Wêreld moet hoop Trump win kennis in
Die wêreld kan net hoop die aangewese Amerikaanse president verstaan die wetenskap van klimaatverandering, sê Ban Ki-moon, sekretaris-generaal van die Verenigde Nasies (VN).
As Donald Trump, wat Januarie as nuwe Amerikaanse president ingesweer word, nie die wetenskap van klimaatverandering verstaan nie, hoop Ban Ki-moon, sekretaris-generaal van die Verenigde Nasies (VN), dat hy kennis sal inwin en dat dit hom sal oorreed om sy volle gewig by die Parys-ooreenkoms in te gooi, het Ban gister in Marrakesj op die VN se 22ste klimaatberaad (COP22) gesê.
Ban sê hy het kort ná die Amerikaanse presidentsverkiesing met Trump gepraat oor onder meer sy standpunt oor klimaatverandering.
“Ná die gesprek was ek meer optimisties.”
Die klimaatgesprekke op COP22 word in groot mate oorheers deur Trump se onverskillige uitsprake oor klimaatverandering. Hy noem dit onder meer ''n “mite” of “klug” en het gedreig om Amerika te onttrek aan die klimaatraamwerk, wat 196 lidlande het.
Hy het ook reeds gesê hy gaan nie Amerika se “belastingdollars” gee aan die klimaatfonds wat ingevolge die Parys-ooreenkoms geskep is nie.
Hillary Clinton, Trump se teenstander, het onderneem om finansiële bydraes tot die Groen Klimaatfonds te maak. Die fonds is geskep om arm lande te help ontwikkel terwyl hulle na hernieubare energiebronne oorskakel.
Pres. Barack Obama van die VSA het die Parys-ooreenkoms vroeg in September saam met pres. Xi Jinping van China onderteken. Dié twee lande is saam vir 40% van die wêreld se kweekhuisgasvrystellings verantwoordelik.
Patricia Espinosa, uitvoerende sekretaris van die VN se raamwerkkonvensie oor klimaatverandering, het gesê 110 van die 196 lidlande het die Parys-ooreenkoms tot dusver onderteken. “Ons het ''n plig om toe te sien dat diegene wat die ooreenkoms bekragtig het, hul verpligtinge nakom. Daar is ''n duidelike raamwerk en duidelike doelwitte,” het sy gesê sonder om Trump by die naam te noem.
Ban het gesê Trump sal moet besef daar is markkragte aan die werk en dat baie uitvoerende hoofde van multinasionale maatskappye die Parys-ooreenkoms verwelkom. Húlle is reeds besig om na groen energiebronne oor te skakel, het hy gesê.
Hy het ook verwys na deelstate in Amerika, soos Kalifornië en Washington, wat onderneem het om hul koolstofuitlaatgasse te verminder. Trump sal ook rekening moet hou met die groot bewustheid van klimaatverandering in die burgerlike gemeenskap.
“Hierdie bewustheid en mobilisering op grondvlak was aanvanklik ondenkbaar, maar nou is dit onmoontlik om dit te stuit.”
Ban sê dit is sy laaste klimaatberaad. “Ek het baie gesien in die tyd dat ek by die VN gewerk het. Ek het oral gesien hoe klimaatverandering ons aarde beïnvloed.”
Hy sê hy hoop sy opvolger as sekretaris-generaal, António Guterres van Portugal, sal die Parys-ooreenkoms met passie toepas.
- Netwerk24
Ban sê hy het kort ná die Amerikaanse presidentsverkiesing met Trump gepraat oor onder meer sy standpunt oor klimaatverandering.
“Ná die gesprek was ek meer optimisties.”
Die klimaatgesprekke op COP22 word in groot mate oorheers deur Trump se onverskillige uitsprake oor klimaatverandering. Hy noem dit onder meer ''n “mite” of “klug” en het gedreig om Amerika te onttrek aan die klimaatraamwerk, wat 196 lidlande het.
Hy het ook reeds gesê hy gaan nie Amerika se “belastingdollars” gee aan die klimaatfonds wat ingevolge die Parys-ooreenkoms geskep is nie.
Hillary Clinton, Trump se teenstander, het onderneem om finansiële bydraes tot die Groen Klimaatfonds te maak. Die fonds is geskep om arm lande te help ontwikkel terwyl hulle na hernieubare energiebronne oorskakel.
Pres. Barack Obama van die VSA het die Parys-ooreenkoms vroeg in September saam met pres. Xi Jinping van China onderteken. Dié twee lande is saam vir 40% van die wêreld se kweekhuisgasvrystellings verantwoordelik.
Patricia Espinosa, uitvoerende sekretaris van die VN se raamwerkkonvensie oor klimaatverandering, het gesê 110 van die 196 lidlande het die Parys-ooreenkoms tot dusver onderteken. “Ons het ''n plig om toe te sien dat diegene wat die ooreenkoms bekragtig het, hul verpligtinge nakom. Daar is ''n duidelike raamwerk en duidelike doelwitte,” het sy gesê sonder om Trump by die naam te noem.
Ban het gesê Trump sal moet besef daar is markkragte aan die werk en dat baie uitvoerende hoofde van multinasionale maatskappye die Parys-ooreenkoms verwelkom. Húlle is reeds besig om na groen energiebronne oor te skakel, het hy gesê.
Hy het ook verwys na deelstate in Amerika, soos Kalifornië en Washington, wat onderneem het om hul koolstofuitlaatgasse te verminder. Trump sal ook rekening moet hou met die groot bewustheid van klimaatverandering in die burgerlike gemeenskap.
“Hierdie bewustheid en mobilisering op grondvlak was aanvanklik ondenkbaar, maar nou is dit onmoontlik om dit te stuit.”
Ban sê dit is sy laaste klimaatberaad. “Ek het baie gesien in die tyd dat ek by die VN gewerk het. Ek het oral gesien hoe klimaatverandering ons aarde beïnvloed.”
Hy sê hy hoop sy opvolger as sekretaris-generaal, António Guterres van Portugal, sal die Parys-ooreenkoms met passie toepas.
- Netwerk24
Kommentaar
Republikein
Geen kommentaar is op hierdie artikel gelaat nie