Wêreld by kruispad, sê Chinese president

Sarel Van Der WaltDie huidige wêreldorde is nie perfek nie, maar dit kan nie sommer weggegooi of afgetakel word nie, het pres. Xi Jinpin van China Woensdagmiddag op die 10de Brics-beraad in Johannesburg gesê.Handeloorloë is volgens hom onaanvaarbaar omdat daar geen wenners in só ’n oorlog is nie.Daar is tans groot spanning tussen die Chinese en die Amerikaners oor handelstariewe. Dit vind wêreldwyd weerklank.Xi, wat voor die Brics-beraad op ’n staatsbesoek in Suid-Afrika was, sê die internasionale gemeenskap is opnuut by ’n kruispad.Oor die volgende tien jaar sal daar ’n groot hervorming wees van die manier waarop die wêreld regeer word.Die Chinese president het gepraat kort nadat pres. Cyril Ramaphosa die hoofspreker was op die Brics-besigheidsforum in die Sandtonse konferensiesentrum.Xi het gesê dit is belangrik dat die Brics-groepering, wat uit Brasilië, Rusland, Indië, China en Suid-Afrika bestaan, multilaterlisme en multilaterale reëls moet handhaaf. Hulle moet ook alle lande as gelykes beskou – ondanks hul grootte.Unilateralisme en proteksionisme moet volgens hom verwerp word.Die Chinese president het gesê die Brics-lande moet hulle beywer vir ’n oop wêreldekonomie.VOORDELIG VIR ALMALAs groep moet Brics die leiding neem om die wêreldekonomie te stuur op só ’n wyse dat almal daaruit voordeel trek.Daar is volgens Xi tans te veel van ’n gaping tussen die ontwikkelde lande, die ontwikkelende en die ontluikende lande.“Die kollektiewe opkoms van die ontluikende markte is onstuitbaar.”Dié lande dra reeds 80% van wêreldwye ekonomie groei by. Dit sal uiteindelik daartoe bydra dat wêreldvrede ’n werklikheid word.Brics moet die geleentheid gebruik om ontwikkelingsgeleenthede in dié lande aan te gryp.Afrika het byvoorbeeld die meeste ontwikkelende lande van al die vastelande.Dit is ook die vasteland met die meeste ontwikkelingspotensiaal, het die Chinese president gesê.“Die menings van ontluikende en ontwikkelende lande is belangrik en daar moet na hul bekommernisse geluister word. Dit is ook belangrik dat Brics-lande almal as gelykes moet behandel,” het Xi gesê.Lande wat wil ontwikkel, moet wetenskaplike en tegnologiese ontwikkeling aangryp.China self sal aanhou ontwikkel, maar sy deure is wawyd oop om met ander lande sake te doen en hulle te help om hul potensiaal te bereik.Hy sal ’n meer beleggingsvriendelike omgewing skep wat voldoen aan die internasionale standaard.“China sal ook al hoe meer begin invoer,” het Xi gesê.GOUE DEKADEHy sê hy glo Brics se tweede dekade sal ’n goue dekade wees. Daarom is hy bly die huidige beraad vind plaas in Johannesburg, “die stad van goud”.Xi het vyf jaar gelede ook die Brics-beraad in Durban bygewoon. “Dit was kort ná my verkiesing en my eerste internasionale beraad as president.”Ramaphosa het in sy kort toespraak gesê Suid-Afrika is gereed om met sy Brics-vennote saam te werk om die sogenaamde vierde industriële revolusie moontlik te maak. Suid-Afrika diversifiseer sy ekonomie en omarm nuwe tegnologieë.Die president het ’n beroep op die Brics-sakeforum gedoen om in sy gesprekke tydens die beraad te fokus op die ontwikkeling van Afrika.Daar is baie moontlikhede vir Brics-lande om op dié vasteland te belê.Die forum moet ook aandag gee aan die voordele van globalisering én die uitdagings wat dit inhou.Die Suid-Afrikaanse president glo die onderhandelinge sal help om handel tussen die Brics-lande in die toekoms nog verder te groei.Die beraad duur tot vanmiddag. – Netwerk24

Wêreld by kruispad, sê Chinese president

Kommentaar

Republikein 2025-11-04

Meld asseblief aan om kommentaar te lewer

Wêreld by kruispad, sê Chinese president

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.