Wonderwerk dat almal leef na viegtuig in Mexiko val

Passasiers aan boord van ’n Aeroméxico-vliegtuig het wonderbaarlik oorleef toe hul vliegtuig Dinsdag in gure weer neergestort het kort nadat dit in Durango in die noorde van Mexiko opgestyg het.Owerhede sê dat die meeste beserings nie ernstig was nie en dat daar geen sterftes aangemeld is nie.Die vlug was amper vol met 103 mense, insluitend twee babas en vier bemanningslede, aan boord toe dit omstreeks 16:00 plaaslike tyd (omstreeks 23:00 in Suid-Afrika), onderweg na Mexikostad in die suide neergestort het.Passasiers en bemanningslede het by die vliegtuigwrak uitgespring voordat die vliegtuig in vlamme opgegaan het.Jackeline Flores, ’n passasier, het aan verslaggewers gesê die vliegtuig het in swaar reën neergestort en dat sy en haar dogter by ’n gat in die romp van die vliegtuig ontsnap het wat vol rook en vlamme was.“’n Klein dogtertjie wat die vliegtuig verlaat het, het gehuil omdat haar bene in die vlamme gebrand het,” sê Flores.Sy sê haar paspoort en dokumente het in die vuur verbrand.“Maar ek voel geseënd en dankbaar teenoor God,” sê sy oor die feit dat hulle oorleef het.Televisiebeelde het die ernstig beskadigde wrak van die vliegtuig gewys.Luis Gerardo Fonseca, hoof van Mexiko se burgerlugvaartowerheid, sê dit kan maande neem om die oorsaak van die ongeluk te bepaal.Amerika sal ook twee deskundiges stuur om die Mexikaanse ondersoekspan te help. – Netwerk24/Reuters

Wonderwerk dat almal leef na viegtuig in Mexiko val

Kommentaar

Republikein 2025-04-30

Meld asseblief aan om kommentaar te lewer

Wonderwerk dat almal leef na viegtuig in Mexiko val

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie