Windhoek se pad na ekonomiese herstel

WERI-inisitiatief voorgestel

05 May 2021 | Regering
Augetto Graig – Die Windhoek Ekonomiese Herstel-inisiatief, bekend as die WERI, is amptelik by Donderdag se stadsraadsvergadering voorgelê.
“Die inisiatief wil ekonomiese groei en werkskepping deur innovasie bevorder,” en sal onder meer fokus op vervaardiging, behuising, infrastruktuur, inligting en kommunikasietegnologie, konstruksie, voedsel, landbou, kleinhandel, toerisme, die kunste, kultuur, water en krag, lui die raadsdokument.
“Die WERI erken dat daar inwoners, besighede, entrepreneurs, akademici of organisasies sonder winsbejag mag wees wat dalk idees het om die stadsraad se probleme op te los, dienslewering te verbeter of om werksgeleenthede te skep. Om dié idees te gebruik, moet ’n platform geskep word waardeur dit oorgedra en geïmplementeer kan word,” volgens die dokumente.
In sy toespraak het Windhoek se burgemeester, dr. Job Amupanda, klem gelê op samewerking en die vordering wat gemaak is danksy hulp vanaf “vriende van Windhoek”.
“Ons benadering tot die ‘vriende van Windhoek’ word ondersteun deur kollektivisme, in teenstelling met individualisme.”
Amupanda sê: “Ons kan nie die pad volg waar regeringsbates verlore gaan nie. Namibië is tans ’n land sonder ’n nasionale lugredery, sonder ’n geakkrediteerde nasionale stadion en met ’n nasionale uitsaaier op lewensondersteuning.
“Ons doen ’n beroep op almal in ’n posisie om die trajek van ons nasie te verander, om hulself tweede te stel, en die belange van die nasie vir toekomstige generasies, eerste te plaas.”
Die stad hoop om deur die inisiatief 5 000 voltydse werksgeleenthede voor 2025 in Windhoek te skep. Die stadsraad hoop om deur plaaslike beleggings nywerhede te bou en sal ook ’n alternatiewe stelsel soek, eerder as ’n tenderproses, om idees spoediger te implementeer.
Verder beoog die inisiatief om teen 2025 die stad se inkomste met N$20 miljard te verhoog en in dieselfde tydperk die hoofstad se bydrae tot die bruto binnelandse produk (BBP) van 33% tot 36% te vergroot.
Sakevoorstelle word verwelkom en ’n formaat vir die indiening van dié voorstelle is opgestel. Hierdie maand sal insette van spesifieke nywerhede gesoek word voor ’n formele advertensie vir belangstelling in Junie en Julie uitgereik word.
’n Kortlys en openbare voorstelling van sakevoorstelle sal in Augustus begin, volgens die WERI.
Ander besluite wat gedurende die raadsvergadering geneem is, sluit in goedkeuring van ’n teenkorrupsiebeleid en -prosedure, die hersiening van die hoofstad se beleid op sjebeens en dobbelhuise in woonbuurte, met ’n studie in samewerking met plaaslike universiteite en later die insameling van inwoners se insette.
Windhoek het reeds 300 nuwe voorafbetaalde watermeters aangeskaf en sal binnekort met die installering van die meters begin.
Pensioenarisse, kwesbare inwoners en agtergeblewenes sal voorkeur geniet. Inwoners met skuld sal gedwing word om meters te kry en ’n lening aan te gaan om vir die installering te betaal.
Die Windhoek-munisipaliteit het die volgende dag ’n kennisgewing uitgereik om inwoners te herinner dat dienste aan wanbetalers opgeskort gaan word.
“Stad Windhoek gee kennis aan kliënte dat vanaf 3 Mei 2021 elektrisiteitstoevoer na-ure afgesny sal word vir alle agterstallige rekeninge van meer as 30 dae,” lees die kennisgewing.
Die senior munisipale woordvoerder, me. Lydia Amutenya, sê dié stap is nodig om fisiek toegang tot sommige meters te verseker, omdat mense na-ure tuis is. Sy beklemtoon betrokke inwoners sal eers individueel ingelig word en hulle kan altyd by die munisipaliteit reëlings tref as hul rekeninge agterstallig is.
“Dit is niks buitengewoon nie en is normale praktyk,” sê sy.
[email protected]

Soortgelyk

 

Ses sterftes, 177 nuwe gevalle

14 ure gelede | Gesondheid

Die Covid-19-verwante sterftesyfer sedert die aanvang van die pandemie in Maart verlede jaar skuif met ses - vyf in Windhoek en een in Keetmanshoop -...

341 nuwe gevalle, een sterfte

1 dag gelede | Gesondheid

Die Covid-19-verwante sterftes vir die land staan op 683 ná die dood van 'n 52-jarige man van die Okakarara-distrik. Vandag is 341 nuwe gevalle aangemeld...

Britse miljardêr hoor Dinsdag oor borgtog

2 dae gelede | Howe

Mnr. Harvey Eric Boulter (51, foto), die Britse miljardêr en plaaseienaar van Kamanjab wat vandeesweek in die landdroshof op Outjo om borgtog aangesoek gedoen het,...

NBC-staking duur voort, 74 werknemers terug in die tuig...

2 dae gelede | Arbeid

Hoewel die NBC-staking voortduur, het 74 werknemers intussen teruggekeer werk toe en is die Engelse radiodiens, National FM, weer terug op die lug.Die voorsitter van...

Sinopharm deur WHO vir noodgebruik goedgekeur

2 dae gelede | Gesondheid

Die Wêreldgesondheidsorganisasie (WHO) het die Sinopharm-entstof teen Covid-19 vandag vir noodgebruik goedgekeur. Die enstof wat saam met Covishield/AstraZeneca in Namibië in die land se immuniseringsveldtog...

Sewe toets positief by NIP-laboratorium

2 dae gelede | Gesondheid

Sewe mense het positief vir Covid-19 by die Nasionale Insitituut vir Patologie (NIP) se laboratorium in Windhoek getoets wat by die instituut se hoofkantoor geleë...

8 sterftes, 92 nuwe gevalle

2 dae gelede | Gesondheid

Die Covid-19-verwante sterftes vir Namibië sedert die aanvang van die pandemie in Maart verlede jaar het met nog agt - drie elk in onderskeidelik Windhoek...

Self-management and its impact in leadership

3 dae gelede |

Gabrielle BotelhoSelf-management is the second pillar of emotional intelligence. It is a competency that is composed by the following abilities: self-control, trustworthiness, conscientiousness, adaptability, achievement...

A lawyer’s dream

3 dae gelede | Mense

Rivaldo KavangaIt is many Namibian law students’ and lawyers’ dream to start their own law firm. Henry Shimutwikeni has achieved this by establishing his own...