Wêreldtoerismedag vandag gevier

Namibië vier vandag Wêreldtoerismedag by Zoo-park se amfiteater in die hoofstad. Volgens mnr. Romeo Muyunda, woordvoerder van die ministerie van die omgewing en toerisme, sal die stigterspresident, mnr. Sam Nujoma, tydens die vieringe, wat om 10:00 afskop, die hoofspreker wees. Namibië is 'n lidland van die Verenigde Nasies se Wêreld­toerismeorganisasie (UNWTO) wat jaarliks saam met ander lande op 27 September Wêreldtoerismedag vier. Vanjaar se tema is “Volhoubare Toerisme - 'n Instrument vir Ontwikkeling”, maar Namibiese rolspelers het besluit op “­Toerisme begin tuis” as tema. Dié tema fokus op Namibië se toerismebedryf. “Dit verteenwoordig ons trots in dit wat ons kan bied op die gebied van kultuur, erfenis en natuurskoon. Dit is 'n moet dat Namibiërs ook Namibië ontdek,” het ­Muyunda gesê. Foto Tanja Bause