Ystererts 'nie op rand van afgrond'
Die prys van ystererts het in 2016 die hoogte ingeskiet en was verantwoordelik vir ongeveer 60% van Rio Tinto se wins.
Rio Tinto, een van die grootste produsente van ystererts, sê dié hulpbron se prys sal voorspellings dat dit drasties gaan val, trotseer.
“Ek sou nie sê dit is op die rand van die afgrond nie,” sê Chris Lynch, finanshoof van Rio Tinto.
“Ek dink die belangrike kwessie is dat ons gereed is, of die prys nou styg, val of sywaarts beweeg. Dit is wat ons wil doen.”
Uitvoerders van ystererts trek voordeel uit China, die grootste vervaardiger van staal, wat al hoe meer verkies om onverwerkte materiaal van gehalte in te voer in sy strewe om doeltreffender te wees en besoedeling te verminder, sê Lynch.
Die prys van ystererts het in 2016 die hoogte ingeskiet en was verantwoordelik vir ongeveer 60% van Rio Tinto se wins.
Die voorspelling is dat die prys van ystererts drasties gaan val in die tweede helfte van die jaar nadat dit teen die hoogste prys in twee jaar verhandel het vanweë die stimulus deur die Chinese regering om staalvervaardiging aan te moedig.
Drastiese daling voorspel
Citigroup sê meer ystererts word van Australië en Brasilië verwag wat die aanbod sal verhoog en die prys sal laat daal.
Volgens 13 ontleders wat aan 'n Bloomberg-peiling deelgeneem het, gaan ystererts teen ongeveer US$55 per ton verhandel in die laaste drie maande van die jaar.
Volgens hulle sal die prys selfs laer as US$50 per ton daal wanneer 90 miljoen ton ystererts, wat tans verskeep word, later in 2017 in China aankom, sê Richard Knights, ontleder by Liberum Capital.
“Ons hou van die idee van hoër pryse, maar daar is nie veel wat jy daaraan kan doen nie,” sê Lynch.
“Ek kan vir jou geen rede gee hoekom dit vandag US$2 hoër is as gister nie.”
China het meer as een miljard ton ystererts in 2016 ingevoer, die meeste tot nog toe in 'n enkele jaar.
Erts in Qingdao, China, met 'n 62%-inhoud het Vrydag tot US$86,62 per ton gestyg, wat die hoogste is sedert September 2014, berig Metal Bulletin.
Hoër pryse ondersteun verdienste vir groot produsente insluitend Rio Tinto wat sedert 2013 die eerste keer 'n jaarlikse wins in 2016 gemaak het.
Hoewel Rio Tinto 'n redelik sterk toekoms vir ystererts in China sien, is dit nie die enigste land waarop hy fokus nie, sê Lynch.
Groter besteding op infrastruktuur onder leiding van pres. Donald Trump en projekte wat vinniger in Amerika goedgekeur word, kan ook baie positief vir die maatskappy wees, sê Lynch.
Rio Tinto het gister teen £35,72 per aandeel op die Londense aandelebeurs verhandel.
– Netwerk24/Bloomberg
“Ek sou nie sê dit is op die rand van die afgrond nie,” sê Chris Lynch, finanshoof van Rio Tinto.
“Ek dink die belangrike kwessie is dat ons gereed is, of die prys nou styg, val of sywaarts beweeg. Dit is wat ons wil doen.”
Uitvoerders van ystererts trek voordeel uit China, die grootste vervaardiger van staal, wat al hoe meer verkies om onverwerkte materiaal van gehalte in te voer in sy strewe om doeltreffender te wees en besoedeling te verminder, sê Lynch.
Die prys van ystererts het in 2016 die hoogte ingeskiet en was verantwoordelik vir ongeveer 60% van Rio Tinto se wins.
Die voorspelling is dat die prys van ystererts drasties gaan val in die tweede helfte van die jaar nadat dit teen die hoogste prys in twee jaar verhandel het vanweë die stimulus deur die Chinese regering om staalvervaardiging aan te moedig.
Drastiese daling voorspel
Citigroup sê meer ystererts word van Australië en Brasilië verwag wat die aanbod sal verhoog en die prys sal laat daal.
Volgens 13 ontleders wat aan 'n Bloomberg-peiling deelgeneem het, gaan ystererts teen ongeveer US$55 per ton verhandel in die laaste drie maande van die jaar.
Volgens hulle sal die prys selfs laer as US$50 per ton daal wanneer 90 miljoen ton ystererts, wat tans verskeep word, later in 2017 in China aankom, sê Richard Knights, ontleder by Liberum Capital.
“Ons hou van die idee van hoër pryse, maar daar is nie veel wat jy daaraan kan doen nie,” sê Lynch.
“Ek kan vir jou geen rede gee hoekom dit vandag US$2 hoër is as gister nie.”
China het meer as een miljard ton ystererts in 2016 ingevoer, die meeste tot nog toe in 'n enkele jaar.
Erts in Qingdao, China, met 'n 62%-inhoud het Vrydag tot US$86,62 per ton gestyg, wat die hoogste is sedert September 2014, berig Metal Bulletin.
Hoër pryse ondersteun verdienste vir groot produsente insluitend Rio Tinto wat sedert 2013 die eerste keer 'n jaarlikse wins in 2016 gemaak het.
Hoewel Rio Tinto 'n redelik sterk toekoms vir ystererts in China sien, is dit nie die enigste land waarop hy fokus nie, sê Lynch.
Groter besteding op infrastruktuur onder leiding van pres. Donald Trump en projekte wat vinniger in Amerika goedgekeur word, kan ook baie positief vir die maatskappy wees, sê Lynch.
Rio Tinto het gister teen £35,72 per aandeel op die Londense aandelebeurs verhandel.
– Netwerk24/Bloomberg
Kommentaar
Republikein
Geen kommentaar is op hierdie artikel gelaat nie