Zambezi-plan binnekort voltooi

Min vordering in 10 jaar

04 September 2018 | Omgewing
Elvira Hattingh - ‘n Strategiese plan om die Zambezirivierkom se ontwikkelingspotensiaal te ontsluit, sal na verwagting binne die volgende vyf maande afgehandel en goedgekeur word.

Omstandighede vir inwoners van die gebied het die afgelope 10 jaar nie veel verbeter nie.

‘n Gebrek aan infrastruktuur, die agteruitgang van die omgewing en voortdurende armoede kniehalter ontwikkeling en vooruitgang in dié gebied.

Die Zambezirivierkom huisves meer as 40 miljoen mense.

Dié getal sal teen 2025 na verwagting tot sowat 51 miljoen styg.

Die gebied strek oor agt “oewerlande”, wat Namibië, Angola, Botswana, Malawi, Mosambiek, Tanzanië, Zambië en Zimbabwe insluit.

BEHOEFTE AAN ONTWIKKELING

‘n Behoefte aan die ontwikkeling van die gebied bestaan – veral wat energie, voedselsekerheid, en beter ekostelseldienste betref.

Planne moet vir beleggings gemaak word, asook vir die aanpak van eksterne bedreigings en meer werksgeleenthede.

Dienooreenkomstig is die Zambesi-waterloopkommissie (Zamcom) besig om ‘n strategiese plan vir die gebied op te stel wat beleggings in die rivierkom moet fasiliteer en ook die ontwikkelingspotensiaal daarvan ontsluit.

Zamcom bestaan uit ‘n raad van ministers, wat hoofsaaklik vir besluitneming verantwoordelik is, en uit ‘n tegniese advieskomitee (Zamtec) en die sekretariaat (Zamec).

Zamec se kantore is in Harare, Zimbabwe, geleë.

BINNEKORT AFGEHANDEL

Die opstel van die strategiese plan het reeds in Januarie 2017 begin en sal na verwagting teen volgende jaar Januarie afgehandel wees en goedkeuring van Zamcom se raad van ministers ontvang.

Die hoop is dat dit die betrokke lande met hul ontwikkelingsagenda sal help en ook om armoede in die groter Suider-Afrika uit te wis.

Die plan, waarvan fase een en twee reeds afgehandel is, is op ‘n deelnemende basis met onderskeie belangegroepe opgestel.

Sekere strategiese doelwitte is uiteengesit, wat die gebrek aan infrastruktuur aanspreek, asook die verbetering van die rivierkom deur beter samewerking in die streek.

Verder moet die institusionele vermoëns van Zamcom se sekretariaat ook nog groei.

Die betrokke lande wil hul ontwikkelingsagenda deur die volhoubare gebruik van beskikbare waterbronne deur samewerking bereik.

Soortgelyk

 

Belastingsonde met die bure

37 minute gelede | Ministeries

Jo-Maré Duddy Die hoër sondebelasting wat die Suid-Afrikaanse minister van finansies, mnr. Tito Mboweni, gister in sy begroting aangekondig het, beteken Namibiërs gaan van 1...

‘Kersfees’ vir onwettige loterye verby

37 minute gelede | Ministeries

Francoise Steynberg - Kersfees is verby vir diegene wat onwettige sportboerpotte en gelukstrekkings hou en loterykaartjies aan minderjariges verkoop.Dít indien die nuwe Staatsloterywet van 2017...

Mangaan-uitvoere kry groen lig

37 minute gelede | Plaaslik

Catherine Sasman – Die ministerie van die omgewing en toerisme (MET) het ’n omgewingsklaringsertifikaat (ECC) aan die Suid-Afrikaanse maatskappy TradePort Namibia CC uitgereik. Dié maatskappy...

Dorpe se leierskapsvrae gepak

37 minute gelede | Regering

Augetto Graig - Die regerende party het Maandag ’n dringende vergadering by hul hoofkantoor in Windhoek gehou, waartydens besluit is raadslede wat onlangs vir Rundu...

Weer vir 21 Februarie 2019

37 minute gelede | Weer

BINNELAND: Sonnig en bloedig warm in die verre Noordooste. Elders sal dit gedeeltelik bewolk en baie warm tot bloedig warm wees.KUS: Gedeeltelik bewolk en...

Aussenkehr se nood tydelik verlig

37 minute gelede | Plaaslik

Ronelle Rademeyer - Tafeldruifprodusente en die boere wat ander gewasse op die oewer van die Oranjerivier by Aussenkehr verbou, het Dinsdagaand ’n sug van verligting...

Meer as ’n taal

37 minute gelede |

Lloyd Zandberg - Vandag vier miljoene mense oraloor die wêreld Wêreldmoedertaaldag. Dié dag is sedert 2000 ingestel om die behoud en ontwikkeling van alle tale...

Versorging ná oorplanting ‘boul’ gesin uit

37 minute gelede | Gesondheid

Henriette Lamprecht – Hoewel dit goed gaan met ’n Namibiese seuntjie wat verlede jaar ’n nieroorplanting in Suid-Afrika ondergaan het, is sy gesin “uitgeboul” deur...

Katjavivi ontken Diescho-bewerings

37 minute gelede | Regering

Catherine Sasman - Die speaker van die Nasionale Vergadering (NV), prof. Peter Katjavivi, het ontken hy het die beleërde prof. Joseph Diescho se deelname aan...