'Woestynpsalm' nou in pylvak

18 June 2021 | Byvoegsels
Bosman Films, 'n jong produksiemaatskappy in die Namibiese filmbedryf, het opgewonde aangekondig dat produksie vir hulle eerste film, Woestynpsalm, onlangs afgehandel is.

Woestynpsalm is 'n vollengte Afrikaanse fliek wat in Namibië afspeel. Die 22-jarige Namibiese filmmaker Ben van der Walt is die skrywer en regisseur van dié rolprent, wat losweg op 'n ware verhaal baseer is.

Dit vertel die storie van Nadia, 'n jong vrouedominee wat onder toenemende druk van vriende en kollegas geplaas word om haar lewenspad as 'n geloofsleier te heroorweeg en eerder 'n meer tradisionele rol in die gemeenskap aan te neem.

Ná 'n intensiewe finansieringsveldtog om die kostes van hierdie onafhanklike fliek te dek, het produksie vir Woestynpsalm uiteindelik op 26 April vanjaar begin.

The filmspan het onder die leiding van Van der Walt en twee van sy medestudente – Rex Sang (21), die kinematograaf van die VSA, en Anna Lee (20), die vervaardiger uit Nederland – gewerk. Die trio het in 2018 as eerstejaar-filmstudente aan die Kanbar Instituut vir Film en Televisie van New York Universiteit se vooraanstaande Tisch Skool vir Kunste ontmoet.



Plaaslike talent

Voor die kameras het 'n plaaslike rolverdelingspan hul toneelspeltalent ten toon gestel. Die hoofkarakter, Nadia Bosman, word deur die Namibiese aktrise en skoonheidskoningin Andeline Wieland (25) vertolk. Saam met haar sal welbekende Namibiese gesigte soos Pieter Greeff en Benjamin Smith op die grootskerm pronk.

Verfilming het hoofsaaklik in Windhoek, Solitaire, op die Spreetshoogte-pas en langs vele skilderagtige Namibiese paaie plaasgevind.

“Produksie was nog meer uitputtend as wat ons ons voorgestel het,” vertel vervaardiger Anna Lee.

“Ons het ongelooflik baie materiaal gehad om op te neem en skrikwekkend min tyd om dit te doen. Tydens die eerste 17 dae van produksie het ons kameras omtrent sonder ophou gerol.”

Van der Walt brei uit: “Produksie was nie maklik nie, maar dit sou geheel en al onmoontlik gewees het sonder die steun van vriende en familie, die publiek, die Namibiese media en ons ongelooflike fliekvennote – Netwerk Namibië, Gondwana Collection en die Nictus-groep. Julle steun het ons gedra – nie net finansieel nie, maar ook op 'n kreatiewe front.”

Lee beaam: “Ek is baie dankbaar vir die vriendelikheid van mense, hetsy vriend of vreemdeling, wat vir ons met die verloop van hierdie projek ondersteuning en hulp gebied het – deur as ekstras te dien, rekwisiete, kos en selfs hul huise as verfilmingsvenues aan te bied. Aanvanklik was ek nie met die Namibiese manier van doen vertroud nie, maar ek het vinnig agtergekom hoe onselfsugtig die mense hier is. Vir Woestynpsalm het dit die wêreld se verskil gemaak.”

Produksie vir Woestynpsalm het op 29 Mei amptelik tot 'n einde gekom.

Rex, die kinematograaf, sê ten slotte: “Ons het 'n lang pad gestap sedert die pre-produksieproses afgeskop het. Ten spyte van ons klein span dink ek ons het die meeste van ons doelwitte vir Woestynpsalm bereik.

“Dit is onnodig om te sê, maar ek is ongelooflik trots op almal wat deel van die proses was en baie opgewonde om met die volgende fase van die proses te begin: Post-produksie, waar ons al die rou opgeneemde materiaal sorgvuldig aanmekaar sal stik om ons finale produk voort te bring.”

Woestynpsalm se première en vrystelling word vir Oktober beplan. Presiese datums sal nog aangekondig word. Hou die film se Facebook- en Instagram-blaaie dop om op hoogte te bly van die nuutste verwikkelinge.



ROLVERDELING

• Nadia – Andeline Wieland

• Petrus – Simon Andreas

• Armand – Willem Dykema

• Hensen – Benjamin Smith

• Nico – Kris Barnard

• Anton – Leon Janse van Rensburg

• Pieter - Pieter Greeff

Soortgelyk

 

70 sterftes, 1 193 gevalle

6 ure gelede | Gesondheid

Die ministerie van gesondheid en maatskaplike dienste het 70 Covid-sterftes bekendgemaak waarvan 36 in Junie was. Windhoek het 26 aangeteken, gevolg deur 12 in Rundu,...

Zuma op Escourt in aanhouding ná nagtelike oorgawe

22 ure gelede | Afrika

Oudpresident Jacob Zuma het hom Woensdagaand aan die polisie oorgegee om sy 15 maande tronkstraf wat hom weens minagting van die hof opgelê is, uit...

Lugreus bring noodvoorraad

22 ure gelede | Internasionaal

Ronelle Rademeyer – ’n Antanov AN-255, met vlugnommer ADB566F, sal na verwagting om 13:00 vandag by die Internasionale Lughawe Hosea Kutako neerstryk met die eerste...

Waninligting oor entstowwe strafbaar

22 ure gelede | Gesondheid

Henriette Lamprecht – Enige geregistreerde gesondheidspraktisyn wat bevind word dat hy of sy verkeerde inligting oor Covid-19, die entstowwe en terapie oordra, sal vir onprofessionele...

Weer vir 8 Julie 2021

22 ure gelede | Weer

BINNELAND: Aanvanklik koud, maar andersins gedeeltelik bewolk en matig tot warm in die //Kharasstreek met enkele buie. Elders sonnig tot warm. Koue toestande sal intree...

Entveldtog verloor stoom

22 ure gelede | Gesondheid

Dani Booysen – Beskikbare immuniseringsdata vir Namibië wat moet toon hoe die stryd teen Covid-19 vorder, wys tweede inentings word steeds gedoen ondanks die opdrag...

Kerina ter ruste gelê in hoofstad

22 ure gelede | Gemeenskap

Augetto Graig – Prof. Mburumba Kerina is gister in die Khomasdal-begraafplaas in die hoofstad begrawe. Die man wat Namibië sy naam gegee het, is saam...

Troeteldiere stroom nie in by DBV's

22 ure gelede | Gemeenskap

Tanja Bause – Sedert die begin van die Covid-19-pandemie is daar nie 'n toename in honde wat landswyd by dierebeskermingsverenigings (DBV's) afgelaai word nie. Me....

Wie is Delta?

22 ure gelede | Gesondheid

Henriette Lamprecht – Die hoogs aansteeklike Delta-variant wat in weefselmonsters van bevestigde Covid-19-gevalle in die Khomasstreek gevind is, is in Mei as ’n “kommerwekkende variant”...