Winkel in puin gelê ná brand
Magic Discounters op Walvisbaai het vroeg gisteroggend afgebrand.
Leandrea Louw op Walvisbaai – Magic Discounters se tak op Walvisbaai is gisteroggend heeltemal in 'n brand vernietig.
Die koste van die skade beloop na raming meer as N$1 miljoen.
Volgens die beskikbare inligting het die brand omstreeks 06:30 ontstaan en is dit omstreeks 10:30 onder beheer gebring.
Lede van die Walvisbaai-brandweer kon met die hulp van die Swakopmundse brandweer- en reddingsdienste, die Namibië Lughawensmaatskappy (NAC) sowel as die nooddienspersoneel van die Namibiese haweowerheid (Namport) die vlamme beveg en uiteindelik onder bedwang bring.
Duisende liters water is gebruik om die vlamme onder beheer te bring.
Die brandbestryders het maniere bedink om die brand vanuit die omliggende geboue te bestry.
Een brandbestryder op die toneel het gesê hulle kon nie die kans waag om die gebou binne te gaan nie, aangesien daar gewere, ammunisie en chemikalieë binne was.
Terwyl die vlamme gewoed het, het 'n onderonsie tussen die bestuurder van Magic Discounters en sy seun, mnre. Martin en Giandre Cordier, en die polisiebeamptes op die toneel ontstaan.
Wat presies tussen die betrokke partye gebeur het, is onduidelik, maar die twee mans is in hegtenis geneem.
Terwyl lede van die publiek op die polisie geskree het om die twee mans te laat gaan, het werknemers en familielede in ongeloof toegekyk hoe die duo in 'n polisievangwa gelaai word.
Die polisie se bevelvoerder van gemeenskapsake in die Erongostreek, insp. Ileni Shapumba, wat ook op die toneel was, het gesê die voorval word ondersoek.
Nie een van die omliggende besighede is deur die brand geraak nie.
Me. Ronel Wasserfall van Wasserfall Funeral Services het gesê die brand het geen skade aan hul eiendom aangerig nie.
“Ek moet sê die gemeenskap van Walvisbaai is wonderlik. Hulle het my gehelp en binne 15 minute het al my kantoormeubels buite, oorkant die straat, gestaan. Ek is baie dankbaar.”
Ná die brand geblus is, het die omliggende besighede die groen lig gekry om te heropen.
Raadslid Deriou Benson het gesê baie maatskappye is afhanklik van Magic Discounters.
“Dit is 'n groot verlies, veral ook aan werksgeleenthede.”
Volgens Shapumba is die oorsaak van die brand nog onbekend.
“Ons ondersoek die voorval en enige vordering sal later gekommunikeer word.”
– [email protected]
FOTO
Die bestuurder van Magic Discounters, mnr. Martin Cordier, en sy seun word op die brandtoneel in hegtenis geneem. Foto’s Leandrea Louw
Brandbestryders bring die vlamme onder bedwang.
Die koste van die skade beloop na raming meer as N$1 miljoen.
Volgens die beskikbare inligting het die brand omstreeks 06:30 ontstaan en is dit omstreeks 10:30 onder beheer gebring.
Lede van die Walvisbaai-brandweer kon met die hulp van die Swakopmundse brandweer- en reddingsdienste, die Namibië Lughawensmaatskappy (NAC) sowel as die nooddienspersoneel van die Namibiese haweowerheid (Namport) die vlamme beveg en uiteindelik onder bedwang bring.
Duisende liters water is gebruik om die vlamme onder beheer te bring.
Die brandbestryders het maniere bedink om die brand vanuit die omliggende geboue te bestry.
Een brandbestryder op die toneel het gesê hulle kon nie die kans waag om die gebou binne te gaan nie, aangesien daar gewere, ammunisie en chemikalieë binne was.
Terwyl die vlamme gewoed het, het 'n onderonsie tussen die bestuurder van Magic Discounters en sy seun, mnre. Martin en Giandre Cordier, en die polisiebeamptes op die toneel ontstaan.
Wat presies tussen die betrokke partye gebeur het, is onduidelik, maar die twee mans is in hegtenis geneem.
Terwyl lede van die publiek op die polisie geskree het om die twee mans te laat gaan, het werknemers en familielede in ongeloof toegekyk hoe die duo in 'n polisievangwa gelaai word.
Die polisie se bevelvoerder van gemeenskapsake in die Erongostreek, insp. Ileni Shapumba, wat ook op die toneel was, het gesê die voorval word ondersoek.
Nie een van die omliggende besighede is deur die brand geraak nie.
Me. Ronel Wasserfall van Wasserfall Funeral Services het gesê die brand het geen skade aan hul eiendom aangerig nie.
“Ek moet sê die gemeenskap van Walvisbaai is wonderlik. Hulle het my gehelp en binne 15 minute het al my kantoormeubels buite, oorkant die straat, gestaan. Ek is baie dankbaar.”
Ná die brand geblus is, het die omliggende besighede die groen lig gekry om te heropen.
Raadslid Deriou Benson het gesê baie maatskappye is afhanklik van Magic Discounters.
“Dit is 'n groot verlies, veral ook aan werksgeleenthede.”
Volgens Shapumba is die oorsaak van die brand nog onbekend.
“Ons ondersoek die voorval en enige vordering sal later gekommunikeer word.”
– [email protected]
FOTO
Die bestuurder van Magic Discounters, mnr. Martin Cordier, en sy seun word op die brandtoneel in hegtenis geneem. Foto’s Leandrea Louw
Brandbestryders bring die vlamme onder bedwang.
Kommentaar
Republikein
Geen kommentaar is op hierdie artikel gelaat nie