Wêreldbeker in 2027 hier gespeel!

Namibië is aangewys om saam met Suid-Afrika en Zimbabwe die medegasheerland vir die 2027 Wêreldbekertoernooi vir eendaagkrieket (50 boulbeurte) te wees. Die Internasionale Krieketraad het hierdie aankondiging gistermiddag as deel van sy aankondiging van die gasheerlande vir al sy wêreldtoernooie in die verskillende formate tot 2031 gedoen.Namibië se insluiting in hierdie hoë geselskap – uiteraard met outomatiese kwalifisering as gasheerland – volg op sy nasionale span, die Eagles, se verstommende kompeterende vertoning in sy debuutverskyning by die pas afgelope T20 Wêreldbeker in die Emirate.Dit sal die eerste keer ná 18 jaar wees dat die eendag-Wêreldbeker na die Afrika-vasteland terugkeer, nadat Suid-Afrika, Zimbabwe en Kenia in 2003 die gesamentlike aanbieders was.Krieket SA se uitvoerende hoof Pholetsi Moseki het gister gesê: “Ons is baie opgewonde. Daar was vele slapelose nagte oor die laaste weke. Talle van ons was senuweeagtig omdat ons nie geweet het hoe lank die proses sou duur nie, maar hierdie is wonderlike nuus.“Ons het hierdie doel om krieket in Afrika te laat groei en ons sien onsself as die ouboet van beide Namibië en Zimbabwe. Dit was van sleutelbelang dat ons hierdie buurlande saam met ons neem en die geleentheid met hulle deel en dit basies in 'n Afrika-toernooi omskep.“Krieket is moontlik dié snelgroeiende sportkode op die vasteland en hierdie sal as 'n Afrika-Wêreldbeker aangebied word. Ons het in jare nie so 'n kans gehad nie en dit is baie opwindend.”Martin Snedden, voorsitter van die ICC se subkomitee vir toernooi-aanbieding, het volle vertroue dat die Afrika-lande 'n Wêreldbeker van die hoogste standaard kan aanbied.“Ons het talle uitstekende bodde vir die volgende jare se toernooie ontvang. Ons is daartoe verbind om 'n breë verspreiding van gasheerlande te verseker en het aan 14 lande die kans gebied om krieket se wêreldwye groei te ondersteun,” sê hy.

Wêreldbeker in 2027 hier gespeel!

Kommentaar

Republikein 2025-12-15

Meld asseblief aan om kommentaar te lewer

Wêreldbeker in 2027 hier gespeel!

Kommentaar

Republikein 2025-12-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.