Yasmeen (78*) lei span na finaal in Kigali
Krieket
Die Capricorn Namibiese vrouespan het opnuut gewys dat genoeg skietgoed beslis beskikbaar is om Saterdag met Namibië se debuutverskyning by die Kwibuka T20-toernooi as kampioenspan uit die stryd te tree.
In Rwanda se hoofstad Kigali is kolwer nommer drie Yasmeen Khan as die speler van die wedstryd aangewys toe die onoorwonne Eagles-vrouespan Vrydag vir Nigerië in die semifinaal met 91 lopies oordonder het.
Khan het op 14/1 ná 3.3 boulbeurte ingestap, toe Suné Wittmann met haar agtste bal vir net 6 uitgeboul is. Khan het haar egter ingegrawe en ’n puik onoorwonne vyftigtal behaal (78* van net 53 balle) en het ses viere en twee sesse geslaan.
Sy het haar vyftigtal op die telbord geplaas toe sy met haar 42ste bal die eerste van haar twee sesse gemoker het.
Wittmann het vroeër in die toernooi die Namibiese vroue se individuele T20-kolfrekord met 93 nie uit nie opgestel, maar die res van die kolwers het gewys dat die Eagles gewis meer diepte as bloot een of twee enkelinge het.
Adri van der Merwe (28 van 35 balle, geen grenshoue) en later Kayleen Green (29 van 25 balle, 4x4) het hulle ook as kolwers laat geld.
Nigerië, wie se enigste oorwinning in die toernooi teen die wenlose Botswana behaal is, kon in sy kolfbeurt net met 65/8 antwoord.
Twee Nigeriërs is uitgehardloop, terwyl Sylvia Shihepo (2/12 in 4 boulbeurte) en Victoria Hamunyela (2/16 in 4) ook toegslaan het.
Kayleen Green was in haar vier boulbeurte bykans onspeelbaar en het net vyf lopies afgestaan (een leeg), terwl die Namibiese kaptein, Irené van Zyl, 1/14 in 3 bb geneem het.
In Rwanda se hoofstad Kigali is kolwer nommer drie Yasmeen Khan as die speler van die wedstryd aangewys toe die onoorwonne Eagles-vrouespan Vrydag vir Nigerië in die semifinaal met 91 lopies oordonder het.
Khan het op 14/1 ná 3.3 boulbeurte ingestap, toe Suné Wittmann met haar agtste bal vir net 6 uitgeboul is. Khan het haar egter ingegrawe en ’n puik onoorwonne vyftigtal behaal (78* van net 53 balle) en het ses viere en twee sesse geslaan.
Sy het haar vyftigtal op die telbord geplaas toe sy met haar 42ste bal die eerste van haar twee sesse gemoker het.
Wittmann het vroeër in die toernooi die Namibiese vroue se individuele T20-kolfrekord met 93 nie uit nie opgestel, maar die res van die kolwers het gewys dat die Eagles gewis meer diepte as bloot een of twee enkelinge het.
Adri van der Merwe (28 van 35 balle, geen grenshoue) en later Kayleen Green (29 van 25 balle, 4x4) het hulle ook as kolwers laat geld.
Nigerië, wie se enigste oorwinning in die toernooi teen die wenlose Botswana behaal is, kon in sy kolfbeurt net met 65/8 antwoord.
Twee Nigeriërs is uitgehardloop, terwyl Sylvia Shihepo (2/12 in 4 boulbeurte) en Victoria Hamunyela (2/16 in 4) ook toegslaan het.
Kayleen Green was in haar vier boulbeurte bykans onspeelbaar en het net vyf lopies afgestaan (een leeg), terwl die Namibiese kaptein, Irené van Zyl, 1/14 in 3 bb geneem het.
Kommentaar
Republikein
Geen kommentaar is op hierdie artikel gelaat nie