Wurger skuldig bevind
Die man wat daarvan beskuldig is dat hy 'n jong vrou vermoor het en haar liggaam aan die brand gesteek het, is verlede week in die hoërhof in Windhoek skuldig bevind.
Jacqueline Louw - Regter Christie Liebenberg het Ivan //Hoëseb verlede Donderdag skuldig bevind op klagte van moord, diefstal en dwarsboming van die gereg wat spruit uit me. Elizabeth Ganses (26) se dood.
Die hof het bevind dat //Hoëseb vir Ganses vermoor het, wie se halfverbrande liggaam bykans twee jaar gelede naby 'n militêre basis naby Otjiwarongo gevind is.
//Hoëseb het aan die begin van sy verhoor onskuldig gepleit op die klagte van moord, verkragting, roof onder verswarende omstandighede en dwarsboming van die gereg.
Dit was die staat se saak dat //Hoëseb Ganses gedurende die nag van 30 tot 31 Oktober 2015 verkrag en vermoor het en haar selfoon gesteel het. Volgens die klagstaat het hy daarna probeer om die spore van sy misdaad uit te wis deur haar liggaam aan die brand te steek.
Regter Liebenberg het in sy uitspraak gesê hy verwerp //Hoëseb se getuienis oor hoe die oorledene hom aangeval het en hoe hy gedurende hul struweling haar arms gegryp en sy balans verloor het, geval het en sy kop gestamp het sodat hy sy bewussyn verloor het.
Volgens //Hoëseb het hy sy bewussyn herwin en Ganses se lewelose liggaam bo-op hom gevind.
Die hof het egter bevind dit was onmoontlik vir //Hoëseb om tydens die struweling wat hy beskryf het die mate van krag uit te oefen wat Ganses se dood kon veroorsaak.
Volgens die nadoodse ondersoekverslag het Ganses aan versmoring gesterf wat deur verwurging veroorsaak is.
Hoewel semen in Ganses se liggaam gevind is, kon dit nie deur DNS-toetse met //Hoëseb verbind word nie en is hy dus nie op die klag van verkragting skuldig bevind nie.
Rakende die roofklag het die hof beslis die getuienis wat gedurende die verhoor gelewer is, kon nie bewys enige krag is gebruik om die oorledene se selfoon af te vat nie. Regter Liebenberg het in sy uitspraak genoem die selfoon kon ná die moord geneem gewees het. Die getuienis het wel bewys //Hoëseb het die oorledene se selfoon onregmatig besit en was dus skuldig aan diefstal.
Die hof het verder bevind die feit dat //Hoëseb die oorledene se klere op of naby haar gesig geplaas het voordat hy dit aan die brand gesteek het, daarop dui hy was van plan om die liggaam, of die identifiseerbare kenmerke daarvan, te vernietig.
Daar was 'n duidelike poging om geregtigheid te ondermyn, het die regter gesê.
Die hof het bevind dat //Hoëseb vir Ganses vermoor het, wie se halfverbrande liggaam bykans twee jaar gelede naby 'n militêre basis naby Otjiwarongo gevind is.
//Hoëseb het aan die begin van sy verhoor onskuldig gepleit op die klagte van moord, verkragting, roof onder verswarende omstandighede en dwarsboming van die gereg.
Dit was die staat se saak dat //Hoëseb Ganses gedurende die nag van 30 tot 31 Oktober 2015 verkrag en vermoor het en haar selfoon gesteel het. Volgens die klagstaat het hy daarna probeer om die spore van sy misdaad uit te wis deur haar liggaam aan die brand te steek.
Regter Liebenberg het in sy uitspraak gesê hy verwerp //Hoëseb se getuienis oor hoe die oorledene hom aangeval het en hoe hy gedurende hul struweling haar arms gegryp en sy balans verloor het, geval het en sy kop gestamp het sodat hy sy bewussyn verloor het.
Volgens //Hoëseb het hy sy bewussyn herwin en Ganses se lewelose liggaam bo-op hom gevind.
Die hof het egter bevind dit was onmoontlik vir //Hoëseb om tydens die struweling wat hy beskryf het die mate van krag uit te oefen wat Ganses se dood kon veroorsaak.
Volgens die nadoodse ondersoekverslag het Ganses aan versmoring gesterf wat deur verwurging veroorsaak is.
Hoewel semen in Ganses se liggaam gevind is, kon dit nie deur DNS-toetse met //Hoëseb verbind word nie en is hy dus nie op die klag van verkragting skuldig bevind nie.
Rakende die roofklag het die hof beslis die getuienis wat gedurende die verhoor gelewer is, kon nie bewys enige krag is gebruik om die oorledene se selfoon af te vat nie. Regter Liebenberg het in sy uitspraak genoem die selfoon kon ná die moord geneem gewees het. Die getuienis het wel bewys //Hoëseb het die oorledene se selfoon onregmatig besit en was dus skuldig aan diefstal.
Die hof het verder bevind die feit dat //Hoëseb die oorledene se klere op of naby haar gesig geplaas het voordat hy dit aan die brand gesteek het, daarop dui hy was van plan om die liggaam, of die identifiseerbare kenmerke daarvan, te vernietig.
Daar was 'n duidelike poging om geregtigheid te ondermyn, het die regter gesê.
Kommentaar
Republikein
Geen kommentaar is op hierdie artikel gelaat nie