Windhoek se water hou dalk tot 2020
Indien genoeg water bespaar kan word, goed beplan word en spanwerk tussen verskeie agentskappe en watergebruikers is, kan tyd ‘gekoop’ word voor sentrale damme leegloop.
Jana-Mari Smith – Watertoevoer na Windhoek en die res van Sentraal-Namibië kan teoreties tot 2020 verseker word - mits sekere maatreëls doeltreffend toegepas word.
Dít volgens ’n driejaarplan wat deur kenners by NamWater opgestel is.
Tydens ’n vergadering oor watersekerheid vir Sentraal-Namibië wat verlede week Woensdag deur die Namibië Wetenskaplike Vereniging aangebied is, het ’n voorlegging deur NamWater aangedui sentrale dele van die land mag dalk genoeg water hê om drie reënseisoene tot 2020 te oorbrug - mits die vooruitgeskatte vraag na water nie oorskry word nie en verskeie planne toegepas word.
Dié driejaarplan is tans nog net op papier en daar moet eers aan verskeie vereistes voldoen word voor dit haalbaar sal wees, is aan Republikein se susterkoerant Namibian Sun gesê.
Die voorlegging het op die huidige status van waterbronne in sentrale gebiede, asook kort- en langtermynplanne gefokus.
NamWater is besig met ’n vooraf-uitvoerbaarheidstudie om 29 potensiële nuwe waterbronne te evalueer wat moontlik gebruik kan word tot ’n nuwe groot bron van water ontwikkel kan word.
Die Swakoppoortdam is tans 45% vol, vergeleke met 7,2% dié tyd verlede jaar. Volgens die jongste damverslag staan die Von Bachdam op 68,1% vergeleke met 14,1% verlede jaar.
Die gemiddelde totaal van die drie sentrale damme, insluitende die Omatakodam, is tans 41,2% vergeleke met 7,4% verlede jaar.
Die voorgestelde driejaarplan vir watersekerheid dui aan dat selfs in die ergste omstandighede, waar geen water die damme tot die einde van April 2020 binnevloei nie, kan die Von Bachdam as ’n voldoende bron dien tot Mei 2020, en die Swakoppoortdam tot April 2020.
NamWater het beklemtoon die driejaarplan is afhanklik van verskeie faktore wat insluit die spaarsamige gebruik van water, beplanning, waarneming en spanwerk tussen verskeie agentskappe, asook samewerking tussen alle watergebruikers.
Een van die vereistes is dat die watertoevoer van die Berg-Aukas- en Kombatmyn, asook die Karst-boorgate, teen Mei 2018 in volle swang moet wees.
Die plan is ontwerp met die oog op die hervulling en onttrekking van water uit die Windhoek-akwifer. Die akwifer word tans deur Windhoek se munisipaliteit bestuur. Omdat die akwifer egter nog nie onderwerp is aan so ’n intense onttrekkingsprogram oor so ’n lang tydperk nie, meen sommiges dit is die swakste skakel in die driejaarplan.
NamWater het egter beklemtoon daar is groot vertroue in ’n tweejaarplan, waarop tydens die werksessie vir Sentraal-Namibië besluit is.
Kritici van die driejaarplan sê ’n aantal kwessies moet eers opgelos word voor die plan lewensvatbaar sal wees - iets wat selfs onder ideale omstandighede moeilik sal wees.
Volgens die tweejaarplan, wat die huidige watervoorraad in ag neem - sonder enige verdere invloei van water - is die geraamde droogloopdatum vir die Von Bachdam Mei 2019 en Julie 2019 vir die Swakoppoortdam.
Kenners het tydens die vergadering gesê die bestuur van die waterkwessie moet altyd voorkeur kry sodat die aanvraag perke nie oorskry nie.
Dít volgens ’n driejaarplan wat deur kenners by NamWater opgestel is.
Tydens ’n vergadering oor watersekerheid vir Sentraal-Namibië wat verlede week Woensdag deur die Namibië Wetenskaplike Vereniging aangebied is, het ’n voorlegging deur NamWater aangedui sentrale dele van die land mag dalk genoeg water hê om drie reënseisoene tot 2020 te oorbrug - mits die vooruitgeskatte vraag na water nie oorskry word nie en verskeie planne toegepas word.
Dié driejaarplan is tans nog net op papier en daar moet eers aan verskeie vereistes voldoen word voor dit haalbaar sal wees, is aan Republikein se susterkoerant Namibian Sun gesê.
Die voorlegging het op die huidige status van waterbronne in sentrale gebiede, asook kort- en langtermynplanne gefokus.
NamWater is besig met ’n vooraf-uitvoerbaarheidstudie om 29 potensiële nuwe waterbronne te evalueer wat moontlik gebruik kan word tot ’n nuwe groot bron van water ontwikkel kan word.
Die Swakoppoortdam is tans 45% vol, vergeleke met 7,2% dié tyd verlede jaar. Volgens die jongste damverslag staan die Von Bachdam op 68,1% vergeleke met 14,1% verlede jaar.
Die gemiddelde totaal van die drie sentrale damme, insluitende die Omatakodam, is tans 41,2% vergeleke met 7,4% verlede jaar.
Die voorgestelde driejaarplan vir watersekerheid dui aan dat selfs in die ergste omstandighede, waar geen water die damme tot die einde van April 2020 binnevloei nie, kan die Von Bachdam as ’n voldoende bron dien tot Mei 2020, en die Swakoppoortdam tot April 2020.
NamWater het beklemtoon die driejaarplan is afhanklik van verskeie faktore wat insluit die spaarsamige gebruik van water, beplanning, waarneming en spanwerk tussen verskeie agentskappe, asook samewerking tussen alle watergebruikers.
Een van die vereistes is dat die watertoevoer van die Berg-Aukas- en Kombatmyn, asook die Karst-boorgate, teen Mei 2018 in volle swang moet wees.
Die plan is ontwerp met die oog op die hervulling en onttrekking van water uit die Windhoek-akwifer. Die akwifer word tans deur Windhoek se munisipaliteit bestuur. Omdat die akwifer egter nog nie onderwerp is aan so ’n intense onttrekkingsprogram oor so ’n lang tydperk nie, meen sommiges dit is die swakste skakel in die driejaarplan.
NamWater het egter beklemtoon daar is groot vertroue in ’n tweejaarplan, waarop tydens die werksessie vir Sentraal-Namibië besluit is.
Kritici van die driejaarplan sê ’n aantal kwessies moet eers opgelos word voor die plan lewensvatbaar sal wees - iets wat selfs onder ideale omstandighede moeilik sal wees.
Volgens die tweejaarplan, wat die huidige watervoorraad in ag neem - sonder enige verdere invloei van water - is die geraamde droogloopdatum vir die Von Bachdam Mei 2019 en Julie 2019 vir die Swakoppoortdam.
Kenners het tydens die vergadering gesê die bestuur van die waterkwessie moet altyd voorkeur kry sodat die aanvraag perke nie oorskry nie.
Kommentaar
Republikein
Geen kommentaar is op hierdie artikel gelaat nie