Wêreldfisio-dag fokus op chroniese pyn

12 September 2019 | Gesondheid
Wêreldfisioterapiedag word jaarliks op 8 September gevier en is 'n geleentheid vir fisioterapeute van oraloor die wêreld om bewustheid van hul rol te skep om mense mobiel en onafhanklik te hou.

Die dag, wat ook in Namibië gevier is, is in 1996 deur die Wêreldkonfede­rasie afgekondig en herdenk die ­federasie se stigting in 1951.

Volgens 'n verklaring van die Nami­biese Vereniging vir Fisioterapeute (NSP) was die fokus vanjaar op fisio­terapeute se rol in die beheer van chroniese pyn en die verbetering van lewensgehalte. Chroniese pyn is 'n wêreld­gesondheidslas en word met ­servikale en borspyn, kanker, fibromialgie en osteoartritis verbind.

Volgens die verklaring het fisio­terapeute unieke vaardighede om ­spesifieke oefenprogramme voor te stel om chroniese pyn te verlig.

In die lig van vanjaar se vieringe het die NSP 'n slypskool vir plaaslike fisio­terapeute aangebied, wat ook deur verteenwoordigers van die aptekers- en mediese bedryf, en die biokinetika- en arbeidsterapieveld ingesluit het.

Die fokus was op die multidissiplinêre bestuur van chroniese pyn.

Die NSP het in aanloop op die slypskool 'n uitnodiging op sosiale media aan die publiek gerig om 'n foto of video te plaas van 'n aktiwiteit wat hulle geniet.

Die foto's en video's is op sosialemediaplatforms geplaas met spesifieke hutsmerke wat vir die betrokke dag geskep is, soos onder meer #worldptday, #namibiaptday en ­#namibiamovementday.

Vir meer inligting, besoek www.­namibiaphysio.com.

Soortgelyk

 

Von Bachdam bereik 89%-merk

1 uur gelede | Omgewing

Elvira Hattingh - Die Von Bachdam was vanmiddag om 12:00 presies 89% vol en het steeds 6,4 m³ water per sekonde ontvang. Maandag was dit...

Okahandjarivier saai wéér amok

4 ure gelede | Omgewing

Elvira Hattingh - Die Okahandjarivier het gisternag wéér mnr. James Roux se kleinhoewe buite Okahandja oorstroom en boonop vroegoggend een persoon meegesleur. Die polisie, asook...

Steeds geen kontrak vir diens aan Psemas

15 ure gelede | Gesondheid

Henriette Lamprecht - Die staat se mediese fonds (Psemas) se nuwe kontrak met gesondheidsdiensverskaffers wat reeds sedert 2017 sloer, is weer uitgestel, die keer tot...

Beeste uit Botswana vul tekort aan

15 ure gelede | Byvoegsels

Ronelle Rademeyer - Sowat vier maande nadat Botswana sy grens vir die uitvoer van lewende slagbeeste na Namibië oopgestel het, kon Meatco op Dinsdag 18...

Boer skiet glo 'mieliedief'

15 ure gelede | Misdaad

Francoise Steynberg - 'n Boer van Tsumeb het Maandag op ‘n klag van poging tot moord in die landdroshof verskyn nadat hy glo ‘n vermeende...

Weer, Woensdag 26 Februarie 2020

15 ure gelede | Weer

BINNELAND: Gedeeltelik bewolkte en baie warm weer sal in die Kunene-Wesstreek heers. Elders sal dit gedeeltelik bewolk en warm tot baie warm wees met geïsoleerde,...

Samherji-werkers afgelê

15 ure gelede | Misdaad

Leandrea Louw – Sowat 210 werknemers van die vaartuie MV Saga en MV Geysir gaan aanstaande maand afgelê word. Die werknemers is vroeër vandeesmaand gestrand...

Posisioneer jouself betyds vir groter wins

15 ure gelede | Landbou

Christo du Plessis, Dierevoedingskundige: Feedmaster – In hierdie artikel kyk ons na die sleutelkwessies in rooivleisproduksie wat wins dryf, en hoe fosforaanvulling produsente se winsgewendheid...

N$14 miljoen vir kragprojek bewillig

15 ure gelede | Regering

Yandi du Plessis - ’n Sooispitseremonie vir die voorsiening van krag aan die Otjomuise- en Havana informele nedersettings het Vrydag in Otjomuise in die hoofstad...