Wêreld se ultrarykes neem toe – maar nie in Afrika

Vida Booysen - Die wêreld se getal ultrarykes het die afgelope jaar met 10% toegeneem – maar nie in Afrika nie. Volgens Knight Frank se rykdomverslag van 2017 het die getal mense met bates van meer as $50 miljoen wêreldwyd tot 129 730 toegeneem – 10% meer as in 2016. Hul gesamentlike batewaarde is $26 400 miljard. Dié neiging weerspieël wat in die wêreldekonomie gebeur, waar daar sedert die begin van 2017 merkbare groei is.Dít is maar net die begin, voorspel Wealth-X, wat die verslag namens Knight Frank opstel. “Namate die wêreldekonomie momentum opbou, voorspel ons dat die getal ultraryk individue teen 2022 met ’n verdere 40% sal toeneem.”Aan die plaaslike front het dit die afgelope jare minder voorspoedig met die vasteland se rykstes gegaan. Afrika se ultraryk bevolking het in die tydperk 2012-’17 met 8% gedaal, teenoor die internasionale styging.Namate die wêreldekonomie momentum opbou, voorspel ons dat die getal ultraryk individue teen 2022 met ’n verdere 40% sal toeneem.Wealth-X voorspel egter dat dié streek se getal ultrarykes ook sal begin styg en skat dié styging op 31% teen 2022.Noord-Amerika bly die wêreld se welvarendste streek met 34% van die wêreld se ultrarykes wat hier bly. Asië is in die tweede plek nadat sy getal ultrarykes die afgelope jaar ook steil met 15% gestyg het. Europa het nou tot die derde plek afgeskuif. As daar oor luukse eiendom gepraat word, staan Kaapstad egter nie terug vir ander stede nie.Volgens Knight Frank se internasionale huisprysindeks vir stede beklee die Moederstad die tweede plek op die toptienlys wat styging in huispryse aanbetref. Die prys van luukse eiendom in Kaapstad het van Desember 2016 tot Desember 2017 met 19,9% gestyg. Die topposisie word deur Guangzhou in China (27%) ingeneem met Aspen in Colorado, Amerika, (19%) in die derde plek.Nóg ’n interessante neiging wat die verslag meld, is dat al hoe meer ultrarykes tweede paspoorte en wonings elders ter wêreld bekom.“Die idee dat die wêreld een klein dorpie is, word al meer versterk deur beleggings in eiendom wêreldwyd,” lui die verslag. – Netwerk24

Wêreld se ultrarykes neem toe – maar nie in Afrika

Kommentaar

Republikein 2025-05-05

Meld asseblief aan om kommentaar te lewer

Wêreld se ultrarykes neem toe – maar nie in Afrika

Kommentaar

Republikein 2025-05-05

Meld asseblief aan om kommentaar te lewer

MELD AAN

Advertensie