Wêreldfisio-dag fokus op chroniese pyn

Wêreldfisioterapiedag word jaarliks op 8 September gevier en is 'n geleentheid vir fisioterapeute van oraloor die wêreld om bewustheid van hul rol te skep om mense mobiel en onafhanklik te hou. Die dag, wat ook in Namibië gevier is, is in 1996 deur die Wêreldkonfederasie afgekondig en herdenk die federasie se stigting in 1951. Volgens 'n verklaring van die Namibiese Vereniging vir Fisioterapeute (NSP) was die fokus vanjaar op fisioterapeute se rol in die beheer van chroniese pyn en die verbetering van lewensgehalte. Chroniese pyn is 'n wêreldgesondheidslas en word met servikale en borspyn, kanker, fibromialgie en osteoartritis verbind. Volgens die verklaring het fisioterapeute unieke vaardighede om spesifieke oefenprogramme voor te stel om chroniese pyn te verlig.In die lig van vanjaar se vieringe het die NSP 'n slypskool vir plaaslike fisioterapeute aangebied, wat ook deur verteenwoordigers van die aptekers- en mediese bedryf, en die biokinetika- en arbeidsterapieveld ingesluit het. Die fokus was op die multidissiplinêre bestuur van chroniese pyn. Die NSP het in aanloop op die slypskool 'n uitnodiging op sosiale media aan die publiek gerig om 'n foto of video te plaas van 'n aktiwiteit wat hulle geniet. Die foto's en video's is op sosialemediaplatforms geplaas met spesifieke hutsmerke wat vir die betrokke dag geskep is, soos onder meer #worldptday, #namibiaptday en #namibiamovementday. Vir meer inligting, besoek www.namibiaphysio.com.

Wêreldfisio-dag fokus op chroniese pyn

Kommentaar

Republikein 2025-12-24

Meld asseblief aan om kommentaar te lewer

Wêreldfisio-dag fokus op chroniese pyn

Kommentaar

Republikein 2025-12-24

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.