Zenobia Seas verskyn weer vlugtig vir moord op dogter

Me. Zenobia Seas (32) wat na bewering haar dogter twee dae voor haar derde verjaardag in September vermoor het, het Dinsdag vlugtig in die hof op Hentiesbaai verskyn.Landdros Surita Savage het die saak tot 13 Februarie 2017 vir verdere ondersoek uitgestel en Seas bly in aanhouding. “Ons wag nog op inligting oor die ondersoek van die misdaadtoneel. Daar is ook ’n moontlikheid vir forensiese ondersoeke,” het staatsaanklaer Dalon Zuickfall aan die hof gesê.Seas se regsverteenwoordiger, Mpokiseng Dube, het Dinsdag in die hof bevestig dat ’n borgtogaansoek vir sy kliënt voorberei word. Die datum is onbekend. Die beskuldigde is tydens haar eerste verskyning in September in die hof op Swakopmund borgtog geweier weens die wyse waarop die moord gepleeg is en die erns van die oortreding. Seas, ’n werknemer by die Husab-uraanmyn in die Namib, het na bewering haar dogter, Ava Owoses, in ’n motor op ’n verlate strand net meer as 100 km van Hentiesbaai in die omgewing van St. Nowhere, net noord van Myl 108, vermoor. Die reddingspan het die voertuig wat tot aan sy aste in die sand vasgeval het, op die toneel aangetref. Op die agterste sitplek het Seas en haar kind gelê en dit het gelyk of hulle slaap. In die motor was baie papiere, vuuraanstekers en brandhout wat saamgery is en onder die voertuig brandhout. In die kajuit het Seas glo stukke papier bymekaar gemaak en aan die brand gesteek. Sy is gevra om oop te maak, maar het geweier. Die voertuig se twee ruite aan die regterkant is met ’n klip stukkend gegooi om toegang te kry. Die motorsleutels is onder die “slapende” kind gevind en die brandende papier geblus. Toe Seas ’n tweede keer probeer het om ’n brand te stig, is haar hande vasgebind.Ava was onnatuurlik koud toe sy aan die reddingspan gegee is. Daar was geen polsslag meer nie. - Nampa en eie berig

Zenobia Seas verskyn weer vlugtig vir moord op dogter

Kommentaar

Republikein 2026-06-16

Meld asseblief aan om kommentaar te lewer

Zenobia Seas verskyn weer vlugtig vir moord op dogter

Kommentaar

Republikein 2026-06-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.