Witsjokolade-en-springmieliewafels met roomys

Die Belge sit suikerklontjies in hul wafels wat smelt wanneer hulle dit braai. Dieselfde gebeur met die springmielies met die karamelkors wat in dié resep gebruik word. Die meeste elektroniese winkels en groot supermarkte het wafelmasjiene.

Bestanddele

210 g (375 ml) koekmeel

5 ml sout

50 g (60 ml) strooisuiker

15 ml bakpoeier

2 eiers

250 ml melk

20 g (20 ml) gesmelte botter

1 x 100 g-plak witsjokolade, fyngekap

1 x 50 g-sakkie karamelspringmielies

1 liter roomys vir voorsithand vol gesoute springmielies

250 ml gekoopte witsjokoladesous

Metode

Sif koekmeel, sout, suiker en bakpoeier saam. Voeg eiers, melk en botter by. Roer met ’n draadklitser tot glad. Voeg sjokolade en karamelspringmielies by en meng deur. Verhit ’n wafelpan en spuit goed met kleefwerende kossproei. Skep lepels vol beslag in die pan en braai tot goudbruin en gaar, sowat 5 minute. Plaas warm wafels op ’n opdienbord en skep ’n bal roomys daarop. Sprinkel gesoute springmielies oor en sit voor met sjokoladesous.

WENK Verhit oond tot 100 °C en plaas wafels wat klaar gebak het direk op die oond se rak om warm te bly terwyl jy die res bak - Netwerk24