Woolworths en Kie. se aandeelpryse sukkel

Nellie Brand-Jonker - Kleinhandelaandele het Woensdag vir die eerste keer die afgelope week weer gestyg, maar talle van die groot klerewinkelgroepe se aandeelpryse is die afgelope week skerp laer.Bloomberg berig die JSE se indeks vir algemene kleinhandelaars het vir ses dae agtereenvolgens gedaal te midde van swak groeivooruitsigte vir die ekonomie wat twyfel laat ontstaan oor verbruikers se vermoë om nog geld te bestee. Dit is die afgelope ses maande die meeste dae dat die indeks agtereenvolgens gedaal het.Die indeks het Woensdag weer effens geklim met 0,3% tot 7 403 indekspunte. Dit is egter steeds 7% laer as ’n week gelede toe dit op 7 977 indekspunte was.Die indeks is saamgestel uit Woolworths, Truworths, Mr Price, The Foschini Group, Massmart, Italtile, Cashbuild, Lewis en Holdsport.Curro en Advtech is ook ingesluit, maar hulle is nie kleinhandelaars nie – albei is private onderrigmaatskappye.Die baie swak BBP-syfers vir die eerste kwartaal wat verlede Woensdag uitgereik is, het getoon die ekonomie het skerp gekrimp. Dit het beleggers geskok en baie ekonome het nie die daling verwag nie.Statistieke Suid-Afrika se kleinhandelverkoopsyfers vir April wat Woensdag uitgereik is, het weer teleurgestel.Kevin Lings, hoofekonoom van Stanlib, sê kleinhandelverkope gaan vir die res van 2016 onder druk bly.In die drie maande van Februarie tot April het kleinhandelverkope met -0,5% kwartaal tot kwartaal gedaal. “Hoewel dit nie ’n drastiese daling is nie, is die sektor stelselmatig besig om nader aan ’n resessie te beweeg,” sê Lings.Kleinhandelverkope het in April jaar op jaar tot 1,5%. Volgens hom is dit heelwat onder die markverwagting verlangsaam.ArbeidsmarkLings sê die belangrikste faktor wat gaan bepaal of die kleinhandelsektor ’n resessie gaan beleef, is die arbeidsmark. As wydverspreide afdankings plaasvind, gaan verbruikersbesteding waarskynlik in ’n resessie gedompel word.Woensdag het Foschini, Mr Price en Massmart gehelp dat die indeks vir algemene kleinhandelaars effens gestyg het toe hul aandeelpryse sterk geklim het terwyl Truworths s’n weer gedaal het.Al die kleinhandelaars se aandeelpryse is egter nog baie laer as ’n week gelede. So het die aandeelpryse Woensdag gelyk:Foschini het met 2,2% tot R138,91 gestyg. Sy aandeelprys is egter steeds 7% laer as ’n week gelede. ’n Jaar gelede was sy aandeelprys op R147,41.Mr Price se aandeelprys het met 1,7% gestyg tot R197,40. Sy aandeelprys is 5% laer as ’n week gelede. ’n Jaar gelede was sy aandeelprys op R234,84.Massmart se aandeelprys het ook met 1,7% tot R119 gestyg. Sy aandeelprys is 7% laer as verlede Woensdag. Sy aandeelprys was ’n jaar gelede op R143,85.Truworths het weer skerp gedaal met 2,2% tot R88,80. Sy aandeelprys is amper 8% laer as verlede Woensdag. ’n Jaar gelede was sy aandeelprys R79.Woolworths se aandeelprys het met 0,3% gestyg tot R79,60. Dit is 5% laer as ’n week gelede. Sy aandeelprys was ’n jaar gelede op R90,77.Adrian Cloete, ’n portefeuljebestuurder van PSG Wealth in Kaapstad, sê die aandeelpryse is die afgelope week deur Suid-Afrikaanse faktore soos die lae BBP-syfers afgedruk, maar ook deur die internasionale verwikkelinge oor die Brexit (die moontlikheid dat Brittanje die Europese Unie gaan verlaat), wat groot onsekerheid in wêreldmarkte veroorsaak en die algehele mark afwaarts laat beweeg het.Cloete sê die kleinhandelsyfers was teleurstellend, maar die mark is Woensdag grootliks deur ander faktore gedryf.“Die meer positiewe gevoel Woensdag op wêreldmarkte was waarskynlik omdat markte te veel afverkoop was en op kort termyn het van die aandele gestyg.“As buitelandse portefeuljebestuurders so positief voel soos vandag, koop hulle meer opkomende markte en aandele soos Mr Price, Massmart, Foschini en Shoprite.”- Netwerk24

Woolworths en Kie. se aandeelpryse sukkel

Kommentaar

Republikein 2025-12-16

Meld asseblief aan om kommentaar te lewer

Woolworths en Kie. se aandeelpryse sukkel

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.