Winde van verandering in premierliga

Andrew Poolman - In die verkleinde premierliga van die Namibië Rugbyunie (NRU) begin vyf uit die sewe klubs die nuwe seisoen met nuwe hoofafrigters.In môre se openingsronde vir 2018 wag drie opwindende ontmoetings tussen klubs wat tradisioneel derbies hou (afskoptye op bl. 18).Verrassend genoeg het Walvisbaai rugbyklub – ná 2017 se puik vordering tot die semifinaal – vanjaar na die eerste liga afgeskuif. Die rede is glo dat verskeie spelers na die buurklub Kudus oorgeloop het, wat skynbaar 'n jaarlikse heen en weer verskynsel is.Een nuwe hoofafrigter wat aan die diep kant ingegooi is, is FNB Western Suburbs se Llewellyn Winkler, wie se span deur 'n wegwedstryd teen die gedugte FNB Universiteit van Namibië in die gesig staar word.Unam se grootste verlies in die afseisoen is dat hy die blink senter Lesley Klim aan 'n Engelse klub afgestaan het. Afrigter Johan Diergaardt kan nogtans reken op 'n 22-tal gevestigde staatmakers wat in die opeenvolgende ligasuksesse sedert 2015 hul ervaring en samespel verfyn het.Die laaste nederlaag in 'n ligawedstryd vir Unam se eerste span was 'n allemintige 32 wedstryde gelede, halfpad deur 2016. Met 'n hardwerkende voorseisoen agter die blad, sal dit opnuut keer kos teen die studente.Winkler het gister aan die koerant gesê sy Suburbs-span het ook 'n goeie opbou tot die seisoen gehad en is fisiek en geestelik gereed.“Uit ons groep van sewe in die nasionale oefengroep is net vier vir die naweek vrygestel, naamlik Roderique Victor, Diamando Tjombe, Russell van Wyk en Gino Wilson. Heelagter Ricardo Swartz is nog nie fiks verklaar ná sy besering in laas jaar se eerste Gold Cup-wedstryd nie, terwyl senter Allister Miller die naweek met studieverpligtinge misloop.”Sy nuwe uitdaging as hoofafrigter (hy neem by Shaun Kaizemi oor) is volgens Winkler 'n geleentheid om te groei as 'n leier wat sy spelers ondersteun om hul volle potensiaal te bereik.Johan Diergaardt se kommentaar: “Suburbs sal dit nooit maklik maak nie, maar ons het 'n goeie voorseisoen gehad en ons manne lyk groter en vinniger en sterker, hoewel nog bietjie verroes. Ek glo dit kan net 'n verbetering wees op verlede jaar. Ons motivering is om altyd op ons vorige vertoning te verbeter. Ons spelers besef dat hulle nie standaarde kan laat glip as hulle wil meeding met spelers wat in die RSA of elders speel nie.”Diergaardt en Jood Opperman (Trustco United) is die enigste premierliga-hoofafrigters van 2017 wat steeds in hul ampte is. Opperman se Filistyne het môre die tuisvoordeel teen FNB Wanderers, waar Vince Dreyer by Charl du Toit oorgeneem het.REHOBOTHNet agt spelers wat verlede jaar vir Rehoboth Rugbyklub (RRK) teen Reho Falcon in die derby gespeel het, gaan môre weer speel. Beide spanne het nuwe afrigters, naamlik Gerald Loubser by Reho Falcon en Hakkie Louw by die Rooi Bulle.In die afwesigheid van die beseerde kaptein Charl Freygang is agtsteman Milando Titus die nuwe leier vir RRK.Ander terugslae vroeg in die seisoen was dat Charl Freygang en Colin de Koe deur kniebeserings uitgeskakel is. Hillian Beukes is ook onbeskikbaar vanweë sy suster se troue.Rehoboth se spanbestuurder Marschell Diergaardt sê: “Geen voorspelling kan eintlik gewaag word nie, omdat Reho Falcon 'n totale onbekende span vir ons is. Dis 'n nuwe seisoen en die eerste wedstryde. “Ons klub word Saterdag 66 jaar oud en sal graag met oorwinnings vir beide spanne huiswaarts wil keer. Mag die beste span wen.”Die beskikbare spanlyste:FNB Unam: 15 Lorenzo Louis, 14 Silvano Beukes, 13 Milaan van Wyk, 12 Camlo Martin, 11 Chess Lawrence, 10 Helarius Kisting, 9 Cameron Klassen, 8 Bradley Klazen (kapt), 7 Renaud van Neel, 6 Rheinhardt Carelse, 5 Max Katjijeko, 4 Mahepisa Tjeriko, 3 Desiderius Sethie, 2 Obert Nortjé, 1 Tjino Tjirare.Reserwes: Jeandre Cloete, Graham April, Kami Mieze, Freddy Puriza, Venantius Kalilo, Rodney Coetzee, Denver Murorua.FNB Western Suburbs: 15 Gino Wilson, 14 Collins Omalu, 13 Nikin Cloete, 12 Nathan Goliath, 11 Russel van Wyk, 10 Justin Nel, 9 JC Winkler, 8 Roderique Victor, 7 Uno Katjiuongua, 6 Howard Gawachab (kapt), 5 Diamando Tjombe, 4 James Kisting, 3 Elliot Lombardt, 2 Neville Vries, 1 Aleck Botha.Reserwes: Amirow Uys, Nino Kakuva, Haitembu Shikufa, Fidel Micolleney, Tjingairi Katjivi, Bronwyn Biza Willemse, Dylan Izaaks.Trustco United: 15 Elmo van der Byl, 14 Stefan Louw, 13 Tuna Amutenya, 12 Mbimbo Mbai, 11 Henry Kandjou, 10 Riaan van Zyl, 9 Hanreco van Zyl, 8 Naudé Neethling, 7 Niël van Vuuren, 6 Zayne Groenewaldt, 5 Lionel Nantes, 4 Winmar Rust (kapt), 3 Jason Benade, 2 Dewald Coetzee, 1 Simon Kanime.Reserwes: Gerhard Thirion, Herman Grobler, Jean-Pierre Grobler, Panduleni Ilonga, Herman Stroh, Morné Blaauw, Alcino Izaaks.Rehoboth Rugbyklub: 15 Howard Titus, 14 Keathan Freygang, 13 Brandon Dentlinger, 12 Chase Diergaardt, 11 Paulus Hangula, 10 Xavier van Wyk, 9 Ascher Coetzee, 8 Milando Titus, 7 Fagan Bussel, 6 Loydd van Wyk, 5 Dylan Farmer, 4 Elroy van Wyk, 3 Delano Coetzee, 2 Kevin Cloete, 1 Godwin Kaoseb.Reserwes: Udo Mall, Flavio Windswaai, Eugene Forbes, Allister Groenewaldt, Elrich Jansen, Nazume Swartz, Morné Lucas, Titus Mathias.

Winde van verandering in premierliga

Kommentaar

Republikein 2026-02-03

Meld asseblief aan om kommentaar te lewer

Winde van verandering in premierliga

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.