Wit Hingste beplan vir jaarvergadering

Die rugbyklub FNB Wanderers se jaarvergadering sal op Dinsdag 22 November om 18:00 by die klubhuis in Pionierspark gehou word.Alle lede van die rugbyklub is welkom om teenwoordig te wees. ''n Nuwe bestuurspan vir die komende seisoen sal daar verkies word.Die voorsitter, mnr. Flip Louw, sê voornemende spelers wat by die klub wil aansluit, kan óf vir hom (sel. 081 129 5535) of die hoofafrigter JP Nel (081 472 2323) skakel om besonderhede te kry van die Wit Hingste se voorseisoen oefenprogram wat binnekort begin.• Die klub se “Curriebeker”-finaal vir seuns onder 11 is onlangs afgehandel met die FNB Wanderers Bulle wat ná ''n klipharde wedstryd die FNB Wanderers WP met 12-7 geklop het. Puntemakers vir die Bulle was die kaptein Ben Burger met ''n drie en doelskop en Jandre van Zyl met ''n drie. Die WP se enigste drie is deur Charl Marais gedruk en deur Van der Merwe Tromp verdoel.Die afrigters was dit eens dat dit een van die hardste wedstryde hierdie jaar in skolerugby vir seuns onder 11 was. Hope jong talent het vorendag gekom.Die WP se bestuurder, Jaco Kotze van Lana Dry Cleaners, het laat weet die WP gaan volgende jaar deeglik voorberei. Sy hulpafrigter, Rudie van Vuuren, sê sulke kragmetings is tot voordeel van Namibiese rugby en dat jong talent deur sulke toernooie aangewakker word.Die Hochland Tractor Cheetahs en die FNB Wanderers Lions was die ander twee spanne wat in die semifinaal uitgeskakel is.Die klub bedank ook vir Namibia Breweries, FNB Namibia, Plastic Packaging, Weber Braaiers, Outdoor Namibia, Distell, Mello Bakery, Nightflyer, Hochland Tractor, Hyundai Namibia en Lana Dry Cleaners.

Wit Hingste beplan vir jaarvergadering

Kommentaar

Republikein 2025-11-05

Meld asseblief aan om kommentaar te lewer

Wit Hingste beplan vir jaarvergadering

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.