Wêreldkampioen in 100 vaar uit ná tydelike skorsing

Wim Pretorius – Die 100 m-wêreldkampioen, Christian Coleman, is in die sop nadat hy ’n derde opkikkertoets misgeloop het.So het die Atletiek-integriteitseenheid (AIU), ’n onafhanklike liggaam wat deur Wêreldatletiek gestig is, Woensdag onthul.Die 24-jarige Amerikaner, wat verlede jaar in Doha glorie in die 100 gesmaak het by die wêreldkampioenskap in 9.76 sekondes, hou egter vol dat hy onskuldig is.Volgens hom was hy besig om Kersfeesinkopies “vyf minute weg” van sy huis af te doen toe die toetsbeampte glo daar opgedaag en hom nie gekontak het nie.Dié opkikkertoets, wat op 9 Desember verlede jaar moes plaasvind, was volgens die AIU die derde wat hy in ’n tydperk van ’n jaar misgeloop het. Die ander was op 16 Januarie 2019 en 26 April 2019.Die Wêreldagentskap teen die gebruik van verbode middels (Wada) vereis van atlete om buite kompetisies hulself vir een uur ’n dag vir opkikkertoetse beskikbaar te stel.Dit beteken hulle moet toetsbeamptes deurgaans in kennis stel van waar hulle hul bevind.Indien hulle dit nié doen nie, word dit as ’n oortreding (bekend as ’n ‘filing failure’) beskou.“Moenie vir my sê ek het ’n toets ‘misgeloop’ as jy tot by my deur gesluip het (buite die hek parkeer en deurgestap het ... daar is geen rekord van enigiemand wat na my plek gekom het nie) sonder my medewete nie,” het Coleman in sy verklaring gesê.Dié Amerikaner sê hy was in daardie stadium by die winkel en het bankstate en strokies wat dit sal staaf.“Ek was meer as gereed en beskikbaar vir toetse en as ek die oproep ontvang het, sou ek die opkikkertoets gedoen het en daarna voortgegaan het met my aand.“Ek is eers die volgende dag, op 10 Desember, deur die AIU hiervan ingelig, toe ek uit die bloute ’n verslag ontvang het dat die toets nie uitgevoer kon word nie. Ek was heeltemal onbewus daarvan dat iemand my die vorige dag wou toets.”Coleman sê verder dat die verslag ook nie die regte adres bevat het nie en dat daar van hom ’n teiken gemaak word.Kort voor verlede jaar se Wêreldbyeenkoms het Coleman die oë laat rek toe hy ’n skorsing om dieselfde rede op ’n tegniese punt vrygespring het.Coleman sê egter hy is die afgelope jaar, en selfs tydens die inperking, getoets. Hy sê ook die betrokke toetsbeampte, wat hom nie by die huis kon opspoor nie, het hom twee dae ná die beweerde mislukte toets wel kom toets.“Die AIU moet ophou om die man te speel. Twee dae later het hulle teruggekom en my getoets ... protokol gevolg en gebel en natuurlik was daar geen probleme met my toets nie.”• Coleman se voorlopige skorsing volg minder as twee weke nadat Salwa Eid Naser, die 400-wêreldkampioen, om dieselfde rede ook voorlopig geskors is. Sy het glo vier opkikkertoetse misgeloop. – Netwerk24

Wêreldkampioen in 100 vaar uit ná tydelike skorsing

Kommentaar

Republikein 2026-07-27

Meld asseblief aan om kommentaar te lewer

Wêreldkampioen in 100 vaar uit ná tydelike skorsing

Kommentaar

Republikein 2026-07-27

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.