Ysterertsmyn dalk op Windhoek se voorstoep

Ronelle Rademeyer - Gemeenskapsvergaderings word vandag by Neudamm en in Windhoek gehou vir insette oor die impak wat die beplande ysterertsmyn 50 km oos van die stad, op die omgewing en samelewing kan hê.Mnr. Pierre Botha van die omgewingskonsultante Geo Pollution Technologies sê inwoners van die groter Windhoek-gebied sal om 09:00 by die Neudamm-kampus en weer om 17:30 by die Old Wheelers-klub vergaderings hieroor kan bywoon.Geo Pollution Technologies doen die omgewingsimpakstudie namens Brake Trading, wat die houer van die eksklusiewe eksplorasielisensies (EPL’s) is. Dit vereis onder meer ’n proses van openbare konsultasies met die gemeenskap om die impak te bepaal.Die eksplorasiegebied strek oor 30 plase (altesaam 59 224 ha) en is suid van die lughawepad tussen Kappsfarm en Seeis geleë.Buiten die boere wat geraak gaan word, is die voorgenome myn ook baie naby aan die leefstylontwikkelings Finkenstein en Herboth’s Blick geleë.Brake Trading het sedert 2013 altesaam 158 eksplorasiegate geboor en bevind daar is genoeg ystererts om vir 40 jaar lank jaarliks 10 miljoen ton te produseer, blyk dit uit die oorsigdokument wat deur Geo Pollution Technologies vrygestel is.Blake Trading is ’n Namibiese maatskappy en die aandeelhouers is Jindal Steel and Power, ’n Indiese maatskappy wat in Mauritius geregistreer is, Alexander Adolf Warne, ’n Namibiër, en die Suid-Afrikaanse groep Arkenstone, sê Botha.Volgens hom kan Brake Trading nie om ’n mynlisensie by die ministerie van myne en energie aansoek doen voordat die omgewingsimpakstudie gedoen en ’n gedetailleerde mynbouplan ontwikkel is nie. Die maatskappy moet ook aandui hoe die projek gefinansier gaan word.“Hierdie is nog vroeë dae. Om vir ’n mynlisensie aansoek te doen, is ’n omvangryke proses,” verduidelik Botha.Die hulpbron- en infrastruktuurkwessies wat in aanmerking geneem moet word, is die lewering van water en elektrisiteit aan die myn, die aanlê van paaie, nuwe spoorlynaansluitings en genoegsame bergplek vir die ystererts by die hawe op Walvisbaai.Verder moet die invloed van stof op die lugkwaliteit, geraas, die impak van die myn op toerisme en boerdery en die sensitiewe plant- en dierspesies ook bepaal word, blyk dit uit die oorsigdokument.

Ysterertsmyn dalk op Windhoek se voorstoep

Kommentaar

Republikein 2026-03-12

Meld asseblief aan om kommentaar te lewer

Ysterertsmyn dalk op Windhoek se voorstoep

Kommentaar

Republikein 2026-03-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.