Zambiese kuns op pad na Namibië
The Zambians Are Coming is 'n kontemporêre visuele kunsinisiatief wat van stapel gestuur is deur 'n groep Zambiese kunstenaars om bande te smee en netwerke te versterk op die gebied van visuele kunste in Suider-Afrika.
Hul medium is 'n kunsuitstalling wat geïnspireer is deur die geskiedkundige rol wat Zambië in politieke kringe gespeel het in die stryd om bevryding in dié deel van die vasteland.
Die groep kunstenaars is Mulenga Mulenga, Aubrey Chali, Danny Chilyapa Lwando, Sydney Siansangu, Zenzele Chulu, Paul Banda, Mwamba Chikwemba, Mulenga Chafilwa Lombe Nsama en Owen Shikabeta.
NARRATIEWE OOR 'n ERA
“As onafhanklike Suider-Afrikaanse mense het ons gesien hoe talle ekonomiese en politieke verdrae onderteken is.
“Aangesien daar vordering gemaak word in sake- en politieke vooruitgang, is dit teen hierdie agtergrond dat kuns en kultuur die mas moet opkom en op dié soliede ekonomiese en stabiele politieke fondamente moet voortbou,” lui 'n mediaverklaring wat verlede week deur die Nasionale Galery (NAGN) uitgereik is.
Die groepuitstalling The Zambians Are Coming bestaan uit kunswerke wat die kultuur van 'n era verteenwoordig wat narratiewe oor die werklikheid en geskiedenis, tradisie en kontemporêre praktyke – insluitend kuns en politiek – uitbeeld.
Die kunstenaars het hul begrip en interpretasie van die kwessies rondom hulle vanuit 'n artistieke perspektief vasgevang.
Met hierdie skouspelagtige uitstalling pleit die kunstenaars dat beleide wat met kultuur verband hou in die Suider-Afrikaanse Ontwikkelingsgemeenskap (SADC) geïntegreer sal word en beywer hulle hul ook vir omgewingsvolhoubaarheid in die substreek.
Die uitstalling kan vanaf Vrydag 19 November tot 18 Desember, in die NAGN se hoofgalery besigtig word. - [email protected]
Hul medium is 'n kunsuitstalling wat geïnspireer is deur die geskiedkundige rol wat Zambië in politieke kringe gespeel het in die stryd om bevryding in dié deel van die vasteland.
Die groep kunstenaars is Mulenga Mulenga, Aubrey Chali, Danny Chilyapa Lwando, Sydney Siansangu, Zenzele Chulu, Paul Banda, Mwamba Chikwemba, Mulenga Chafilwa Lombe Nsama en Owen Shikabeta.
NARRATIEWE OOR 'n ERA
“As onafhanklike Suider-Afrikaanse mense het ons gesien hoe talle ekonomiese en politieke verdrae onderteken is.
“Aangesien daar vordering gemaak word in sake- en politieke vooruitgang, is dit teen hierdie agtergrond dat kuns en kultuur die mas moet opkom en op dié soliede ekonomiese en stabiele politieke fondamente moet voortbou,” lui 'n mediaverklaring wat verlede week deur die Nasionale Galery (NAGN) uitgereik is.
Die groepuitstalling The Zambians Are Coming bestaan uit kunswerke wat die kultuur van 'n era verteenwoordig wat narratiewe oor die werklikheid en geskiedenis, tradisie en kontemporêre praktyke – insluitend kuns en politiek – uitbeeld.
Die kunstenaars het hul begrip en interpretasie van die kwessies rondom hulle vanuit 'n artistieke perspektief vasgevang.
Met hierdie skouspelagtige uitstalling pleit die kunstenaars dat beleide wat met kultuur verband hou in die Suider-Afrikaanse Ontwikkelingsgemeenskap (SADC) geïntegreer sal word en beywer hulle hul ook vir omgewingsvolhoubaarheid in die substreek.
Die uitstalling kan vanaf Vrydag 19 November tot 18 Desember, in die NAGN se hoofgalery besigtig word. - [email protected]
Kommentaar
Republikein
Geen kommentaar is op hierdie artikel gelaat nie