Wysigings kom vir versekeringswetgewing

Estelle de Bruyn - Die adjunkminister van finansies, mnr. Natangue Ithete, het verlede week wysigingswetsontwerpe wat ’n nuwe raamwerk vir langtermyn- en korttermynversekering, mediese fondse en effektetrusts in die vooruitsig stel, in die Nasionale Vergadering ter tafel gelê.’n Raad van Appèl word kragtens die wet op ’n toesighoudende owerheid vir finansiële instellings ingestel. Die raad sal appèlle aanhoor teen besluite van die registrateur van langtermynversekering en personeel.Die bankwaarborg waarvolgens versekeraars nie minder as N$25 000 moes gehad het, word geskrap. Voortaan sal versekeringsmakelaars ’n professionele vrywarings-versekeringspolis van ’n minimum van N$1 miljoen moet hê in die plek van die N$500 000 polis wat voorheen vereis is. Die alternatief is 50% van die makelaar se langtermynversekeringskommissie van die voorafgaande boekjaar, wat ook al die groter bedrag is.Dieselfde geld korttermynversekeraars ingevolge voorgestelde wysigings aan die wet op korttermynversekering.Wysigings aan die wet op mediese fondse sal meebring dat die minister van gesondheid en maatskaplike dienste nie meer die toesighoudende minister vir mediese fondse is, nie. Hy word deur die minister van finansies vervang. Soos die geval met lang- en korttermynversekering sal dieselfde Raad van Appèl ook apelle teen besluite van die registrateur aanhoor, en nie meer die minister nie. Oortreders van die wet op mediese fondse se boete sal van N$10 000 na N$20 000 of gevangenisstraf van drie jaar, teenoor die 30 maande van die bestaande wet, verhoog word.In die wet op effektetrusts word die appèlfunksie van die minister ook deur die Raad op Appèl oorgeneem. Appèl teen die raad se bevindings sal deur die hoërhof, en nie meer deur die hooggeregshof nie, aangehoor word.

Wysigings kom vir versekeringswetgewing

Kommentaar

Republikein 2026-01-12

Meld asseblief aan om kommentaar te lewer

Wysigings kom vir versekeringswetgewing

Kommentaar

Republikein 2026-01-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.