Wêreldreis van 6 miljoen km hier voltooi

Elvira Hattingh - Die Kanadese wêreldreisiger mnr. Arik De het gister sy merkwaardige reis van altesaam 6 miljoen km in Namibië afgesluit. Toe hy om 17:00 op die Internasionale Lughawe Hosea Kutako land, kon hy spog dat hy op 2 242 kommersiële vlugte 130 keer om die wêreld gevlieg het. Die 38-jarige reisiger, wat aan die hoof van AirAsia X se kommersiële afdeling staan, was die eerste mens om internasionale vlugte van die aard in Namibië af te sluit. AirAsia X is die wêreld se grootste laekoste-langafstandlugredery.Die reise volg nadat De op sy dertigste verjaarsdag aan van sy naaste vriende gesê het hy wil na elke land in die wêreld reis voor hy 40 is. Oor die afgelope dekade het hy na 214 lande gereis – ook na sommige wat nie lede van die Verenigde Nasies is nie, maar deur ander internasionale liggame soos byvoorbeeld die Olimpiese komitee erken word.De is in Indië gebore en het in Kenia en Amerika grootgeword. Hy het sy nagraadse studies aan die Universiteit van Chicago voltooi, waarna hy vir meer as 16 jaar op al 6 vastelande in die lugrederybedryf gewerk het.Om te reis, was nog altyd deel van sy DNS. Hy het as kind in Mombasa offisiere in die lugrederybedryf besoek, vlugskedules ingesamel en bewus geword van internasionale lugrederynetwerke en hoe dit mense bymekaar bring. Hy het dikwels alleen tussen vastelande gereis en mettertyd genoeg selfvertroue gekry om die wêreld te wil sien.De sê hy het Namibië gekies om sy reis mee af te sluit as gevolg van die land se skoonheid en diversiteit. “Ek het altyd gevoel Namibië verteenwoordig die mikrokosmos van die wêreld. Die land se skoonheid - van die uitgestrekte Skedelkus tot die oneindige Namib - is 'n kragtige getuienis dat, maak nie saak wat jy in die lewe bereik nie, jy altyd inspirasie sal vind en nederig oor hierdie planeet se skoonheid voel.“Die merkwaardige veerkragtigheid van Namibiërs asook al hul prestasies ná onafhanklikheid is 'n getuienis van die universele gees van menswees,” het hy gesê. De sal tyd saam met sy naaste vriende en familie in Sossusvlei bestee en dan na Swakopmund reis waar hy langs die kuslyn af sal vlieg om die landskap te bewonder. Met sy aankoms in Namibië is 'n verwelkomingsgeleentheid vir hom gehou. Meer oor sy merkwaardige reis is op Instagram onder die hutsmerk #arikhasbeenthere asook #ariksfinalcountdown beskikbaar.

Wêreldreis van 6 miljoen km hier voltooi

Kommentaar

Republikein 2026-10-29

Meld asseblief aan om kommentaar te lewer

Wêreldreis van 6 miljoen km hier voltooi

Kommentaar

Republikein 2026-10-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.