Winkelreus: Werkers smaak oorwinning

Dissiplinêre proses laat vaar

13 August 2018 | Arbeid
Augetto Graig - Shoprite Namibia het Woensdag aangekondig die uitgerekte dissiplinêre proses teen hul werknemers, wat in 2015 gestaak het, is iets van die verlede.

Mnr. Paul Malan, die winkelgroep se afdelingsbestuurder vir Namibië, het dié nuus skriftelik aan mnr. Job Muniaro, sekretaris-generaal van die Nasionale Unie vir Namibiese Werkers (NUNW), oorgedra.

Malan het gesê werknemers van Shoprite-winkels in Katutura, Lafrenz, Onafhanklikheidsrylaan in die middestad, Checkers in Academia en Checkers in Maerua Mall, wat by die stakings betrokke was, moet egter finale skriftelike waarskuwings aanvaar.

“Indien dié voorstel aanvaar word, sal die dissiplinêre verhore stopgesit word,” het hy geskryf.

Malan het ook gesê Shoprite het in 2016 reeds hierdie aanbod gemaak.

Maar die menseregteprokureur me. Uno Katjipuka sê hierdie aanbod is nie voorheen gemaak nie.

Haar firma behoort aan mnr. Nixon Marcus, leier van die Sentrum vir die Mense se Weerstand (CPR), wat dié verwikkeling as ’n oorwinning teen die reuse- Suid-Afrikaanse kettingwinkel beskryf het.

“Shoprite se werkers en die nasionale en internasionale arbeidsbeweging het vandag nog ’n belangrike oorwinning teen Shoprite behaal,” lees ’n nuusverklaring wat die sentrum uitgereik het.

“Slegs ’n paar dae ná die onttrekking van die hofsaak teen die werkers, en te midde onophoudelike druk, is Shoprite gedwing om hul dissiplinêre proses teen die werkers te staak,” lui die verklaring.

Shoprite was van plan om 93 werkers vir meer as N$4,5 miljoen se vergoeding vir skade, ’n verlies aan wins, en hul regskoste te dagvaar.

Dié eis is vroeër vandeesmaand laat vaar.

Volgens Marcus en die CPR sal die betrokke werkers die finale waarskuwings aanvaar om sodoende die dissiplinêre proses agter die rug te kry.

Dié proses was nie in die werkers óf Shoprite se beste belang nie, het Marcus gesê.

“Die werkers wil op die hoofredes vir 2015 se protesaksie fokus: Die verbetering van hul werksomstandighede, insluitend vergoeding en voordele, sodat hulle hul families kan ondersteun en goed kan leef. Dít is wat Shoprite voortdurend van hulle ontneem,” lees die verklaring.

Katjipuka het gesê Shoprite sal na verwagting vroeg volgende week met ’n plaaslike vakbond vergader om oor ’n erkenningsooreenkoms te onderhandel, wat uiteindelik tot onderhandelinge oor vergoeding, werksomstandighede en ander kwessies kan lei.

Soortgelyk

 

Verklaar raad nietig, sê Itula

16 ure gelede | Politiek

Henriette Lamprecht - Dr. Panduleni Itula, tandarts van beroep en onafhanklike presidentskandidaat in die pas afgelope verkiesings, wil hê die aanstelling van nuwe lede van...

Makalani’s se voete in die water

16 ure gelede | In beeld

Die Namibiese weerkantoor het gister wéér ’n weerwaak vir wydverspreide donderstorms uitgereik, wat na verwagting in die Ohangwena-, Otjozondjupa-, Khomas- en Omahekestreek sal voorkom. Daar...

Opposisie, Itula gaan hof toe oor verkiesings

16 ure gelede | Politiek

Denver Kisting – Die amptelike opposisie, die Popular Democratic Movement (PDM), het gister by monde van sy leier, mnr. McHenry Venaani, gesê hulle gaan ook...

Noa kap na ‘leunstoel-kritici’

16 ure gelede | Misdaad

Ronelle Rademeyer - Die Teenkorrupsiekommissie (ACC) se uitvoerende direkteur, mnr. Paulus Noa, het teruggekap na wat hy “leunstoel-kritici” noem en sê pleks dat hulle dié...

STEMFEITE: OSHANA

16 ure gelede | Politiek

Die infografiek lig Ondangwa se verkiesingsuitslae uit. In 2014 het Swapo 86% van alle stemme in die kiesafdeling gewen.

Weer vir 5 Desember 2019

16 ure gelede | Weer

WEERWAAK: Donderstorms van 50 mm en meer oor 24 uur kan kitsvloede in Ohangwena, Otjozondjupa, Khomas en Omaheke veroorsaak.BINNELAND: Gedeeltelik bewolk en baie warm...

PDM steek skadukabinet aan die werk

16 ure gelede | Politiek

Denver Kisting – Mnr. McHenry Venaani, leier van die amptelike opposisie, die Popular Democratic Movement (PDM), het gister die party se skadukabinet aangekondig.Volgens hom gaan...

Vervoerpionier se roudiens Saterdag

16 ure gelede | Mense

Francoise Steynberg - Die roudiens van ’n pionier en legende in die Namibiese vervoer- en toerismebedryf, wyle mnr. Willie du Toit (68), vind Saterdag om...

Bank Windhoek sorg vir top- kusvermaak

16 ure gelede | Gebeure

Bank Windhoek is die gasheer van die jaarlikse Summer ­Festival tydens die vakansieseisoen aan die kus. Die fees skop môre af en duur tot 21...