Zambië lê beslag op honderde lorries
Nagenoeg 200 Namibiese lorriedrywers sit in Zambië gestrand nadat die buurland hul vragmotors geskut het.
Ronelle Rademeyer - 'n Diplomatieke geskil broei tussen Namibië en Zambië nadat die buurland op nagenoeg 200 Namibiese vragmotors beslag gelê het en die drywers en hul handlangers al vir langer as drie maande sonder heenkome sit.
Die vragmotors het vis van Walvisbaai na Zambië vervoer en was glo met Zambiese rooi-kiaathout uit die Demokratiese Republiek van Kongo (DRK) op pad terug na dié hawe van waar die hout na China verskeep sou word.
Zambië het onlangs 'n verbod op die handel in dié hout geplaas.
Eienaars van die vervoerondernemings aan wie die vragmotors behoort, gaan vanoggend na die Zambiese ambassade in Windhoek opruk om antwoorde te eis.
Intussen het die permanente sekretaris van werke en vervoer, mnr. Willem Goeieman, sy Zambiese eweknie tot môre kans gegee om die kwessie te besleg.
Mnr. James Sankwasa, adjunkminister van werke en vervoer, het gister aan Republikein gesê as Zambië nie teen môre die drywers toelaat om met hul vragmotors na Namibië terug te keer nie, sal die aangeleentheid op hoër politieke vlak hanteer word. Hy sê indien nodig, sal pres. Hage Geingob versoek word om in te gryp.
Volgens Sankwasa maak Zambië hom skuldig aan growwe menseregteskendings. “Jy kan nie net mense se vryheid van beweging vir maande inperk sonder vervolging nie.”
Mnr. Doen van Blommestein, eienaar van DVB Trucking op Otjiwarongo, sê daar is op twee van sy vragmotors beslag gelê. “Ons het 'n WhatsApp-groep begin en dit blyk sowat 200 Namibiese lorries is afgevat en na die weermagkamp by Kafue geneem,” sê hy.
Volgens hom word ander buurlande ook geraak en is daar in totaal op sowat 700 vragmotors waarop beslag gelê.
“Ons lorries staan nou al vir drie maande en ses dae in Zambië. Nadat die lorries na Kafue geneem is, moes ons die drywers by lodges inboek.
“Dit kos ons 'n klomp geld. Ons moet die drywers se salarisse betaal, die versekering op die vragmotors sowel as die paaiemente aan die bank. En intussen staan die lorries en verdien ons nie 'n inkomste daaruit nie.”
Hy sê verlede week kon van die drywers daarin slaag om hul vragmotors terug te kry. “Die lorries is geïnspekteer en hulle is gesê die betrokke minister moet net die vrylatingsvorms teken dan kan hulle ry, maar niks gebeur nie,” vertel Van Blommestein.
Republikein is ook in besit van 'n brief van HRL Investments, wat as vervoeragent vir die Chinese houtkopers optree, aan die Zambiese owerhede. Dit lui: “Ons het in Februarie hout in die Kongo (DRK) opgelaai en sedertdien is ons (vragmotors) nog nie vrygelaat nie. Ons ly reuseverliese en daar word nie na ons drywers gekyk nie. Baie van hulle het malaria gekry.”
Van Blommestein sê die vragte hout wat hy vervoer het, was uit die DRK afkomstig en hy kan die nodige permitte daarvoor toon.
“Daar is egter ouens wat die permitte in die DRK kry, maar dan laai hulle die hout in Zambië op.”
Hy sê voordat dit verbode was om hierdie hout uit Zambië te vervoer, het hy “baie vragte vir die Chinese” uit dié land na Walvisbaai gebring.
Volgens Sankwasa het Namibië, Zambië en die DRK in September 2015 'n verstandhoudingsooreenkoms onderteken oor die gebruik van die Walvisbaai-Ndola-Lubumbashi-roete as handelskorridor.
“Zambië kan nie net hierdie ooreenkoms verontagsaam en eensydige besluite neem nie,” sê hy.
Die vragmotors het vis van Walvisbaai na Zambië vervoer en was glo met Zambiese rooi-kiaathout uit die Demokratiese Republiek van Kongo (DRK) op pad terug na dié hawe van waar die hout na China verskeep sou word.
Zambië het onlangs 'n verbod op die handel in dié hout geplaas.
Eienaars van die vervoerondernemings aan wie die vragmotors behoort, gaan vanoggend na die Zambiese ambassade in Windhoek opruk om antwoorde te eis.
Intussen het die permanente sekretaris van werke en vervoer, mnr. Willem Goeieman, sy Zambiese eweknie tot môre kans gegee om die kwessie te besleg.
Mnr. James Sankwasa, adjunkminister van werke en vervoer, het gister aan Republikein gesê as Zambië nie teen môre die drywers toelaat om met hul vragmotors na Namibië terug te keer nie, sal die aangeleentheid op hoër politieke vlak hanteer word. Hy sê indien nodig, sal pres. Hage Geingob versoek word om in te gryp.
Volgens Sankwasa maak Zambië hom skuldig aan growwe menseregteskendings. “Jy kan nie net mense se vryheid van beweging vir maande inperk sonder vervolging nie.”
Mnr. Doen van Blommestein, eienaar van DVB Trucking op Otjiwarongo, sê daar is op twee van sy vragmotors beslag gelê. “Ons het 'n WhatsApp-groep begin en dit blyk sowat 200 Namibiese lorries is afgevat en na die weermagkamp by Kafue geneem,” sê hy.
Volgens hom word ander buurlande ook geraak en is daar in totaal op sowat 700 vragmotors waarop beslag gelê.
“Ons lorries staan nou al vir drie maande en ses dae in Zambië. Nadat die lorries na Kafue geneem is, moes ons die drywers by lodges inboek.
“Dit kos ons 'n klomp geld. Ons moet die drywers se salarisse betaal, die versekering op die vragmotors sowel as die paaiemente aan die bank. En intussen staan die lorries en verdien ons nie 'n inkomste daaruit nie.”
Hy sê verlede week kon van die drywers daarin slaag om hul vragmotors terug te kry. “Die lorries is geïnspekteer en hulle is gesê die betrokke minister moet net die vrylatingsvorms teken dan kan hulle ry, maar niks gebeur nie,” vertel Van Blommestein.
Republikein is ook in besit van 'n brief van HRL Investments, wat as vervoeragent vir die Chinese houtkopers optree, aan die Zambiese owerhede. Dit lui: “Ons het in Februarie hout in die Kongo (DRK) opgelaai en sedertdien is ons (vragmotors) nog nie vrygelaat nie. Ons ly reuseverliese en daar word nie na ons drywers gekyk nie. Baie van hulle het malaria gekry.”
Van Blommestein sê die vragte hout wat hy vervoer het, was uit die DRK afkomstig en hy kan die nodige permitte daarvoor toon.
“Daar is egter ouens wat die permitte in die DRK kry, maar dan laai hulle die hout in Zambië op.”
Hy sê voordat dit verbode was om hierdie hout uit Zambië te vervoer, het hy “baie vragte vir die Chinese” uit dié land na Walvisbaai gebring.
Volgens Sankwasa het Namibië, Zambië en die DRK in September 2015 'n verstandhoudingsooreenkoms onderteken oor die gebruik van die Walvisbaai-Ndola-Lubumbashi-roete as handelskorridor.
“Zambië kan nie net hierdie ooreenkoms verontagsaam en eensydige besluite neem nie,” sê hy.
Kommentaar
Republikein
Geen kommentaar is op hierdie artikel gelaat nie