Witvlei-abattoir: Voorsitter wil praat

Ogone Tlhage - Witvlei Meat se voorsitter, mnr. Sydney Martin, bevraagteken Agribank se uitsetting van sy maatskappy by die Witvlei-abattoir. Hy sê die feit dat dit gesluit is, strek tot beide partye se nadeel, asook boere en die ekonomie s’n. Martin sê in plaas van nog ’n uitgerekte hofstryd oor die toekomstige eienaarskap van die geriewe, sal dit die beste vir beide partye wees om ’n vriendskaplike oplossing vir die sluiting te vind. Hoërhofregter Herman Oosthuizen by die Windhoekse hoërhof het verlede Vrydag beveel dat Witvlei Meat by die abattoir uitgesit word.Martin bevraagteken waarom die abattoir van Witvlei Meat af weggeneem is. “Hoekom het Agribank die Witvlei-abattoir gevat? Wat was die rede agter die uitsetting van Witvlei Meat? Die regering sê vir ons om te belê en werksgeleenthede te skep,” sê Martin.Volgens Martin het Witvlei Meat aan al die voorwaardes voldoen om die abattoir by Agribank te koop. “Waarborge is verskaf om die abattoir te koop. Ons het voëltjies hoor fluit hulle wou ’n bankwaarborg hê,” sê Martin. “Die waarborg is verskaf. Wat is die regte rede waarom dit nie aanvaar is nie?” wil Martin weet. Volgens hom weet net Agribank waarom hulle Witvlei Meat wou uitsit.Volgens Martin het die sluiting ook ’n impak op die hele landboubedryf, wat werksverliese en ’n verlies aan sleuteluitvoermarkte veroorsaak.Wat sake vererger, is dat boere hieronder ly omdat net een ander abattoir tans in bedryf is.Volgens Martin is die enigste oplossing dat beide partye die kwessie vriendskaplik, buite die hof, oplos.Hy sê die ander opsie vir Witvlei Meat is om teen Vrydag se uitspraak te appelleer – wat sal veroorsaak dat die abattoir nog langer gesluit bly, waarteen Martin gekant is. “Die sluiting maak nie sin nie. Witvlei is goed geplaas en daar is infrastruktuur wat tans nie gebruik word nie,” sê Martin. Volgens aktuariële oorsigte oor die impak van die abattoir gedoen is, is bereken was in 2015 reeds N$59 miljoen, sê Martin.“In 2019 sal dit sowat N$80 miljoen of N$90 miljoen wees,” sê hy.“As leiers van die land moet ons om ’n tafel sit. Ons sal voorleggings doen gee en hulle kan voorstelle maak. Die kwessies kon al lankal opgelos wees. Baie van die kwessies kan buite die howe opgelos word. Ons moet net op ’n tydraamwerk besluit om dit te hanteer,” sê hy. “Ons moet koppe bymekaar sit; tog baklei ons teen mekaar.” Intussen het die uitvoerende hoof van Agribank, mnr. Sakaria Nghikembua, gesê daar is belangstelling van ander partye in die Witvlei-abattoir. “Die belangstelling is groot. Ons moet egter ’n duidelike en deursigtige, oop bodproses in die toekoms vol,” het Ngikembua gesê.

Witvlei-abattoir: Voorsitter wil praat

Kommentaar

Republikein 2025-07-17

Meld asseblief aan om kommentaar te lewer

Witvlei-abattoir: Voorsitter wil praat

Kommentaar

Republikein 2025-07-17

Meld asseblief aan om kommentaar te lewer

MELD AAN

Advertensie