nuwe betaalmiddel uit
Die nuwe geldnoot het amptelik dieselfde ruilwaarde as die Amerikaanse dollar.
Zimbabwe het gister sy nuwe betaalmiddel, obligasies, ingestel om die nypende kontanttekort in dié land te probeer verlig.
Die regering hoop dat die uitreiking van US$10 miljoen se sogenaamde staatseffek-geldnote die krimpende hoeveelheid Amerikaanse dollar wat in dié land in sirkulasie is, sal aanvul.
Kritici van die regering vrees egter dat dié stap hul spaargeld se waarde sal vernietig, minder as ’n dekade nadat die land se ekonomie (en die Zimdollar) weens hiperinflasie ineengestort het.
Die Reserwebank van Zimbabwe (RBZ) het in Mei vanjaar die plan bekend gestel om obligasies as plaasvervanger te gebruik om lewe in die kwynende ekonomie te probeer blaas.
Die aankondiging het lang toue by banke en kitsbanke veroorsaak soos mense probeer het om harde kontant uit hul rekenings te onttrek.
Die beplande uitreiking van obligasies het ook van die grootste protesveldtogte in ’n dekade teen pres. Robert Mugabe ontketen.
Die Zimbabwiese leier regeer die land sedert onafhanklikheid 36 jaar gelede en daar is nou sprake dat dié stap die 92-jarige president se ondergang kan veroorsaak.
“Ek het lugtyd vir my selfoon gekoop en wil net probeer om iets van een van die groot supermarkte te koop,” het ’n 36-jarige straatsmous, Tennison Tigere, gesê kort nadat hy gisteroggend obligasies ter waarde van US$50 uit ’n bank in Harare onttrek het.
“Mense is skepties (oor die waarde van die obligasies) omdat hulle onthou wat met ons ou geldeenheid in die verlede gebeur het toe die geld sy waarde verloor het. Hulle dink dit kan weer gebeur.”
Die nuwe geldnoot sal amptelik dieselfde ruilwaarde as die VSA-dollar hê en die RBZ het Saterdag gesê die betaalmiddel sal direk in bankrekenings met ’n batige dollarsaldo gedeponeer kan word, waar die saldo dan in dollarwaarde weergegee sal word.
Volgens die RBZ sal die obligasies gerugsteun word deur ’n “leningsgerief” van US$200 miljoen van Afreximbank, wat deur die Afrika-ontwikkelingsbank en ’n aantal Afrika-regerings besit word en vanuit Kaïro, Egipte, sake doen.
Die RBZ het in sy onlangse verklarings die versekering gegee dat daar nie méér geldnote gedruk sal word as die US$200 miljoen wat as lening (en versekering dat die geldeenheid waarde het) beskikbaar is nie.
Maar daar is geen verduideliking hoe kitsbanke tussen die Amerikaanse dollar en die obligasies sal onderskei wanneer kontant uitbetaal word nie of hoe die aantal obligasies in iemand se bankrekening aangeteken sal word nie.
Die kontanttekort kom te midde van ’n verlangsaming in ekonomiese groei en ’n vernietigende droogte wat miljoene Zimbabwiërs in hongersnood gedompel het. – Netwerk24/Reuters
Die regering hoop dat die uitreiking van US$10 miljoen se sogenaamde staatseffek-geldnote die krimpende hoeveelheid Amerikaanse dollar wat in dié land in sirkulasie is, sal aanvul.
Kritici van die regering vrees egter dat dié stap hul spaargeld se waarde sal vernietig, minder as ’n dekade nadat die land se ekonomie (en die Zimdollar) weens hiperinflasie ineengestort het.
Die Reserwebank van Zimbabwe (RBZ) het in Mei vanjaar die plan bekend gestel om obligasies as plaasvervanger te gebruik om lewe in die kwynende ekonomie te probeer blaas.
Die aankondiging het lang toue by banke en kitsbanke veroorsaak soos mense probeer het om harde kontant uit hul rekenings te onttrek.
Die beplande uitreiking van obligasies het ook van die grootste protesveldtogte in ’n dekade teen pres. Robert Mugabe ontketen.
Die Zimbabwiese leier regeer die land sedert onafhanklikheid 36 jaar gelede en daar is nou sprake dat dié stap die 92-jarige president se ondergang kan veroorsaak.
“Ek het lugtyd vir my selfoon gekoop en wil net probeer om iets van een van die groot supermarkte te koop,” het ’n 36-jarige straatsmous, Tennison Tigere, gesê kort nadat hy gisteroggend obligasies ter waarde van US$50 uit ’n bank in Harare onttrek het.
“Mense is skepties (oor die waarde van die obligasies) omdat hulle onthou wat met ons ou geldeenheid in die verlede gebeur het toe die geld sy waarde verloor het. Hulle dink dit kan weer gebeur.”
Die nuwe geldnoot sal amptelik dieselfde ruilwaarde as die VSA-dollar hê en die RBZ het Saterdag gesê die betaalmiddel sal direk in bankrekenings met ’n batige dollarsaldo gedeponeer kan word, waar die saldo dan in dollarwaarde weergegee sal word.
Volgens die RBZ sal die obligasies gerugsteun word deur ’n “leningsgerief” van US$200 miljoen van Afreximbank, wat deur die Afrika-ontwikkelingsbank en ’n aantal Afrika-regerings besit word en vanuit Kaïro, Egipte, sake doen.
Die RBZ het in sy onlangse verklarings die versekering gegee dat daar nie méér geldnote gedruk sal word as die US$200 miljoen wat as lening (en versekering dat die geldeenheid waarde het) beskikbaar is nie.
Maar daar is geen verduideliking hoe kitsbanke tussen die Amerikaanse dollar en die obligasies sal onderskei wanneer kontant uitbetaal word nie of hoe die aantal obligasies in iemand se bankrekening aangeteken sal word nie.
Die kontanttekort kom te midde van ’n verlangsaming in ekonomiese groei en ’n vernietigende droogte wat miljoene Zimbabwiërs in hongersnood gedompel het. – Netwerk24/Reuters
Kommentaar
Republikein
Geen kommentaar is op hierdie artikel gelaat nie