Wêreld se tonne e-afval word nie herwin

Riana de Lange – Wêreldwyd is ’n geraamde 48,5 miljoen ton se elektroniese afval verlede jaar gegenereer, maar net sowat 20% daarvan word herwin of reg hanteer wanneer daarvan ontslae geraak word.Dít terwyl e-afval (elektroniese produkte wat oorbodig, stukkend of verouderd is en weggegooi word) die kategorie rommel is wat wêreldwyd die vinnigste toeneem, sê Wale Arewa, uitvoerende hoof van Xperien, ’n Suid-Afrikaanse onderneming wat ondernemings help om op ’n veilige en ekologies verantwoordelike manier van verouderde of onnodige IT-bates ontslae te raak.Elektroniese afval in die wêreld neem jaarliks met tussen 25% en 50% toe. Volgens Arewa kan die afval in die volgende paar jaar verdubbel.Arewa sê tonne e-afval word gestort – in Suid-Afrika raam die departement van omgewingsake dit op 360 000 ton per jaar.Tog is e-afval wêreldwyd minstens $62,5 miljard per jaar werd. Dit is meer as die bruto binnelandse produk van lande soos Tanzanië, Libië, Jemen en Serwië. Dis boonop goedkoper om opgeknapte rekenaars en skootrekenaars te huur.Elektroniese toerusting wat opgeknap word vir hergebruik om so dié toerusting se gebruikslewe te verleng, is ’n gevestigde praktyk oorsee en raak ook al hoe gewilder in Suid-Afrika, sê hy.Een van Xperien se onlangse kliënte is ’n topmaatskappy wat meer as 5 000 opgeknapte rekenaars vir sy nuwe hoofkantoor in Sandton gekoop het.’n Onderneming kan tot 70% spaar op die vervaardiger se aanbevole kleinhandelprys as toerusting gehuur word, sê Arewa.Wanneer die huurtydperk verstryk, kan die maatskappy dit teen afslag koop vir nog jare se gebruik.Xperien kry die meeste van die rekenaars wat hy opknap van topmaatskappye in Suider-Afrika. Nie alle produkte is geskik vir hergebruik nie, maar dan het dit steeds funksionele onderdele wat gebruik kan word.Van die grootste uitdagings wanneer elektroniese toerusting opgeknap word, is arbeidskoste, en om genoeg onderdele in die hande te kry.’n Belangrike deel van Xperien se werk is om te verseker dat kliënte se persoonlike inligting en intellektuele eiendom op die rekenaars beskerm word wanneer rekenaars opgeknap of uitmekaar gehaal word. – Netwerk24

Wêreld se tonne e-afval word nie herwin

Kommentaar

Republikein 2026-09-18

Meld asseblief aan om kommentaar te lewer

Wêreld se tonne e-afval word nie herwin

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.